മാന്തൾ കറി ഇതിലും രുചികരമായി കഴിച്ചിട്ടുണ്ടാകില്ല

ഉണക്കമീൻ കറിയോട് പ്രിയമുള്ളവരാണോ? അത് വറുത്തും കറി വച്ചും കഴിക്കാറുണ്ട്. കിഴങ്ങുകളുടെ കാലമാണ് ഈ തണുപ്പ് കാലം. കപ്പയും ചേമ്പും ചേനയും പുഴുങ്ങി ഉണക്കമീൻ കറി കൂട്ടി കഴിക്കാൻ തന്നെ പ്രത്യേക സുഖമാണ്. എങ്കിലിനി അതിൽ തന്നെ വ്യത്യസ്തതകൾ പരീക്ഷിച്ചാലോ? ഉണക്കമീനും വെണ്ടയ്ക്കയും ചേർത്ത് ഒരു നാടൻ കറി തന്നെ ആവാം​ ഇനി ഊണിന്. ഫുഡീ മലബാറി എന്ന ഇൻസ്റ്റഗ്രാം പേജാണ് ആ കറി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• മാന്തൾ- 250 ഗ്രാം
• വെണ്ടയ്ക്ക- 200 ഗ്രാം
• ഉലുവ- 1 ടീസ്പൂൺ
• ഇഞ്ചി- 1/2 കഷ്ണം
• വെളുത്തുള്ളി- 5 അല്ലി
• പച്ചമുളക്- 3 എണ്ണം
• സവാള- 1
• തക്കാളി- 1
• മഞ്ഞൾപ്പൊടി- 1/4 ടീസ്പൂൺ
• മുളകുപൊടി- 1 ടീസ്പൂൺ
• മല്ലിപ്പൊടി- 1 ടീസ്പൂൺ
• കുരുമുളകുപൊടി - 3/4 ടീസ്പൂൺ
• പുളി വെള്ളം- ആവശ്യത്തിന്
• തേങ്ങാപ്പാൽ- ആവശ്യത്തിന്
• ഉപ്പ്- ആവശ്യത്തിന്
• വെള്ളം- ആവശ്യത്തിന്

View this post on Instagram

A post shared by foodie_malabari (@foodie_malabariii)

തയ്യാറാക്കുന്ന വിധം

• അടി കട്ടിയുള്ള പാത്രം അടുപ്പിൽ വച്ച് ചൂടാക്കാം.
• അതിലേയ്ക്ക് അൽപം വെളിച്ചെണ്ണ ഒഴിച്ചു ചൂടാക്കാം.
• 200 ഗ്രാം വെണ്ടയ്ക്ക ചെറിയ കഷ്ണങ്ങളാക്കി ചേർത്തു വഴറ്റാം.
• അതേ ചട്ടിയിലേയ്ക്ക് ഒരു ടീസ്പൂൺ ഉലുവ ചേർത്തു പൊട്ടിക്കാം.
• അര കഷ്ണം ഇഞ്ചി, അഞ്ച് വെളുത്തുള്ളി എന്നിവ ചെറിയ കഷ്ണങ്ങളായി ചേർത്തു വഴറ്റാം.
• ഇതിലേയ്ക്ക് മൂന്ന് പച്ചമുളക്, ഒരു ഇടത്തരം വലിപ്പമുള്ള സവാള, ആവശ്യത്തിന് ഉപ്പ്, ഒരു പിടി കറിവേപ്പില, ചെറിയ കഷ്ണങ്ങളായി അരിഞ്ഞ തക്കാളി എന്നിവ ചേർത്തിളക്കി യോജിപ്പിക്കാം.
• പച്ചക്കറികൾ വെന്തു വരുന്നതു വരെ അടച്ചു വച്ച് വേവിക്കാം.
• ഒരു ചെറിയ കഷ്ണം വാളൻപുളി വെള്ളത്തിൽ കുതിർത്തു വച്ചതും, വഴറ്റിയെടുത്ത വെണ്ടയ്ക്കയും അതിലേയ്ക്കു ചേർത്തിളക്കി യോജിപ്പിക്കാം.
• വെള്ളം വറ്റി കഴിയുമ്പോൾ തേങ്ങാപ്പാൽ ഒഴിക്കാം.
• ഒപ്പം വൃത്തിയായി കഴുകിയെടുത്ത മാന്തൽ ചേർത്ത് അടച്ചു വച്ച് തിളപ്പിക്കാം. തിളച്ച് കുറുകി വന്ന കറിയിലേയ്ക്ക് വെളിച്ചെണ്ണ ഒഴിച്ച് ഇളക്കി മാറ്റി വയ്ക്കാം. 

Read More

• സൗത്തിന്ത്യൻ സ്പെഷ്യൽ പൊടി ഇഡ്ഡലി ഇനി അടുക്കളയിലെ താരം
• അരി അരച്ച് പുളിപ്പിക്കാൻ നിൽക്കേണ്ട, ഇനി പാലപ്പം ചുട്ടെടുക്കാം 10 മിനിറ്റിൽ
• അപ്പത്തിനൊപ്പം നാടൻ മട്ടൺ സ്റ്റ്യൂ, കൊതിച്ചിരിക്കാതെ തയ്യാറാക്കിക്കോളൂ
• തേങ്ങയും നട്സും ഉണ്ടെങ്കിൽ ഇനി മതിവരുവോളം കഴിക്കാം ഈ ഹെൽത്തി ലഡ്ഡു
• പാലക്ക് ചീര നിസാരക്കാരനല്ല, തയ്യാറാക്കാം 5 ഹെൽത്തി വിഭവങ്ങൾ
• ബാക്കി വന്ന ദോശ ഇനി കറുമുറു കഴിക്കാം, ഇങ്ങനെ ചെയ്തെടുക്കൂ
• റുമാലി റൊട്ടി കഴിക്കാൻ ഹോട്ടലിൽ പോകേണ്ട, വീട്ടിൽ തന്നെ തയ്യാറാക്കിക്കോളൂ
• അവൽ വിളയിച്ചെടുക്കാം രുചികരമായി, ഈ വിദ്യ ട്രൈ ചെയ്യൂ
• നാരങ്ങ അച്ചാർ ഇനി ഇങ്ങനെ തയ്യാറാക്കാം, ലേശവും കയ്പില്ലാതെ
• ബാക്കി വന്ന ചോറിന് ഒരു മേക്കോവർ, ഇനി പ്ലേറ്റ് കാലിയാകുന്ന വഴി അറിയില്ല
• മലബാറിൻ്റെ രുചിക്കൂട്ടിൽ കല്ലുമ്മക്കായ നിറച്ചത്
• മത്തൻ വിത്ത് പാകം ചെയ്തു കഴിക്കാൻ 5 വഴികൾ
• ഇനി പരിപ്പ് കറിക്ക് സ്വാദേറും, മത്തൻ ഇല കൂടി ചേർക്കാം
• പച്ചരിയും ഉരുളക്കിഴങ്ങും മതി, രുചികരമായ ബ്രേക്ക്ഫാസ്റ്റ് ഇനി എളുപ്പത്തിൽ തയ്യാറാക്കാം
• Marble Cake in Cooker: പൂ പോലെ സോഫ്റ്റ് ഈ കുക്കർ മാർബിൾ കേക്ക്
• മസാല പരിപ്പ് പൊടി ഉണ്ടെങ്കിൽ ചോറിന് മറ്റൊരു കറി വേണ്ട