അഞ്ച് മിനിറ്റിൽ അഞ്ച് ചേരുവകൾ കൊണ്ട് രുചികരമായ പച്ചമാങ്ങ അച്ചാർ

ചോറിനൊപ്പം അൽപ്പം അച്ചാറ് കൂടി ചേർന്നാൽ അടിപൊളി രുചിയാണ്. അതിൽ തന്നെ പച്ചമാങ്ങ അച്ചാറുണ്ടെങ്കിൽ പ്രിയമേറും. തയ്യാറാക്കി ദീർഘനാൾ സൂക്ഷിക്കാം എന്നതാണ് ഇതിൻ്റെ ഗുണം. ഉപ്പിലിട്ടും, ഉണക്കിയും, വരട്ടിയും അങ്ങനെ പലതരത്തിൽ മാങ്ങ ഉപയോഗിച്ച് ആച്ചാർ തയ്യാറാക്കാൻ​ സാധിക്കും. വിപണിയിലും വ്യത്യസ്ത രുചിയിൽ ഇത് ലഭ്യമാണ്. അച്ചാർ തയ്യാറാക്കാൻ അധികം സമയം ചിലവഴിക്കാനില്ല എങ്കിൽ ഒരു ഇൻസ്റ്റൻ്റ്  റെസിപ്പി പരീക്ഷിച്ചു നോക്കൂ. അക്ഷദ ദേശായി തൻ്റെ ഇൻസ്റ്റഗ്രാം പേജിലൂടെയാണ് ഈ സിംപിൾ അച്ചാർ റെസിപ്പി പരിചയപ്പെടുത്തി തരുന്നത്.

ചേരുവകൾ

• പച്ചമാങ്ങ
• എണ്ണ
• കടുക്
• ഉപ്പ്
• മഞ്ഞൾപ്പൊടി
• മുളകുപൊടി
• മല്ലിപ്പൊടി

View this post on Instagram

A post shared by Akshada Desai Lobo (@food.and.frolic)

തയ്യാറാക്കുന്ന വിധം
ഒരു പച്ചമാങ്ങ കഴുകി  തൊലി കളയാതെ തന്നെ ചെറിയ കഷ്ണങ്ങളായി അരിയുക. ഇതിലേയ്ക്ക് ആവശ്യത്തിന് മഞ്ഞൾപ്പൊടി, ഉപ്പ്, മുളകുപൊടി, മല്ലിപ്പൊടി എന്നിവ ചേർത്ത് ഇളക്കുക. ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ച് കടുക് പൊട്ടിച്ച് അൽപ്പം ഉലുവ കൂടി ചേർത്ത് വറുത്തെടുത്ത് പച്ചമാങ്ങയിലേയ്ക്ക് ചേർക്കുക. അച്ചാർ തയ്യാർ.

Read More

• ഇടിയപ്പം തയ്യാറാക്കാൻ ഇനി നേന്ത്രപ്പഴം മതിയാകും
• ലെഞ്ച് ബോക്സിലേയ്ക്ക് ഇനി പപ്പട ചമ്മന്തി കൂടി ചേർത്തോളൂ
• അരിപ്പൊടി കൊണ്ട് അഞ്ച് മിനിറ്റിൽ ഒരടിപൊളി സ്നാക്ക്
• മാമ്പഴ സീസൺ കഴിയുന്നതിനു മുൻമ്പ് തയ്യാറാക്കൂ ഈ ഡെസേർട്ട്
• രുചിയേറും ക്യാപ്സിക്കം പനീർ ഊത്തപ്പം പരീക്ഷിക്കൂ
• ഇനി ലൂബിക്ക കിട്ടിയാൽ ചമ്മന്തി ഇങ്ങനെ തയ്യാറാക്കി നോക്കൂ