മത്തൻ വിത്ത് പാകം ചെയ്തു കഴിക്കാൻ 5 വഴികൾ

ഇത്തിരി കുഞ്ഞനെങ്കിലും പോഷകങ്ങളുടെ കലവറയാണ് മത്തൻ വിത്തുകൾ. ധാരാളം പ്രോട്ടീൻ, ആരോഗ്യകരമായ കൊഴുപ്പ്, ആൻ്റി ഓക്സിഡൻ്റുകൾ, മഗ്നീഷ്യം, സിങ്ക് എന്നിവ അതിൽ അടങ്ങിയിരിക്കുന്നു. ഇത് ഭക്ഷണത്തിൽ വ്യത്യസ്ത രീതിയിൽ ഉപയോഗിക്കാവുന്നതാണ്.

റോസ്റ്റട് സീഡ്

മത്തൻ വിത്തിലേക്ക് കുറച്ച് ഒലിവ് എണ്ണ ചേർക്കാം. ആവശ്യത്തിന് ഉപ്പ് ചേർത്ത് ഇളക്കി യോജിപ്പിക്കുക. ഓവൻ ഉപയോഗിച്ചോ എണ്ണയിലോ ഇത് വറുക്കാവുന്നതാണ്. ഉപ്പിനൊപ്പം മുളകുപൊടി വെളുത്തുള്ളി അരച്ചത് എന്നിങ്ങനെ വ്യത്യസ്ത ചേരുവകൾ ഉപയോഗിച്ച് കൂടുതൽ രുചികരമാക്കാം.

സാലഡ്

പച്ചിലകൾ കൊണ്ടുള്ള സാലഡിലേയ്ക്കു ചേർത്ത് മത്തൻ വിത്തുകൾ കഴിക്കാവുന്നതാണ്. കുറച്ച് വിനാഗിരിയും ചീസും ഒപ്പം ചേർത്തോളൂ.

സ്മൂത്തി

നന്നായി പഴുത്ത പഴം ചെറിയ കഷ്ണങ്ങളായി അരിഞ്ഞ് ഒപ്പം മത്തൻ വിത്തും ചേർക്കാം. അതിലേക്ക് പാൽ ഒഴിച്ച് അരച്ചെടുക്കുക. ആവശ്യത്തിന് തേൻ ചേർത്തിളക്കി യോജിപ്പിച്ച് കുടിച്ചു നോക്കൂ.

മത്തൻ ബട്ടർ

വറുത്തെടുത്ത മത്തൻ വിത്തിലേയ്ക്ക് കുറച്ച് എണ്ണ ഒഴിച്ച് അരച്ചെടുക്കാം. ഇത് ബ്രെഡിലോ ചപ്പാത്തിയിലോ പുരട്ടി കഴിക്കാവുന്നതാണ്.