ചീട ഇങ്ങനെ വറുത്തെടുത്ത് കഴിച്ചു നോക്കൂ

ഓണ പലഹാരം എന്നു പറഞ്ഞാൽ ഉപ്പേരിയും, ശർക്കരവരട്ടിയും, ചീടയും തന്നെ പ്രധാനികൾ. അതിൽ അൽപ്പം വ്യത്യസ്തത ഉള്ള ഒന്നാണ് ചീട. ചില ഇടങ്ങളിൽ കളിയടക്ക എന്നും പറയും. അരിപ്പൊടിയോ, അല്ലെങ്കിൽ പുഴുക്കലരിയോ ആണ് ഇതിലെ പ്രധാന ചേരുവ. ഒപ്പം തേങ്ങയും ജീരകവും, കുരുമുളക് ആവശ്യമെങ്കിൽ അതും ചേർക്കാറുണ്ട്. തയ്യാറാക്കാൻ വളരെ എളുപ്പം എന്നു തോന്നാമെങ്കിലും വളരെ ശ്രദ്ധയോടെ വറുത്തെടുക്കണം. മാവ് തയ്യാറാക്കുമ്പോൾ ചേർക്കുന്ന വെള്ളത്തിൻ്റെ അളവ് മുതൽ ഉരുട്ടിയെടുക്കുന്നതിൽ വരെ ഈ ശ്രദ്ധ വേണം. 

തിളച്ചു വരുന്ന വെളിച്ചെണ്ണയിലേയ്ക്കാണ് ഉരുട്ടിയെടുത്ത ചീട ചേർക്കുന്നത്. അതു കൊണ്ട് തന്നെ മാവിൽ വെള്ളം അധികം ഉണ്ടാകരുത്. കൈകൊണ്ട് ഉരുട്ടിയെടുക്കാൻ പാകത്തിന് മാത്രം വെള്ളം ചേർത്ത് മാവ് അരച്ചാൽ മതിയാകും. ഇടത്തരം വലിപ്പത്തിൽ മാവ് ഉരുട്ടിയെടുക്കുക. ചീടയുടെ നിറം ലൈറ്റ് ബ്രൗൺ നിറത്തിലേക്കാകുമ്പോൾ  ഉടൻ എണ്ണയിൽ നിന്നും മാറ്റുക. അല്ലെങ്കിൽ കരിഞ്ഞു പോകുവാനുള്ള സാധ്യതയുണ്ട്.

നാടൻ സ്റ്റൈലിൽ പുഴുക്കലരി ഉപയോഗിച്ച് ചീട തയ്യാറാക്കി നോക്കൂ. യദു പഴയിടം തൻ്റെ ഇൻസ്റ്റഗ്രാം പേജിലൂടെയാണ് ഇതിൻ്റെ ചേരുവകളും റെസിപ്പിയും പരിചയപ്പെടുത്തി തരുന്നത്. 

ചേരുവകൾ

• പുഴുക്കലരി- 1 കപ്പ്‌
• ജീരകം- 1 ടീസ്പൂൺ 
• കുരുമുളക്- 1 ടീസ്പൂൺ 
• തേങ്ങ- 1/2 മുറി
• വെളിച്ചെണ്ണ- ആവശ്യത്തിന് 
• ഉപ്പ്- ആവശ്യത്തിന്

തയ്യാറാക്കുന്ന വിധം 

• ഒരു കപ്പ് പുഴുക്കലരി മൂന്ന് മണിക്കൂറെങ്കിലും വെള്ളത്തിൽ കുതിർത്തു വെയ്ക്കുക.
• ശേഷം ഒരു ടീസ്പൂൺ കുരുമുളകും, ഒരു ടീസ്പൂൺ ജീരകവും, അര മുറി തേങ്ങ ചിരകിയതും ചേർത്ത് അരച്ചെടുക്കുക.
• ആവശ്യത്തിന് വെള്ളം ഒഴിച്ച് അരയ്ക്കുക.
• ഇതിലേയ്ക്ക് ആവശ്യത്തിന് ഉപ്പ് ചേർത്ത് ഇളക്കുക.
• അടികട്ടിയുള്ള ഒരു പാത്രത്തിൽ അല്ലെങ്കിൽ ചീനച്ചട്ടിൽ വെളിച്ചെണ്ണ ഒഴിച്ച് ചൂടാക്കുക.
• എണ്ണ തിളച്ചു വരുമ്പോഴേയ്ക്കും അരച്ചെടുത്ത മാവിൽ നിന്നും കുറച്ചു വീതം ഉരുട്ടിയെടുക്കുക.
• ഇത് എണ്ണയിലേയ്ക്ക് ചേർത്ത് വറുത്തെടുക്കുക.

Read More

• പരിപ്പ് കറി ബാക്കി വന്നോ? നല്ല ക്രിസ്പി ദോശ ഇങ്ങനെ തയ്യാറാക്കിക്കോളൂ
• നാവിൽ കൊതിയൂറും വടുകപ്പുളി അച്ചാർ
• പച്ചമുളകും തൈരും മതി അസാധ്യ രുചിയിൽ 1 മിനിറ്റിൽ കറി റെഡി
• ചമ്മന്തി തയ്യാറാക്കാൻ ഇനി നിലക്കടല മതിയാകും
• അഞ്ച് മിനിറ്റിൽ അഞ്ച് ചേരുവകൾ കൊണ്ട് രുചികരമായ പച്ചമാങ്ങ അച്ചാർ
  
• ചെന്നൈ സ്പെഷ്യൽ കല്ല്യാണ ബിരിയാണി
• പച്ചരി മാത്രം മതി, അഞ്ച് മിനിറ്റിൽ പൂപോലുള്ള ദോശ റെഡിപച്ചരി മാത്രം മതി, അഞ്ച് മിനിറ്റിൽ പൂപോലുള്ള ദോശ റെഡി
• കുക്കർ ഉണ്ടെങ്കിൽ മട്ടൺ റോസ്റ്റ് സിംപിളായി തയ്യാറാക്കാം
• സ്പൈസി ക്രിസ്പി ഉരുളക്കിഴങ്ങ് ഫ്രൈ
• ഒരു കപ്പ് അരിപ്പൊടി മതി, മിനിറ്റുകൾക്കുള്ളിൽ പിടി കൊഴുക്കട്ട തയ്യാർ
• ഉഴുന്ന് കഞ്ഞി കഴിച്ചിട്ടുണ്ടോ? ഇങ്ങനെ തയ്യാറാക്കൂ
• കട്ടൻ ചായ കടുപ്പത്തിൽ ഐസ് ഇട്ട് കുടിച്ചാലോ?
• ഉണക്കമുന്തിരി അച്ചാർ കഴിച്ചിട്ടുണ്ടോ? അസാധ്യ രുചിയാണ്
• upma recipe: ഉപ്പുമാവ് ഇനി ഇങ്ങനെ തയ്യാറാക്കി നോക്കൂ, സിംപിളാണ് റെസിപ്പി
• പുറമേ ക്രിസ്പി അകമേ ജ്യൂസി, ഈ ചിക്കൻ 65 ട്രൈ ചെയ്തു നോക്കൂ
• ആവി പറക്കുന്ന നല്ല ചൂടൻ സോഫ്റ്റ് കൊഴുക്കട്ട
• സിംപിൾ ക്രീമി പനീർ മസാല കറി
• തട്ടുകട സ്റ്റൈലിൽ മുട്ടക്കപ്പ, ട്രൈ ചെയ്തു നോക്കൂ
• Idli Recipe: പഞ്ഞിപ്പോലെ സോഫ്റ്റായ ഇഡ്ഡലി തയ്യാറാക്കാം, ഇക്കാര്യങ്ങൾ ശ്രദ്ധിക്കൂ
• വാളൻപുളി മസാല കൊണ്ട് നാടൻ മീൻ ഫ്രൈ
• ചെറുപയറുണ്ടോ? ഈ ഗുജറാത്തി വിഭവം ട്രൈ ചെയ്തു നോക്കൂ
• കൂളായിരിക്കാൻ ഒരു കുക്കുമ്പർ ഡ്രിങ്ക്
• മണം കൊണ്ട് കൊതിപ്പിക്കുന്ന കിടിലൻ ഗാർലിക് ചിക്കൻ ഫ്രൈ