ബാക്കി വന്ന ചോറിന് ഒരു മേക്കോവർ, ഇനി പ്ലേറ്റ് കാലിയാകുന്ന വഴി അറിയില്ല

ഊണ് തയ്യാറാക്കാൻ എത്ര ശ്രദ്ധിച്ച് ചോറ് വേവിച്ചെടുത്താലും പലപ്പോഴും ബാക്കി വരാറുണ്ടോ?. ആഹാരം വെറുതെ കളയുന്നതിനു പകരം അത് പുരനുപയോഗിച്ചാലോ? ബാക്കി വരുന്ന ചോറിന് ഒരു കിടിലൻ മേക്കോവർ നൽകിക്കോളൂ. ബിരിയാണിയെ വെല്ലുന്ന രുചിയിൽ കിടിലൻ മുട്ട ചോറ് പാകം ചെയ്തെടുക്കാം. എഗ് ഫ്രൈഡ് റൈസിന് മുമ്പ് തന്നെ ഇത് താരമായിരുന്നു. ചോറ് ബാക്കി വരില്ല എന്നു മാത്രമല്ല ഇനി ചോറിൻ്റെ പാത്രം കാലിയാകുന്ന വഴിയും അറിയില്ല. ഭക്ഷണം കഴിക്കാൻ മടികാണിക്കുന്ന കുട്ടികുറുമ്പൻമാർക്കും ഇത് ഇഷ്ടപ്പെടാതെ തരമില്ല. പേര് പോലെ മുട്ടയാണ് പ്രധാന ചേരുവ. ബസ്മതി അരി ഉപയോഗിച്ചും ഇത് തയ്യാറാക്കാവുന്നതാണ്. കുറച്ച് മസാലകൾ കൂടി ചേർത്തിളക്കിയെടുത്താൽ മതിയാകും. ഐശ്വര്യ രാജ് തൻ്റെ ഇൻസ്റ്റഗ്രാം പേജിലൂടെ എഗ് റൈസ് റെസിപ്പി പരിചയപ്പെടുത്തി തരുന്നത്. 

ചേരുവകൾ

• ബസ്മതി അരി/ വേവിച്ച ചോറ്
• മുട്ട
• ഉപ്പ്
• കുരുമുളക്
• വെളുത്തുള്ളി
• പച്ചമുളക്
• സവാള
• കറിവേപ്പില 
• മഞ്ഞൾപ്പൊടി
• മുളകുപൊടി
• തക്കാളി
• മല്ലിയില

View this post on Instagram

A post shared by Aiswarya Raj (@mommycooltales_aishu)

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ചൂടാക്കാം.
• അതിലേക്ക് മുട്ട പൊട്ടിച്ചൊഴിക്കാം.
• മുകളിലായി ആവശ്യത്തിന് ഉപ്പും കുരുമുളകുപൊടിയും ചേർത്തിളക്കി മാറ്റി വയ്ക്കാം.
• മറ്റൊരു പാനിൽ കുറച്ച് വെളിച്ചെണ്ണ ഒഴിക്കാം.
• എണ്ണ ചൂടായി വരുമ്പോൾ വെളുത്തുള്ളി, പച്ചമുളക്, സവാള എന്നിവ ചെറുതായി അരിഞ്ഞതു ചേർത്തു വഴറ്റാം.
• ഇതിലേക്ക് അൽപ്പം മഞ്ഞൾപ്പൊടി, എരിവിനനുസരിച്ച് മുളകുപൊടി എന്നിവ ചേർക്കാം.
• തക്കാളി ചെറിയ കഷ്ണങ്ങളായി അരിഞ്ഞതും, വേവിച്ച മുട്ടയും ചേർത്തിളക്കി യോജിപ്പിക്കാം.
• വേവിച്ച ചോറ് അല്ലെങ്കിൽ ബസ്മതി അരി അതിലേക്ക് ചേർത്ത് ഇളക്കി യോജിപ്പിക്കാം.
• അടുപ്പണച്ച് കുറച്ച് മല്ലിയില കുരുമുളുകുപൊടി എന്നിവ മുകളിൽ വിതറിയ ശേഷം ചൂടോടെ വിളമ്പാം. 

Read More

• മലബാറിൻ്റെ രുചിക്കൂട്ടിൽ കല്ലുമ്മക്കായ നിറച്ചത്
• മത്തൻ വിത്ത് പാകം ചെയ്തു കഴിക്കാൻ 5 വഴികൾ
• ഇനി പരിപ്പ് കറിക്ക് സ്വാദേറും, മത്തൻ ഇല കൂടി ചേർക്കാം
• പച്ചരിയും ഉരുളക്കിഴങ്ങും മതി, രുചികരമായ ബ്രേക്ക്ഫാസ്റ്റ് ഇനി എളുപ്പത്തിൽ തയ്യാറാക്കാം
• Marble Cake in Cooker: പൂ പോലെ സോഫ്റ്റ് ഈ കുക്കർ മാർബിൾ കേക്ക്
• മസാല പരിപ്പ് പൊടി ഉണ്ടെങ്കിൽ ചോറിന് മറ്റൊരു കറി വേണ്ട
• ഇത്തിരി കുഞ്ഞൻ റവ കൊഴുക്കട്ട ഇങ്ങനെ കഴിക്കാം
• എണ്ണ മാങ്ങ അച്ചാർ; രുചി അറിഞ്ഞാൽ ഭരണി കാലിയാകുന്ന വഴി അറിയില്ല