ഇത്തിരി കുഞ്ഞൻ റവ കൊഴുക്കട്ട ഇങ്ങനെ കഴിക്കാം

കൊഴുക്കട്ട മലയാളികൾക്ക് അന്യമല്ല? മധുരം ചേർത്തും അല്ലാതെയും ആവിയിൽ വേവിച്ചെടുക്കുന്ന ആ പലഹാരം രാവിലെയും വൈകിട്ടും കഴിക്കുന്ന ശീലം ഒരുകാലത്ത് മലയാളിക്കുണ്ടായിരുന്നു. കൊഴുക്കട്ട തന്നെ പ്രാദേശികമായി പല തരത്തിലുണ്ട്. അതിലൊന്നാണ് പാൽ കൊഴുക്കട്ട. റവയോ അരിപ്പൊടിയോ ചേർത്ത് അത് തയ്യാറാക്കാവുന്നതാണ്. അതിൽ തന്നെ പഴം നുറുക്കും കൊഴുക്കട്ടയും പാലിൽ ചേർത്ത് തിളപ്പിച്ച് കഴിക്കുന്ന ഒരു അടിപൊളി മധുരപലഹാരമുണ്ട്. അക്ഷയ മെറിൻ ബാബു തൻ്റെ ഇൻസ്റ്റഗ്രാം പേജിലൂടെയാണ് അത് തയ്യാറാക്കുന്നതെങ്ങനെ എന്ന് പരിചയപ്പെടുത്തി തരുന്നത്. 

ചേരുവകൾ

• നെയ്യ്- 2 ടേബിൾസ്പൂൺ
• നേന്ത്രപ്പഴം- 2
• കശുവണ്ടി- 3 ടേബിൾസ്പൂൺ
• ഉണക്കമുന്തിരി- 2ടേബിൾസ്പൂൺ
• റവ- 1/2 കപ്പ്
• പഞ്ചസാര- 4 ടേബിൾസ്പൂൺ
• പാൽ- 2 1/2 കപ്പ്
• ഏലയ്ക്ക- 1/4 ടീസ്പൂൺ
• ഉപ്പ്-1 നുള്ള്
• കോൺഫ്ലോർ- 1 ടേബിൾസ്പൂൺ 
• വെള്ളം- 4 ടേബിൾസ്പൂൺ

View this post on Instagram

A post shared by Akshaya Merin Babu 🦋 (@akshayaascameo)

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് 1 ടേബിൾസ്പൂൺ നെയ്യ് ഒഴിച്ച് ചൂടാക്കാം.
• ഇതിലേക്ക് മൂന്ന് ടേബിൾസ്പൂൺ​ നേന്ത്രപ്പഴം, രണ്ട് ടേബിൾസ്പൂൺ ഉണക്കമുന്തിരി എന്നിവ ചേർത്ത് വറുക്കാം.
• അതേ നെയ്യിലേക്ക് ചെറുതായി അരിഞ്ഞ നേന്ത്രപ്പഴം ചേർത്ത് വേവിച്ചു മാറ്റാം.
• ഒരു ടേബിൾസ്പൂൺ നെയ്യ് പാനിലേക്കു ചേർക്കാം.
• അര കപ്പ് റവ ചൂടായ നെയ്യിൽ ചേർത്ത് വറുക്കാം.
• ഒപ്പം അര കപ്പ് പാലും ചേർത്തിളക്കി യോജിപ്പിക്കാം.
• അടുപ്പണച്ച് റവ തണുക്കുമ്പോൾ അത് ചെറിയ ഉരുളകളാക്കി മാറ്റാം.
• ഒരു പാത്രത്തിൽ രണ്ട് കപ്പ് പാലെടുത്ത് തിളപ്പിക്കാം.
• അതിലേക്ക് 2 ടേബിൾസ്പൂൺ പഞ്ചസാര ചേർക്കാം.
• പഞ്ചസാര അലിയുമ്പോൾ കാൽ ടീസ്പൂൺ ഏലയ്ക്ക പൊടിച്ചതും, ഒരു നുള്ള് ഉപ്പും ചേർക്കുക.
• ഒരു ടേബിൾസ്പൂൺ​ കോൺഫ്ലോറിലേയ്ക്ക് നാല് ടേബിൾസ്പൂൺ വെള്ളം ഒഴിച്ച് കലക്കിയെടുക്കാം.
• പാൽ തിളച്ചു വരുമ്പോൾ കോൺഫ്ലോർ അതിലേയ്ക്ക് ഒഴിക്കാം.
• കുറുകി വരുമ്പോൾ റവ ഉരുളകളും പഴം വേവിച്ചതും ചേർത്തിളക്കി അടുപ്പിൽ നിന്ന് മാറ്റാം. ചൂടോടെ തന്നെ കഴിച്ചു നോക്കൂ. 

Read More

• എണ്ണ മാങ്ങ അച്ചാർ; രുചി അറിഞ്ഞാൽ ഭരണി കാലിയാകുന്ന വഴി അറിയില്ല
• 10 രൂപയുടെ ബിസ്കറ്റ് കൊണ്ട് 5 മിനിറ്റിൽ കേക്ക്
• ബാക്കി വരുന്ന ചോറ് കളയരുതേ, ചായക്കൊപ്പം പലഹാരമാക്കാം
• നാവിൽ കൊതിയൂറും പാൽ കൊഴുക്കട്ട
• യീസ്റ്റ് ചേർക്കാതെ അഞ്ച് ദിവസം കൊണ്ട് തയ്യാറാക്കാം ഈ ലൂബിക്ക വൈൻ
• ഒന്നാം സ്ഥാനം അടിച്ചെടുത്ത് പോസരു തോരൻ; ഹെൽത്തിയാണ് സംഭവം, റെസിപ്പി ഇതാ
• പോഷക സമ്പുഷ്ടം രുചികരം ഈ ബ്രൊക്കോളി തോരൻ