വാഴക്കൂമ്പ് കിട്ടിയോ? ഊണിന് ഈ തോരൻ തയ്യാറാക്കാൻ മറക്കേണ്ട

നാട്ടിൽ സുലഭമായി ലഭിക്കുന്ന ഒന്നാണ് വാഴക്കൂമ്പ്. കുടപ്പൻ, വാഴച്ചുണ്ട് എന്നിങ്ങനെ ഇത് അറിയപ്പെടാറുണ്ട്. പവർഹൗസ് എന്ന് വിശേഷിപ്പിക്കാൻ തക്ക ധാരാളം പോഷകങ്ങളാണിതിൽ അടങ്ങിയിരിക്കുന്നത്. ഇരുമ്പിൻ്റെ അംശം ധാരാളം ഉള്ളതിനാൽ സ്ത്രീകൾ ഇത് കഴിക്കുന്നത് ആർത്തവ സംബന്ധമായ ചില ബുദ്ധിമുട്ടുകൾക്ക് പരിഹാരം ചെയ്യും.

കൂടാതെ ഫൈബറിൻ്റെ സാന്നിധ്യവും വാഴക്കൂമ്പിൽ ആവിശ്യത്തിനുണ്ട്. അതിനാൽ ദഹനസംബന്ധമായ പ്രശ്നങ്ങൾക്ക് ഗുണകരമാണ്. രക്തത്തിലെ ഹീമോഗ്ലോബിൻ്റെ അളവ് വർധിപ്പിക്കാൻ വാഴക്കൂമ്പ് ഏറെ മികച്ചതാണ്. വാഴക്കൂമ്പിൽ അടങ്ങിയിരിക്കുന്ന ആൻ്റി ഓക്സിഡൻ്റുകൾ രോഗപ്രതിരോധ ശേഷി തന്നെ വർധിപ്പിക്കുന്നു. വാഴക്കൂമ്പ് ഉപോയോഗിച്ച് ധാരാളം വിഭവങ്ങൾ തയ്യാറാക്കാൻ സാധിക്കും. 

പോഷകഗുണങ്ങൾ ഏറെയുള്ള വൻപയറും ചേർത്ത് ഗുണകരവും രുചികരവുമായ ഒരു തോരൻ ഇനി തയ്യാറാക്കാം. ദിവ്യ അഭിഷേക് തൻ്റെ ഇൻസ്റ്റഗ്രാം പേജിലൂടെയാണ് വൻപയർ വാഴക്കൂമ്പ് തോരൻ റെസിപ്പി പരിചയപ്പെടുത്തി തരുന്നത്. 

ചേരുവകൾ

• വൻപയർ- 3/4 കപ്പ്
• വാഴക്കൂമ്പ്- 1
• മഞ്ഞൾപ്പൊടി- 3 ടീസ്പൂൺ
• ഉപ്പ്- ആവശ്യത്തിന്
• ചുവന്നുള്ളി- 10
• വെളുത്തുള്ളി- 4 അല്ലി
• കറിവേപ്പില- ആവശ്യത്തിന്
• വറ്റൽമുളക് ചതച്ചത്- 3 ടീസ്പൂൺ
• വെളിച്ചെണ്ണ- 3 ടേബിൾസ്പൂൺ
• തേങ്ങ- 1/2 കപ്പ്
• വെള്ളം- ആവശ്യത്തിന്

View this post on Instagram

A post shared by Divya Abhishek | Home Chef 👩‍🍳 (@cookwithdivya_dinemagic)

തയ്യാറാക്കുന്ന വിധം

• മുക്കാൽ കപ്പ് വൻപയർ വെള്ളത്തിൽ കുതിർത്തെടുക്കാം.
• അതിലേയ്ക്ക് കാൽ ടീസ്പൂൺ മഞ്ഞൾപ്പൊടിയും കുറച്ച് വെള്ളവും ഒഴിച്ച് വേവിക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ചൂടാക്കാം.
• അതിലേയ്ക്ക് ആവശ്യത്തിന് വെളിച്ചെണ്ണ ഒഴിച്ചു ചൂടാക്കാം.
• ചെറുതായി അരിഞ്ഞ ചുവന്നുള്ളി, നാല് അല്ലി വെളുത്തുള്ളി, ഒരു തണ്ട് കറിവേപ്പില എന്നിവ ചേർത്തു വഴറ്റാം.
• ചുവന്നുള്ളിയുടെ നിറം മാറി വരുമ്പോൾ മൂന്ന് ടീസ്പൂൺ മഞ്ഞൾപ്പൊടിയും, മൂന്ന് ടീസ്പൂൺ വറ്റൽമുളക് ചതച്ചെടുത്തതും ചേർത്തിളക്കി യോജിപ്പിക്കാം.  
• അതിലേയ്ക്ക് ചെറുതായി അരിഞ്ഞ അല്ലെങ്കിൽ ഗ്രേറ്റ് ചെയ്ത വാഴക്കൂമ്പ് ചേർക്കാം.
• ആവശ്യത്തിന് ഉപ്പ് ചേർത്തിളക്കി യോജിപ്പിച്ച് അടച്ചു വച്ച് വേവിക്കാം.
• വേവിച്ചെടുത്ത വൻപയറും, അര കപ്പ് തേങ്ങ ചിരകിയതും ചേർത്തിളക്കി യോജിപ്പിക്കാം.
• മുകളിലായി അര ടീസ്പൂൺ വെളിച്ചെണ്ണ കൂടി ചേർത്തിളക്കാം.
•  അടച്ചു വച്ച് അഞ്ച് മിനിറ്റ് വേവിക്കാം.
• ശേഷം അടുപ്പണച്ച് ചൂടോടെ ചോറിനൊപ്പം കഴിച്ചു നോക്കൂ, വാഴക്കൂമ്പ് വൻപയർ തോരൻ.

Read More

• അട തയ്യാറാക്കാം കൊതിപ്പിക്കും രുചിയിൽ; ഈ കിഴങ്ങ് ചേർത്തു നോക്കൂ
• പുളിയും മധുരവും ചേർന്ന കിടിലൻ പൈനാപ്പിൾ രസം
• ഈ ബിരിയാണി സ്വൽപം വ്യത്യസ്തമാണ്, ട്രൈ ചെയ്തു നോക്കൂ
• ഇടിവെട്ട് രുചിയിൽ നാടൻ ബീഫ് റോസ്റ്റ്
• പായസം മാത്രമല്ല ഇനി സേമിയ ദോശയും താരമാകും
• ചപ്പാത്തി ഇനി സോഫ്റ്റാകും, ഇക്കാര്യങ്ങൾ ശ്രദ്ധിക്കൂ
• ധാന്യങ്ങൾ ചേർത്തൊരു സാലഡ്; സ്വാദിഷ്ടം അതിലേറെ ഗുണകരം
• മധുരം കഴിക്കാൻ കൊതിയുണ്ടോ? എങ്കിൽ ഈ​ ഫ്രൂട്ട് കസ്റ്റാർഡ് ട്രൈ ചെയ്യൂ
• മതിവരുവോളം കഴിക്കാൻ ബട്ടർ കുക്കീസ് ഇനി സിംപിളായി വീട്ടിൽ തയ്യാറാക്കാം
• കറുമുറു കഴിക്കാൻ ഉരുളക്കിഴങ്ങ് പക്കോട
• മാന്തൾ കറി ഇതിലും രുചികരമായി കഴിച്ചിട്ടുണ്ടാകില്ല
• സൗത്തിന്ത്യൻ സ്പെഷ്യൽ പൊടി ഇഡ്ഡലി ഇനി അടുക്കളയിലെ താരം
• അരി അരച്ച് പുളിപ്പിക്കാൻ നിൽക്കേണ്ട, ഇനി പാലപ്പം ചുട്ടെടുക്കാം 10 മിനിറ്റിൽ
• അപ്പത്തിനൊപ്പം നാടൻ മട്ടൺ സ്റ്റ്യൂ, കൊതിച്ചിരിക്കാതെ തയ്യാറാക്കിക്കോളൂ
• തേങ്ങയും നട്സും ഉണ്ടെങ്കിൽ ഇനി മതിവരുവോളം കഴിക്കാം ഈ ഹെൽത്തി ലഡ്ഡു
• പാലക്ക് ചീര നിസാരക്കാരനല്ല, തയ്യാറാക്കാം 5 ഹെൽത്തി വിഭവങ്ങൾ
• ബാക്കി വന്ന ദോശ ഇനി കറുമുറു കഴിക്കാം, ഇങ്ങനെ ചെയ്തെടുക്കൂ