scorecardresearch
Food

ഏത്തപ്പഴം ഉണ്ടോ? എങ്കിൽ ഈ അപ്പം ഉണ്ടാക്കി നോക്കൂ

പഴം നന്നായി പഴുത്ത കഴിഞ്ഞാൽ അൽപ്പം ശർക്കരയും തേങ്ങയും ചേർത്ത് ആവിയിൽ ഇങ്ങനെ വേവിച്ചെടുത്ത് കഴിച്ചു നോക്കൂ, അസാധ്യ രുചിയാണ്

Written byWebDesk

പഴം നന്നായി പഴുത്ത കഴിഞ്ഞാൽ അൽപ്പം ശർക്കരയും തേങ്ങയും ചേർത്ത് ആവിയിൽ ഇങ്ങനെ വേവിച്ചെടുത്ത് കഴിച്ചു നോക്കൂ, അസാധ്യ രുചിയാണ്

author-image
WebDesk
New Update
Banana Steamed Ada

ഏത്തപ്പഴം കൊണ്ടുള്ള അപ്പം

ഏത്തപ്പഴം കൊണ്ട് പലഹാരം എന്നു കേൾക്കുമ്പോൾ പഴംപൊരിയാവും പെട്ടെന്ന് ഓർമ്മ വരിക. നന്നായി പഴുത്ത പഴം ഉണ്ടെങ്കിൽ ഗോതമ്പ് പൊടിയിൽ മുക്കി എണ്ണയിൽ വറുത്തെടുത്ത് ചൂടോടെ കഴിക്കാൻ ആരും കൊതിച്ചു പോകും. എന്നാൽ ചിലവാകുന്ന എണ്ണയുടെ കാര്യം ഓർത്താൽ ഇത് തയ്യാറാക്കാൻ അൽപ്പം മടിച്ചെന്നു വരും.

Advertisment

പഴം നന്നായി പഴുത്തു പോയാൽ പെട്ടെന്ന് കേടാകുകയും ചെയ്യും പലഹാരം തയ്യാറാക്കാൻ എണ്ണയുമില്ല എന്നാണെങ്കിൽ റെസിപ്പി ഒന്ന് മാറ്റി പിടിച്ചോളൂ.  ഉടച്ചെടുത്ത പഴം ശർക്കരയും തേങ്ങയും ചേർത്ത്  ആവിയിൽ വേവിച്ച് കഴിച്ചു നോക്കൂ. ലക്ഷമി തൻ്റെ ഇൻസ്റ്റഗ്രാം പേജിലൂടെയാണ് ഈ നാടൻ നേന്ത്രപ്പഴം റെസിപ്പി പരിചയപ്പെടുത്തി തരുന്നത്.

ചേരുവകൾ

  • ശർക്കര
  • തേങ്ങ 
  • പഴം 
  • നെയ്യ് 
  • ഏലയ്ക്ക 
  • കശുവണ്ടി 
  • ഉണക്കമുന്തിരി 

തയ്യാറാക്കുന്ന വിധം

  • നന്നായി പഴുത്ത മൂന്ന് നേന്ത്രപ്പഴം ആവിയിൽ വേവിച്ച് ഉടച്ചെടുക്കുക.
  • ഒരു പാൻ അടുപ്പിൽ വെച്ച് ഒരു ടേബിൾസ്പൂൺ നെയ്യ് ഒഴിച്ച് ചൂടാക്കി രണ്ട് ടേബിൾസ്പൂൺ കശുവണ്ടി, രണ്ട് ടേബിൾസ്പൂൺ ഉണക്കമുന്തിരി എന്നിവ ചേർത്ത് വറുക്കുക.
  • ഇതിലേയ്ക്ക് അര കപ്പ് ശർക്കര പൊടിച്ചതു ചേർക്കുക
  • ശർക്കര അലിഞ്ഞു വരുമ്പോൾ ഒരു കപ്പ് തേങ്ങ ചിരകിയതും, അര ടീസ്പൂൺ ഏലയ്ക്ക പൊടിച്ചതും ചേർത്തിളക്കി മാറ്റി  വെയ്ക്കുക.
  • ഉടച്ചു വെച്ചിരിക്കുന്ന പഴം രണ്ട് ഇലകളിലായി പരത്തി ഉള്ളിൽ ശർക്കരയും തേങ്ങയും ചേർത്ത അരപ്പ് വെയ്ക്കുക.
  • ഒന്നിന് മുകളിൽ മറ്റൊന്ന് കമഴ്ത്തിയ രീതിയിൽ ഇലകൾ വെച്ച് ആവിയിൽ വേവിച്ചെടുക്കുക. 
  • വെന്ത അപ്പം മുറിച്ച് കഴിക്കാം.

Read More

Advertisment
Recipe Food Snack

Stay updated with the latest news headlines and all the latest Lifestyle news. Download Indian Express Malayalam App - Android or iOS.

Follow us: