അപ്പത്തിനൊപ്പം നാടൻ മട്ടൺ സ്റ്റ്യൂ, കൊതിച്ചിരിക്കാതെ തയ്യാറാക്കിക്കോളൂ

ബീഫ് കഴിഞ്ഞാൽ അതിലും രുചികരമായ മറ്റൊന്നാണ് മട്ടൺ? മൃദുവായ മാംസം മസാല കൂട്ടുകൾ ചേർത്ത് വേവിച്ചെടുത്ത് കഴിച്ചു തുടങ്ങിയാൽ മിനിറ്റുകൾക്കുള്ളിൽ പ്ലേറ്റ് കാലിയാകും. എന്നാൽ ഇതേ മട്ടൺ ഉപയോഗിച്ച് സ്റ്റ്യൂ ആയോലോ?. പരിചിതമായ ചേരുവകൾ തന്നെയാണിതിനും ഉപയോഗിക്കുന്നത് മട്ടൺ വേവ് കുറവായതിനാൽ തയ്യാറാക്കാൻ അധികം സമയം വേണ്ടി വരില്ല. തേങ്ങാപ്പാൽ ചേർക്കുന്നത് സ്റ്റ്യൂവിൻ്റെ രുചി വർധിപ്പിക്കും. തേങ്ങാപ്പാൽ പിഴിഞ്ഞെടുക്കാൻ സമയമില്ലെങ്കിൽ പാക്കറ്റിൽ ലഭിക്കുന്ന തേങ്ങാപ്പാൽപ്പൊടി ചെറുചൂടു വെള്ളത്തിൽ കലർത്തി ഉപയോഗിച്ചാലും മതിയാകും. വീണ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• മട്ടൻ - 600 ഗ്രാം
• സവാള - 2 എണ്ണം
• പച്ചമുളക് - 5-6 എണ്ണം
• കറിവേപ്പില- ആവശ്യത്തിന്
• ഉപ്പ്- ആവശ്യത്തിന്
• ഇഞ്ചി- ആവശ്യത്തിന്
• വെളുത്തുള്ളി - 3 എണ്ണം
• കുരുമുളകുപൊടി- ആവശ്യത്തിന്
• തേങ്ങാപ്പാൽ- ആവശ്യത്തിന്
• ഉരുളക്കിഴങ്ങ്- ആവശ്യത്തിന്
• കാരറ്റ്- ആവശ്യത്തിന്
• ഗരംമസാല- ആവശ്യത്തിന്

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ചൂടാക്കാം.
• അതിലേയ്ക്ക് അഞ്ച് ഏലയ്ക്ക, 15 ഗ്രാമ്പൂ, രണ്ട് കറുവാപ്പട്ട, രണ്ട് തക്കോലം, ഒരു ടീസ്പൂൺ പെരുംജീരകം എന്നിവ ചേർത്തു വറുത്ത് പൊടിച്ച് ഗരംമസാല തയ്യാറാക്കാം.
• 600 ഗ്രാം മട്ടൺ ചെറിയ കഷ്ണങ്ങളായി അരിഞ്ഞെടുക്കാം.
• അതിലേയ്ക്ക് രണ്ട് സവാള ചെറുതായി അരിഞ്ഞതു ചേർക്കാം.
• അഞ്ചോ ആറോ പച്ചമുളക് ചെറുതായി അരിഞ്ഞത്, ഒരു പിടി കറിവേപ്പില, ആവശ്യത്തിന് ഉപ്പ്, കുരുമുളകുപൊടി, ഗരംമസാല എന്നിവ ചേർത്തിളക്കാം.
• 15 മിനിറ്റിനു ശേഷം അതിലേയ്ക്ക് വെള്ളം ഒഴിച്ച് അടച്ചു വച്ച് വേവിക്കാം.
• ഒരു പാൻ അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് ഉരുളക്കിഴങ്ങ്, കാരറ്റ് എന്നിവ ചേർത്ത് വഴറ്റാം. അതിലേയ്ക്കു സവാള ചേർക്കാം.
• അവ വെന്തു വരുമ്പോൾ പച്ചമുളക്, ഇഞ്ചി, കറിവേപ്പില എന്നിവ ചെറുതായി അരിഞ്ഞതും ചേർത്തിളക്കി  വഴറ്റാം.
• ഇതിലേയ്ക്ക് വേവിച്ച മട്ടൺ ചേർത്തിളക്കി യോജിപ്പിക്കാം.
• തേങ്ങയുടെ രണ്ടാം പാൽ ഒഴിച്ച് തിളപ്പിക്കാം.
• കറി കുറുകി വരുമ്പോൾ തേങ്ങയുടെ ഒന്നാം പാൽ ചേർത്ത് തിളപ്പിക്കാം. ശേഷം അടുപ്പണച്ച് ആവശ്യാനുസരണം വിളമ്പാം. 

Read More

• തേങ്ങയും നട്സും ഉണ്ടെങ്കിൽ ഇനി മതിവരുവോളം കഴിക്കാം ഈ ഹെൽത്തി ലഡ്ഡു
• പാലക്ക് ചീര നിസാരക്കാരനല്ല, തയ്യാറാക്കാം 5 ഹെൽത്തി വിഭവങ്ങൾ
• ബാക്കി വന്ന ദോശ ഇനി കറുമുറു കഴിക്കാം, ഇങ്ങനെ ചെയ്തെടുക്കൂ
• റുമാലി റൊട്ടി കഴിക്കാൻ ഹോട്ടലിൽ പോകേണ്ട, വീട്ടിൽ തന്നെ തയ്യാറാക്കിക്കോളൂ
• അവൽ വിളയിച്ചെടുക്കാം രുചികരമായി, ഈ വിദ്യ ട്രൈ ചെയ്യൂ
• നാരങ്ങ അച്ചാർ ഇനി ഇങ്ങനെ തയ്യാറാക്കാം, ലേശവും കയ്പില്ലാതെ
• ബാക്കി വന്ന ചോറിന് ഒരു മേക്കോവർ, ഇനി പ്ലേറ്റ് കാലിയാകുന്ന വഴി അറിയില്ല
• മലബാറിൻ്റെ രുചിക്കൂട്ടിൽ കല്ലുമ്മക്കായ നിറച്ചത്
• മത്തൻ വിത്ത് പാകം ചെയ്തു കഴിക്കാൻ 5 വഴികൾ
• ഇനി പരിപ്പ് കറിക്ക് സ്വാദേറും, മത്തൻ ഇല കൂടി ചേർക്കാം
• പച്ചരിയും ഉരുളക്കിഴങ്ങും മതി, രുചികരമായ ബ്രേക്ക്ഫാസ്റ്റ് ഇനി എളുപ്പത്തിൽ തയ്യാറാക്കാം
• Marble Cake in Cooker: പൂ പോലെ സോഫ്റ്റ് ഈ കുക്കർ മാർബിൾ കേക്ക്
• മസാല പരിപ്പ് പൊടി ഉണ്ടെങ്കിൽ ചോറിന് മറ്റൊരു കറി വേണ്ട
• ഇത്തിരി കുഞ്ഞൻ റവ കൊഴുക്കട്ട ഇങ്ങനെ കഴിക്കാം
• എണ്ണ മാങ്ങ അച്ചാർ; രുചി അറിഞ്ഞാൽ ഭരണി കാലിയാകുന്ന വഴി അറിയില്ല
• 10 രൂപയുടെ ബിസ്കറ്റ് കൊണ്ട് 5 മിനിറ്റിൽ കേക്ക്
• ബാക്കി വരുന്ന ചോറ് കളയരുതേ, ചായക്കൊപ്പം പലഹാരമാക്കാം