മസാല പരിപ്പ് പൊടി ഉണ്ടെങ്കിൽ ചോറിന് മറ്റൊരു കറി വേണ്ട

ബ്രേക്ക്ഫാസ്റ്റിനും ഊണിനും പ്രത്യേകം കറികൾ തയ്യാറാക്കി അടുക്കളയിൽ തന്നെ സമയം കളയുകയാണോ?. ഇത്തരം പണികൾ സിംപിളാക്കാൻ ചില വിദ്യകളുണ്ട്. ആസ്വദിച്ച് കഴിക്കാൻ പറ്റിയ കറി വേണം അതും ആരോഗ്യകരമായിരിക്കുകയും വേണം. അടുക്കളയിൽ സ്ഥിരം സാന്നിധ്യമായ പരിപ്പുകൾ കൊണ്ട് രുചികരമായ മസാല പൊടി തയ്യാറാക്കി നോക്കൂ. ആന്ധ്ര സ്റ്റൈലിലുള്ള സ്പൈസ് മിക്സാണിത്. സൗത്ത് കുക്കറി എന്ന ഇൻസ്റ്റഗ്രാം പേജാണ് പരിപ്പ് പൊടി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• തുവര പരിപ്പ്- 1/2 കപ്പ്
• കടല പരിപ്പ്- 1/4 കപ്പ്
• ചെറുപയർ പരിപ്പ്-  1/4 കപ്പ്
• എണ്ണ- 1 ടീസ്പൂൺ
• ജീരകം- 1/2 ടേബിൾസ്പൂൺ
• കുരുമുളക്- 1 ടീസ്പൂൺ
• വാളൻപുളി- ആവശ്യത്തിന്
• വറ്റൽമുളക്- 8
• കറിവേപ്പില- 2 തണ്ട്
• കായം- 1/2 ടീസ്പൂൺ
• ഉപ്പ്- ആവശ്യത്തിന്

View this post on Instagram

A post shared by South cookery (@south_cookery)

തയ്യാറാക്കുന്ന വിധം

• അര കപ്പ് തുവരപരിപ്പ്, കാൽ കപ്പ് കടലപരിപ്പ്, കാൽ കപ്പ് ചെറുപയർ പരിപ്പ് എന്നിവ ഒരു പാനിലെടുത്ത് വറുത്തു മാറ്റാം.
• അതേ പാനിലേക്ക് ഒരു ടീസ്പൂൺ​ എണ്ണ ചേർത്ത് ചൂടാക്കാം.
• അര ടേബിൾസ്പൂൺ ജീരകം, ഒരു ടീസ്പൂൺ കുരുമുളക് എന്നിവ ചേർത്തു വറുക്കാം.
• ചെറിയ കഷ്ണം വാളൻപുളിയും, എട്ട് വറ്റൽമുളകും, രണ്ട് തണ്ട് കറിവേപ്പിലയും ചേർത്തു വറുക്കാം.
• ഇതിലേക്ക് വറുത്തെടുത്ത പരിപ്പുകളും ആവശ്യത്തിന് ഉപ്പും അര ടീസ്പൂൺ കായപ്പൊടിയും ചേർത്തു പൊടിച്ചെടുക്കാം.
• ഈർപ്പം ഇല്ലാത്ത വൃത്തിയുള്ള പാത്രത്തിൽ ഇത് ഏറെ നാൾ സൂക്ഷിക്കാം. 

Read More

• ഇത്തിരി കുഞ്ഞൻ റവ കൊഴുക്കട്ട ഇങ്ങനെ കഴിക്കാം
• എണ്ണ മാങ്ങ അച്ചാർ; രുചി അറിഞ്ഞാൽ ഭരണി കാലിയാകുന്ന വഴി അറിയില്ല
• 10 രൂപയുടെ ബിസ്കറ്റ് കൊണ്ട് 5 മിനിറ്റിൽ കേക്ക്
• ബാക്കി വരുന്ന ചോറ് കളയരുതേ, ചായക്കൊപ്പം പലഹാരമാക്കാം
• നാവിൽ കൊതിയൂറും പാൽ കൊഴുക്കട്ട
• യീസ്റ്റ് ചേർക്കാതെ അഞ്ച് ദിവസം കൊണ്ട് തയ്യാറാക്കാം ഈ ലൂബിക്ക വൈൻ
• ഒന്നാം സ്ഥാനം അടിച്ചെടുത്ത് പോസരു തോരൻ; ഹെൽത്തിയാണ് സംഭവം, റെസിപ്പി ഇതാ
• പോഷക സമ്പുഷ്ടം രുചികരം ഈ ബ്രൊക്കോളി തോരൻ