റംബൂട്ടാൻ കിട്ടിയാൽ സ്വാദിഷ്ടമായ അച്ചാർ തയ്യാറാക്കി സൂക്ഷിച്ചോളൂ

വിദേശിയാണെങ്കിലും കേരളത്തിലും ഇന്ന് സുലഭമായി ലഭിക്കുന്നൊരു പഴമാണ് റമ്പൂട്ടാൻ. മലേഷ്യ, ഫിലിപ്പീൻസ്, ശ്രീലങ്ക, ഇന്തോനേഷ്യ എന്നിവിടങ്ങളിൽ ധാരാളമായി കണ്ടുവരുന്ന റമ്പൂട്ടാൻ മരങ്ങൾ ഇപ്പോൾ കേരളത്തിലെ കാലാവസ്ഥയിലും നന്നായി വളരുകയും കായ്ഫലം നൽകുകയും ചെയ്യുന്നുണ്ട്. പലരും ഫലവൃക്ഷങ്ങൾക്ക് ഒപ്പം റമ്പൂട്ടാൻ മരങ്ങളും വീടുകളിൽ നട്ടുപിടിപ്പിക്കുന്നുണ്ട്.

ചുറ്റും മുള്ളുകളുണ്ടെങ്കിലും ആർക്കും ഉപദ്രവം ഇല്ലാത്ത ഇത്തിരി കുഞ്ഞൻ പഴമാണിത്. പഴമായി കഴിക്കാൻ മാത്രമല്ല, അച്ചാർ ഉണ്ടാക്കാനും കറിയുണ്ടാക്കാനുമെല്ലാം റമ്പൂട്ടാൻ പഴങ്ങൾ ഉപയോഗിക്കാം.  പുറം തോടും ഉള്ളിലെ കുരുവും കളഞ്ഞെടുത്താൽ അച്ചാറിടാനുള്ള പാകത്തിനായി.  എന്നാലിതാ റമ്പൂട്ടാൻ ഉപയോഗിച്ച് അച്ചാർ ഉണ്ടാക്കുന്നതെങ്ങനെയെന്ന് നോക്കാം. ഇസ്രത്ത് തൻ്റെ ഇൻസ്റ്റഗ്രാം പേജിലൂടെയാണ് ഈ അച്ചാർ തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• റംബൂട്ടാൻ
• നല്ലെണ്ണ
• കടുക്
• ഉലുവ
• വറ്റൽമുളക്
• ഇഞ്ചി
• വെളുത്തുള്ളി 
• പച്ചമുളുക്
• കറിവേപ്പില
• മുളകുപൊടി
• മഞ്ഞൾപ്പൊടി
• പഞ്ചസാര അല്ലെങ്കിൽ ശർക്കര
• വിനാഗിരി
• വെള്ളം
• കായം
• ഉപ്പ്

View this post on Instagram

A post shared by Ishrath Parveen T T (@roseapplekitchen)

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച്  കാൽ കപ്പ് നല്ലെണ്ണയൊഴിച്ചു ചൂടാക്കി ഒരു ടീസ്പൂൺ കടുക് ചേർത്ത് പൊട്ടിക്കുക.
• അര ടീസ്പൂൺ ഉലുവ, കറിവേപ്പില എന്നിവ ചേർത്ത് വറുക്കുക.
• ഇഞ്ചിയും വെളുത്തുള്ളിയും ചെറുതായി അരിഞ്ഞത് ഒന്നര ടേബിൾസ്പൂണും, രണ്ട് പച്ചമുളക് ചെറുതായി അരിഞ്ഞതും ചേർത്ത് വഴറ്റുക.
• ഒരു ടേബിൾസ്പൂൺ വറ്റൽമുളക് ചതച്ചതും, ഒന്നര ടേബിൾസ്പൂൺ മുളകുപൊടി, ഒരു ടീസ്പൂൺ മഞ്ഞൾപ്പൊടി, അര ടീസ്പൂൺ ഉലുവ വറുത്ത് പൊടിച്ചത് എന്നിവ ചേർത്ത് നന്നായി ഇളക്കുക.
• കാൽ കപ്പ് വിനാഗിരിയും ആവശ്യത്തിന് ഉപ്പും ചേർത്ത് തിളപ്പിക്കുക.
• മുക്കാൽ കപ്പ് വെള്ളവും, ഒപ്പം രണ്ട് നുള്ള് കായപ്പൊടിയും, ആവശ്യമെങ്കിൽ അര ടീസ്പൂൺ​ പഞ്ചസാരയോ ശർക്കരയോ ചേർത്ത് തിളപ്പിക്കുക.
• തിളച്ചു വരുമ്പോൾ മുപ്പത് റംബൂട്ടാൻ അതിലേയ്ക്കു ചേർക്കുക. നന്നായി തിളപ്പിച്ച് അടുപ്പണച്ച് തണുക്കാൻ മാറ്റി വെയ്ക്കുക.
• ചൂടാറിയതിനു ശേഷം വൃത്തുള്ള പാത്രത്തിലെടുത്ത് അടച്ചു സൂക്ഷിക്കാം. 

Read More

• ഐസ്ക്രീം ഹെൽത്തിയല്ലെന്ന് ഇനി ആരും പറയില്ല
• കിടിലൻ ഹൽവ തയ്യാറാക്കാം നിലക്കടല ഉണ്ടെങ്കിൽ
• നാവിൽ കൊതിയൂറും വടുകപ്പുളി അച്ചാർ
• ബ്രോക്കോളി ഒരു തവണയെങ്കിലും ഇങ്ങനെ ഫ്രൈ ചെയ്ത് കഴിക്കൂ
• സൂചി ഗോതമ്പ് ഉണ്ടെങ്കിൽ ഇനി ഉപ്പുമാവും തയ്യാറാക്കാം
• മലപ്പുറം സ്പെഷ്യൽ ഉള്ളി ചിക്കൻ
• പച്ച തക്കാളി കൊണ്ട് ഊണിന് രുചികരമായ ചമ്മന്തി
• ഏത്തപ്പഴം ഉണ്ടോ? എങ്കിൽ ഈ അപ്പം ഉണ്ടാക്കി നോക്കൂ
• ചെമ്മീൻ പനീർ മസാല, അടിപൊളി രുചിയാണ്
• അപ്പം ഇനി കൂടുതൽ സോഫ്റ്റാകാൻ റാഗി ചേർത്താൽ മതിയാകും
• ജാൻവി കപൂറിൻ്റെ പ്രിയപ്പെട്ട തൈര് കറിയുടെ റെസിപ്പി ഇതാണ്
• ബ്രേക്ക്ഫാസ്റ്റ് ഹെൽത്തിയാക്കാം, ഈ ചെറുപയർ ചപ്പാത്തി കഴിച്ചു നോക്കൂ
• നെയ്യിൽ വറുത്തെടുത്ത ചെമ്മീൻ ഇങ്ങനെ റോസ്റ്റ് ചെയ്യൂ
• വെറും കൂൺ റോസ്റ്റല്ല, വെണ്ണയിൽ വഴറ്റിയെടുത്ത സ്പെഷ്യൽ റെസിപ്പിയാണ്
• രസം തയ്യാറാക്കുമ്പോൾ ഈ ബോണ്ട കൂടി ചേർത്തു നോക്കൂ
• കുട്ടികൾക്ക് നൽകാം ഹെൽത്തി സ്നാക്സ്; ഈ വിഭവങ്ങൾ കൊടുത്തുവിടൂ
• സൗത്തിന്ത്യൻ സ്പെഷ്യൽ തേങ്ങാപ്പാൽ ചോറ് കഴിച്ചിട്ടുണ്ടോ?
• ഷാരൂഖാന് ഏറ്റവും പ്രിയപ്പെട്ട സ്നാക് റെസിപ്പി ഇതാ