scorecardresearch
Food

ചെറിയുള്ളി ഉപ്പിലിട്ടത് കഴിച്ചിട്ടുണ്ടോ? കിടിലൻ രുചിയാണ്

കുറച്ച് ചുവന്നുള്ളി ഇങ്ങനെ ഉപ്പിലിട്ട് കഴിച്ചു നോക്കൂ, അസാധ്യരുചിയാണ്

Written byWebDesk

കുറച്ച് ചുവന്നുള്ളി ഇങ്ങനെ ഉപ്പിലിട്ട് കഴിച്ചു നോക്കൂ, അസാധ്യരുചിയാണ്

author-image
WebDesk
New Update
Shallot Brine Recipe FI

ചുവന്നുള്ളി ഉപ്പിലിട്ടത്

ഉപ്പിലിട്ട മാങ്ങയും, നെല്ലിക്കയുമൊക്കെ മലയാളികളുടെ പ്രിയപ്പെട്ട ആഹാരങ്ങളാണ്. ഉപ്പുവെള്ളത്തിൽ മുങ്ങി കിടക്കുന്ന മാങ്ങയോടൊപ്പം കാന്താരിയും കണ്ട് കൊതിച്ചവരായിരിക്കും അധികം ആളുകളും.  അടുക്കളയിലെ പല പച്ചക്കറികളും ഇങ്ങനെ ഉപ്പിലിട്ട് സൂക്ഷിക്കാവുന്നവയാണ്. അതിലൊന്നാണ് ചുവന്നുള്ളി.

Advertisment

ചെറിയുള്ളി എന്ന് അറിയപ്പെടുന്ന ഈ കുഞ്ഞൻ ഉള്ളിക്കൊപ്പം വെളുത്തുള്ളിയും കാന്താരിയോ അല്ലെങ്കിൽ പച്ചമുളകോ ചേർത്ത് ബീറ്റ്റൂട്ട് തിളപ്പിച്ച വെള്ളം ഒഴിച്ച് കുറച്ചു ദിവസം അടച്ചു സൂക്ഷിച്ചാൽ മതി. ഏഴ് ദിവസം കഴിഞ്ഞ് തുറന്ന് കഴിച്ചു നോക്കാം, കിടിലൻ രുചിയാണ്. ഇതിലേയ്ക്ക് അൽപ്പം വിനാഗിരി കൂടി ചേർക്കാവുന്നതാണ്. സ്ഥിരം ഉപയോഗിക്കുന്നതോ അല്ലെങ്കിൽ നാടൻ കള്ളിൻ്റെ വിനാഗിരിയോ ചേർത്താൽ മതിയാകും. 

ഷിജോ ജോൺ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

  • ചെറിയുള്ളി
  • വെളുത്തുള്ളി
  • പച്ചമുളക്
  • ബീറ്റ്റൂട്ട്
  • വിനാഗിരി
  • ഉപ്പ്
  • വെള്ളം

തയ്യാറാക്കുന്ന വിധം

  • ഒരു ബീറ്റ്റൂട്ടിൻ്റെ പകുതി ചെറുതായി അരിഞ്ഞത് ഒരു പാത്രത്തിലെടുത്ത് കുറച്ച് വെള്ളം ഒഴിച്ച് അടുപ്പിൽ വെച്ച് തിളപ്പിക്കുക.
  •  അത് തിളച്ചു വരുമ്പോഴേയ്ക്കും ഒരു ചില്ല് പത്രത്തിലേയ്ക്ക് ചുവന്നുള്ളി, പച്ചമുളക്, വെളുത്തുള്ളി എന്നിവ ചേർക്കുക.
  • കാൽ കപ്പ് വിനാഗിരിയും, ഉപ്പും ചേർക്കുക.
  • തിളച്ചു വന്ന ബീറ്റ്റൂട്ട് വെള്ളം ചൂടാറി കഴിയുമ്പോൾ ചില്ല് പാത്രത്തിലേയ്ക്ക് ഒഴിക്കുക. അടച്ചു സൂക്ഷിക്കുക.
  • ഏഴ് ദിവസത്തിനു ശേഷം തുറന്ന് കഴിച്ചു നോക്കൂ.
Advertisment

Read More

Recipe Food Snack

Stay updated with the latest news headlines and all the latest Lifestyle news. Download Indian Express Malayalam App - Android or iOS.

Follow us: