നാരങ്ങ അച്ചാർ ഇനി ഇങ്ങനെ തയ്യാറാക്കാം, ലേശവും കയ്പില്ലാതെ

അച്ചാറിൽ തന്നെ വ്യത്യസ്ത പരീക്ഷണങ്ങൾ നടത്തുന്നതിൽ മലയാളി ഒട്ടും പിന്നിലല്ല. അതിൽ തന്നെ തയ്യാറാക്കി കേടാകാതെ സൂക്ഷിക്കാൻ അൽപ്പം ബുദ്ധിമുട്ടുള്ളത് നാരങ്ങ അച്ചാറാണ്. കയ്പ്പില്ലാതെ നാരങ്ങ ഉപയോഗിച്ച് അച്ചാർ തയ്യാറാക്കിയെടുക്കുക എന്നത് ശ്രമകരമാണ്.

വെള്ളത്തിൽ വേവിച്ചെടുക്കുന്ന നാരങ്ങ നന്നായി തുടച്ച് വെള്ളം ഇല്ലാതെടുക്കുക എന്നതു വളരെ പ്രധാനമാണ്. കൂടാതെ അച്ചാർ തയ്യാറാക്കാൻ പഴുത്ത നാരങ്ങ തിരഞ്ഞെടുക്കുക. അച്ചാർ പാകം ചെയ്ത ഉടൻ രുചിച്ചു നോക്കിയാൽ ഉപ്പ് കുറവായും, അധികം പുളി ഉള്ളതായും, വളരെയധികം കയ്പും തോന്നിയേക്കാം. എന്നാൽ കുറച്ചു ദിവസം വൃത്തിയുള്ളതും ഈർപ്പമില്ലാത്തതുമായ പാത്രത്തിൽ സൂക്ഷിച്ചാൽ വ്യത്യാസം തിരിച്ചറിയാൻ സാധിക്കും.

സാധാരണ ആവിയിൽ പുഴുങ്ങിയെടുത്ത ചെറുനാരങ്ങ നേരിട്ട് അച്ചാറാക്കി മാറ്റുകയാണ് പതിവ്.​ എന്നാൽ നാരങ്ങ ഇനി എണ്ണയിൽ വറുത്തെടുത്തു നോക്കൂ. സ്മിത തൻ്റെ ഇൻസ്റ്റഗ്രാം പേജിലൂടെയാണ് വറുത്ത നാരങ്ങ അച്ചാർ തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• നാരങ്ങ - 4 എണ്ണം
• വറ്റൽമുളക് - 24 എണ്ണം
• ഉലുവ - 1/4 ടീസ്പൂൺ
• കായം - ആവശ്യത്തിന്
• എള്ളെണ്ണ - ആവശ്യത്തിന്
• ഉപ്പ് - ആവശ്യത്തിന്

View this post on Instagram

A post shared by Smitha: Kerala Food Vlogger (@smitha_vinod)

തയ്യാറാക്കുന്ന വിധം

• നാരങ്ങ നന്നായി കഴുകി തുടച്ചെടുക്കാം.
• നാരങ്ങയിൽ ചെറിയ തുളകളിട്ടു കൊടുക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ചൂടാക്കാം.
• അതിലേക്ക് ആവശ്യത്തിന് നല്ലെണ്ണ ഒഴിച്ചു ചൂടാക്കി നാരങ്ങ ചേർത്ത് വറുത്തു മാറ്റാം.
• ചൂടാറിയതിനു ശേഷം അവ ചെറിയ കഷ്ണങ്ങളായി മുറിക്കാം.
• മറ്റൊരു പാനിൽ കാൽ ടീസ്പൂൺ ഉലുവ, കുറച്ച് കായപ്പൊടി, വറ്റൽമുളക് എന്നിവ ചേർത്ത് വറുത്തു പൊടിച്ചെടുക്കാം.
• ഒരു പാൻ അടുപ്പിൽ വച്ച് നല്ലെണ്ണ ഒഴിച്ചു ചൂടാക്കാം.
• അതിലേക്ക് നാരങ്ങ കഷ്ണങ്ങളും അരപ്പും ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• ശേഷം അടുപ്പണച്ച് തണുക്കാൻ വയ്ക്കുക. വൃത്തിയുള്ള ഈർപ്പം കടക്കാത്ത പാത്രത്തിലേയ്ക്ക് ഇതു മാറ്റി സൂക്ഷിക്കാം. 

Read More

• ബാക്കി വന്ന ചോറിന് ഒരു മേക്കോവർ, ഇനി പ്ലേറ്റ് കാലിയാകുന്ന വഴി അറിയില്ല
• മലബാറിൻ്റെ രുചിക്കൂട്ടിൽ കല്ലുമ്മക്കായ നിറച്ചത്
• മത്തൻ വിത്ത് പാകം ചെയ്തു കഴിക്കാൻ 5 വഴികൾ
• ഇനി പരിപ്പ് കറിക്ക് സ്വാദേറും, മത്തൻ ഇല കൂടി ചേർക്കാം
• പച്ചരിയും ഉരുളക്കിഴങ്ങും മതി, രുചികരമായ ബ്രേക്ക്ഫാസ്റ്റ് ഇനി എളുപ്പത്തിൽ തയ്യാറാക്കാം
• Marble Cake in Cooker: പൂ പോലെ സോഫ്റ്റ് ഈ കുക്കർ മാർബിൾ കേക്ക്
• മസാല പരിപ്പ് പൊടി ഉണ്ടെങ്കിൽ ചോറിന് മറ്റൊരു കറി വേണ്ട
• ഇത്തിരി കുഞ്ഞൻ റവ കൊഴുക്കട്ട ഇങ്ങനെ കഴിക്കാം