ചെമ്മീൻ പനീർ മസാല, അടിപൊളി രുചിയാണ്

ചെമ്മീൻ പ്രേമികളാണോ?. പ്രാദേശികമായി തന്നെ ധാരാളം ചെമ്മീൻ വിഭവങ്ങൾ പ്രചാരത്തിലുണ്ട്. എല്ലാം രുചിയിൽ ഒന്നിനൊന്ന് കേമം. അത്തരത്തിലൊരു വിഭവമാണ് ചെമ്മീൻ പനീർ മസാല. പനീർ മസാല സുപരിചിതമായിരിക്കും. എന്നാൽ ഈ കറിയിൽ ചെമ്മീനാണ് താരം. ഉച്ചയൂണിന് വ്യത്യസ്തമായ കറി വേണമെങ്കിൽ ഉറപ്പായും ഇതൊന്ന് ട്രൈ ചെയ്തു നോക്കൂ. കവിത സുരേൻ തൻ്റെ ഇൻസ്റ്റ്ഗ്രാം പേജിലൂടെയാണ് ഈ ചെമ്മീൻ കറിയുടെ റെസിപ്പി പരിചയപ്പെടുത്തി തരുന്നത്. 

ചേരുവകൾ

• ജീരകം
• മല്ലി
• എള്ള്
• കടലുപരിപ്പ്
• വറ്റൽമുളക്
• ചെമ്മീൻ
• മുളുപൊടി
• മഞ്ഞൾപ്പൊടി
• ഇഞ്ചി
• വെളുത്തുള്ളി
• ഉപ്പ്
• എണ്ണ
• കടുക്
• ഏലയ്ക്ക
• കറുവാപ്പട്ട
• ഗ്രാമ്പൂ
• കറിവേപ്പില
• സവാള
• തക്കാളി
• ഗരംമസാല
• പനീർ
• വെളിച്ചെണ്ണ

View this post on Instagram

A post shared by Sakarasaathamum_vadakarium 😉 (@sakarasaathamum_vadakarium)

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച് അര ടേബിൾസ്പൂൺ ജീരകം, ഒരു ടേബിൾസ്പൂൺ മല്ലി, ഒരു ടേബിൾസ്പൂൺ കടലപരിപ്പ്, അര ടേബിൾസ്പൂൺ വെളുത്ത എള്ള്, രണ്ട് വറ്റൽമുളക് എന്നിവ വറുത്ത് പൊടിച്ച് മാറ്റി വെയ്ക്കുക.
• ഒരു ബൗളിലേയ്ക്ക് 300ഗ്രാം ചെമ്മീൻ എടുത്ത് ഒരു ടേബിൾസ്പൂൺ മുളകുപൊടി, കാൽ ടേബിൾസ്പൂൺ മഞ്ഞൾപ്പൊടി, അര ടേബിൾസ്പൂൺ ഇഞ്ചിയും വെളുത്തുള്ളിയും അരച്ചതും, അൽപ്പം ഉപ്പും ചേർത്തിളക്കി ഇരുപത് മിനിറ്റ് മാറ്റി വെയ്ക്കുക. 
• ഒരു പാനിലേയ്ക്ക് നാല് ടേബിൾസ്പൂൺ എണ്ണ ഒഴിച്ചു ചൂടാക്കി ഒരു ടീസ്പൂൺ​ കടുക്, ഒരു ഏലയ്ക്ക, അര ഇഞ്ച് കറുവാപ്പട്ട, രണ്ട് ഗ്രാമ്പൂ, അൽപ്പം കറിവേപ്പില, എന്നിവ ചേർത്ത് വറുക്കുക. 
• ഇതിലേയ്ക്ക് രണ്ട് സവാള ചെറുതായി അരിഞ്ഞത്, ഒരു ടേബിൾസ്പൂൺ ഇഞ്ചിയും വെളുത്തുള്ളിയും അരച്ചത് എന്നിവ ചേർത്തിളക്കുക.
• രണ്ട് തക്കാളി ചെറുതായി അരിഞ്ഞതും ചേർത്ത് മൂന്ന് മിനിറ്റ് വഴറ്റുക.
• കാൽ ടേബിൾസ്പൂൺ ഗരംമസാലയും, മസാല പുരട്ടി മാറ്റി വെച്ചിരിക്കുന്ന ചെമ്മീനും, അൽപ്പം ഉപ്പും ചേർത്ത് നന്നായി ഇളക്കുക. 
• വെന്തു വരുമ്പോൾ പൊടിച്ചു വെച്ചിരിക്കുന്ന മസാല കൂടി ചേർത്തിളക്കുക. 
• ഒരു ബൗളിലേയ്ക്ക് അര കപ്പ് പനീർ എടുത്ത് രണ്ട് ടേബിൾസ്പൂൺ വെളിച്ചെണ്ണ ചേർത്തിളക്കുക.
• ഇത് പാനിലേയ്ക്ക് ചേർത്തിളക്കുക. വെന്തതിനു ശേഷം അടുപ്പിൽ നിന്നു മാറ്റുക.

Read More

• അപ്പം ഇനി കൂടുതൽ സോഫ്റ്റാകാൻ റാഗി ചേർത്താൽ മതിയാകും
• ജാൻവി കപൂറിൻ്റെ പ്രിയപ്പെട്ട തൈര് കറിയുടെ റെസിപ്പി ഇതാണ്
• ബ്രേക്ക്ഫാസ്റ്റ് ഹെൽത്തിയാക്കാം, ഈ ചെറുപയർ ചപ്പാത്തി കഴിച്ചു നോക്കൂ
• നെയ്യിൽ വറുത്തെടുത്ത ചെമ്മീൻ ഇങ്ങനെ റോസ്റ്റ് ചെയ്യൂ
• വെറും കൂൺ റോസ്റ്റല്ല, വെണ്ണയിൽ വഴറ്റിയെടുത്ത സ്പെഷ്യൽ റെസിപ്പിയാണ്
• രസം തയ്യാറാക്കുമ്പോൾ ഈ ബോണ്ട കൂടി ചേർത്തു നോക്കൂ
• കുട്ടികൾക്ക് നൽകാം ഹെൽത്തി സ്നാക്സ്; ഈ വിഭവങ്ങൾ കൊടുത്തുവിടൂ
• സൗത്തിന്ത്യൻ സ്പെഷ്യൽ തേങ്ങാപ്പാൽ ചോറ് കഴിച്ചിട്ടുണ്ടോ?
• ഷാരൂഖാന് ഏറ്റവും പ്രിയപ്പെട്ട സ്നാക് റെസിപ്പി ഇതാ
• ബ്രെഡ് ടോസ്റ്റ് ഇനി ഇങ്ങനെ തയ്യാറാക്കി നോക്കൂ
• തേങ്ങ ചേർക്കാത്ത ബീറ്റ്റൂട്ട് പച്ചടി
• വറുത്തരച്ച ചിക്കൻ കറി, തനി നാടൻ രുചിയിൽ
• യീസ്റ്റ് ചേർക്കാതെ അപ്പത്തിൻ്റെ മാവ് ഇനി ഇങ്ങനെ അരച്ചെടുക്കൂ
• അരി അരയ്ക്കാതെ അരമണിക്കൂറിൽ തയ്യാറാക്കാം ഈ അപ്പം
• ചൈനീസ് സ്പെഷ്യൽ വഴുതനങ്ങ റോസറ്റ്
• തോരനല്ല വാഴക്കൂമ്പ് കൊണ്ടുള്ള നാടൻ ചമ്മന്തിയാണ്
• ക്രിസ്പിയായ ഗ്രീൻ പീസ് പൂരി, ട്രൈ ചെയ്തു നോക്കൂ
• കാബേജ് മുട്ടയും ചേർത്തൊരു ഹെൽത്തി ബ്രേക്ക്ഫാസ്റ്റ്
• മുട്ട ചേർത്ത ഗ്രീൻപീസ് മസാലയുടെ റെസിപ്പി ഇതാണ്
• ബിസ്കറ്റ് ഇനി കടയിൽ നിന്നും വാങ്ങേണ്ട, വീട്ടിൽ തയ്യാറാക്കി സൂക്ഷിക്കാം
• കിടിലൻ ഫിഷ് ബിരിയാണി അസാധ്യ രുചിയിൽ