സോഫ്റ്റ് ഇഡ്ഡലി തയ്യാറാക്കാൻ ചൗവ്വരി മതി

ഇഡ്ഡലി തയ്യാറാക്കാൻ ഇനി അരിയും ഉഴുന്നും വേണ്ട. മാവ് അരക്കേണ്ട പുളിപ്പിക്കേണ്ട്. കുറച്ച് ചൗവ്വരി വെള്ളത്തിൽ കുതിർത്തെടുത്താൽ മതിയാകും. ഒരു രാത്രി മുഴുവനോ അല്ലെങ്കിൽ എട്ട് മുതൽ പത്ത് മണിക്കൂർ വരെ വെള്ളത്തിൽ കുതിർത്തു വെച്ചാലും മതിയാകും. അൽപ്പം ക്രിസ്പിയാകാൻ റവ കൂടി ചേർക്കാം. മാവ് പുളിപ്പിക്കുന്നതിനു പകരം തൈരും, ബേക്കിങ് സോഡയും ചേർത്തിളക്കുക. ആവിയിൽ വേവിച്ച് ചൂടോടെ തന്നെ ചമ്മന്തിക്കൊപ്പം കഴിച്ചു നോക്കൂ. കവിത സുരേൻ തൻ്റെ ഇൻസ്റ്റഗ്രാം പേജിലൂടെയാണ് ചൗവ്വരി ഇഡ്ഡലി തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ചൗവ്വരി- 1 കപ്പ്
• വെള്ളം- 2 കപ്പ്
• റവ- 3/4 കപ്പ്
• ഉപ്പ്- ആവശ്യത്തിന്
• എണ്ണ- 1 ടീസ്പൂൺ
• കടുക്- 1 ടീസ്പൂൺ
• ജീരകം- 1 ടീസ്പൂൺ
• കടലപരിപ്പ്- 1 ടോബിൾസ്പൂൺ
• കറിവേപ്പില- ആവശ്യത്തിന്
• സവാള- 2 ടേബിൾസ്പൂൺ
• പച്ചമുളക്- 1 എണ്ണം
• കുരുമുളക്- 1/2 ടേബിൾസ്പൂൺ
• ബേക്കിങ് സോഡ- 1 ടീസ്പൂൺ

View this post on Instagram

A post shared by Sakarasaathamum_vadakarium 😉 (@sakarasaathamum_vadakarium)

തയ്യാറാക്കുന്ന വിധം

• ഒരു ബൗളിലേയ്ക്ക് 1 കപ്പ് ചൗവ്വരിയെടുത്ത് രണ്ട് കപ്പ് വെള്ളം ഒഴിച്ച് ഒരു രാത്രി മുഴുവൻ കുതിർത്തു വെയ്ക്കുക.
• കുതിർത്തെടുത്ത ചൗവ്വരിയിലേയ്ക്ക് മുക്കാൽ കപ്പ് റവയും, മുക്കാൽ കപ്പ് തൈരും, ആവശ്യത്തിന് ഉപ്പും ചേർത്തിളക്കുക.
• ഇത് പതിനഞ്ച് മിനിറ്റ് മാറ്റി വെയ്ക്കുക.
• ഒരു പാനിൽ ഒരു ടേബിൾസ്പൂൺ വെളിച്ചെണ്ണയൊഴിച്ച് ചൂടാക്കി ഒരു ടീസ്പൂൺ കടുക് ചേർത്ത് പൊട്ടിക്കുക.
• അതിലേയ്ക്ക് ഒരു പച്ചമുളക് അരിഞ്ഞതും,അര ടേബിൾസ്പൂൺ കുരുമുളക് എന്നിവ ചേർത്ത് ഒരു മിനിറ്റ് ഇളക്കുക.
• ഇതും ചൗവ്വരിയിലേയ്ക്കു ചേർത്തിളക്കുക.
• ഒരു ടീസ്പൂൺ ബേക്കിങ് സോഡയും ആവശ്യത്തിന് വെള്ളവും ഒഴിച്ചിളക്കുക.
• ഇഡ്ഡലി തട്ടിലേയ്ക്ക് മാവൊഴിച്ച് പന്ത്രണ്ട് മുതൽ പതിനഞ്ച് മിനിറ്റു വരെ ആവിയിൽ വേവിക്കുക.
• ശേഷം പാത്രത്തിലേയ്ക്കു മാറ്റി നല്ല ചൂട് ചമ്മന്തിക്കൊപ്പം കഴിച്ചു നോക്കൂ. 

Read More

• പച്ചമുളകും തൈരും മതി അസാധ്യ രുചിയിൽ 1 മിനിറ്റിൽ കറി റെഡി
• ചമ്മന്തി തയ്യാറാക്കാൻ ഇനി നിലക്കടല മതിയാകും
• ബീൻസ് ഇനി ഇങ്ങനെ ഫ്രൈ ചെയ്തെടുക്കൂ
• ചെന്നൈ സ്പെഷ്യൽ കല്ല്യാണ ബിരിയാണി
• പച്ചരി മാത്രം മതി, അഞ്ച് മിനിറ്റിൽ പൂപോലുള്ള ദോശ റെഡിപച്ചരി മാത്രം മതി, അഞ്ച് മിനിറ്റിൽ പൂപോലുള്ള ദോശ റെഡി
• കുക്കർ ഉണ്ടെങ്കിൽ മട്ടൺ റോസ്റ്റ് സിംപിളായി തയ്യാറാക്കാം
• സ്പൈസി ക്രിസ്പി ഉരുളക്കിഴങ്ങ് ഫ്രൈ
• ഒരു കപ്പ് അരിപ്പൊടി മതി, മിനിറ്റുകൾക്കുള്ളിൽ പിടി കൊഴുക്കട്ട തയ്യാർ
• ഉഴുന്ന് കഞ്ഞി കഴിച്ചിട്ടുണ്ടോ? ഇങ്ങനെ തയ്യാറാക്കൂ
• കട്ടൻ ചായ കടുപ്പത്തിൽ ഐസ് ഇട്ട് കുടിച്ചാലോ?
• ഉണക്കമുന്തിരി അച്ചാർ കഴിച്ചിട്ടുണ്ടോ? അസാധ്യ രുചിയാണ്
• upma recipe: ഉപ്പുമാവ് ഇനി ഇങ്ങനെ തയ്യാറാക്കി നോക്കൂ, സിംപിളാണ് റെസിപ്പി
• പുറമേ ക്രിസ്പി അകമേ ജ്യൂസി, ഈ ചിക്കൻ 65 ട്രൈ ചെയ്തു നോക്കൂ
• ആവി പറക്കുന്ന നല്ല ചൂടൻ സോഫ്റ്റ് കൊഴുക്കട്ട
• സിംപിൾ ക്രീമി പനീർ മസാല കറി
• തട്ടുകട സ്റ്റൈലിൽ മുട്ടക്കപ്പ, ട്രൈ ചെയ്തു നോക്കൂ
• Idli Recipe: പഞ്ഞിപ്പോലെ സോഫ്റ്റായ ഇഡ്ഡലി തയ്യാറാക്കാം, ഇക്കാര്യങ്ങൾ ശ്രദ്ധിക്കൂ
• വാളൻപുളി മസാല കൊണ്ട് നാടൻ മീൻ ഫ്രൈ
• ചെറുപയറുണ്ടോ? ഈ ഗുജറാത്തി വിഭവം ട്രൈ ചെയ്തു നോക്കൂ
• കൂളായിരിക്കാൻ ഒരു കുക്കുമ്പർ ഡ്രിങ്ക്
• മണം കൊണ്ട് കൊതിപ്പിക്കുന്ന കിടിലൻ ഗാർലിക് ചിക്കൻ ഫ്രൈ
• ചെറിയ ഉള്ളിയും തൈരുമുണ്ടോ? സ്വാദിഷ്ടമായൊരു കറിയൊരുക്കാം
• അരിപ്പൊടി ഇല്ലെങ്കിലും കപ്പ മതി ആവി പറക്കുന്ന സോഫ്റ്റ് പുട്ട് റെഡി