അട തയ്യാറാക്കാം കൊതിപ്പിക്കും രുചിയിൽ; ഈ കിഴങ്ങ് ചേർത്തു നോക്കൂ

അട, കേരളീയരുടെ നാടൻ പലഹാരങ്ങളിൽ ഒന്നാണ്. വറുത്തെടുത്ത അരിപ്പൊടി മാവിനുള്ളിൽ ശർക്കരയും തേങ്ങയും വച്ച്പ രത്തി ദോശക്കല്ലിൽ വച്ച് വേവിച്ചെടുക്കുന്നതാമണ് അട. വറുത്ത അരിപ്പൊടിയാണ് ഇതിനായി ഉപയോഗിക്കേണ്ടത്. അവ കടയിൽ ലഭ്യമാണ്. മാവ് നന്നായി കുഴച്ചെടുക്കാൻ ചൂടുവെള്ളവും ആവശ്യമാണ്. ശർക്കര ലായനി ആക്കിയോ, പൊടിച്ചോ തേങ്ങയിൽ ചേർത്ത് അരപ്പ് തയ്യാറാക്കാവുന്നതാണ്. ആരോഗ്യത്തിന് ഏറെ ഗുണകരമായ പലഹാരമാണിത്.

തണുപ്പ് കാലം എന്നതു പോലെ തന്നെ ഇത് കിഴങ്ങുകളുടെ കാലം കൂടിയാണ്. കപ്പയും. ചേനയും, ചേമ്പും ഒപ്പം മധുരക്കിഴങ്ങും ഇപ്പോൾ കടകളിൽ ലഭ്യമാണ്. ധാരാളം പ്രോട്ടീനും, വിറ്റാമിൻ എ, വിറ്റാമിൻ സി, പൊട്ടാസ്യം, മഗ്നീഷ്യം, ഇരുമ്പ് എന്നിവ മധുരക്കിഴങ്ങിൽ അടങ്ങിയിട്ടുണ്ട്. അട ഇനി മധുരക്കിഴങ്ങ് കൊണ്ട് തയ്യാറാക്കി നോക്കിയാലോ?. ഗുണകരം ഒപ്പം രുചികരവുമാണ് മധുരക്കിഴങ്ങ് അട. അനിസ് കാസിൽ തമിഴ് എന്ന തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• മധുരക്കിഴങ്ങ്
• നെയ്യ്
• തേങ്ങ
• ശർക്കര
• ഏലയ്ക്കാപ്പൊടി
• ഗോതമ്പ്
• ഉപ്പ്

View this post on Instagram

A post shared by Ani's Castle Tamil (@aniscastletamil)

തയ്യാറാക്കുന്നവിധം

• ആവശ്യത്തിന് മധുരക്കിഴങ്ങ് ആവിയിൽ പുഴുങ്ങിയെടുത്ത് ചൂടാറാൻ മാറ്റി വെയ്ക്കാം.
• അടുപ്പിൽ ഒരു പാൻ വെച്ച് അൽപ്പം നെയ്യൊഴിച്ച് അതിൽ രണ്ടര കപ്പ് തേങ്ങ ചിരകിയത്  വേവിക്കാം.
• ശേഷം അതിലേയ്ക്ക് രണ്ടര ടേബിൾ സ്പൂൺ ശർക്കരയും അൽപ്പം ഏലയ്ക്കാപ്പൊടിയും ചേർത്ത് ഇളക്കികൊടുത്ത് ചൂടാറാൻ മാറ്റി വെയ്ക്കാം.
• പുഴുങ്ങിയെടുത്ത കിഴങ്ങ് തൊലി കളഞ്ഞ് നന്നായ് ഉടച്ചെടുക്കാം.
• അതിലേയ്ക്ക് അരകപ്പ് ഗോതമ്പ് പൊടിയും ആവശ്യത്തിന് ഉപ്പും ചേർത്തു നന്നായി കുഴച്ചെടുക്കാം.
• കുഴച്ചെടുത്ത മാവ് പരത്തി മാറ്റിവെച്ചിരിക്കുന്ന തേങ്ങ ഉള്ളിൽ വച്ച് അട രൂപത്തിലാക്കുക.
• ഒരു പാനിൽ കുറച്ചു നെയ്യ് ഒഴിച്ച് വേവിച്ചെടുക്കുക. മധുരകിഴങ്ങ് അട തയ്യാർ.

Read More

• പുളിയും മധുരവും ചേർന്ന കിടിലൻ പൈനാപ്പിൾ രസം
• ഈ ബിരിയാണി സ്വൽപം വ്യത്യസ്തമാണ്, ട്രൈ ചെയ്തു നോക്കൂ
• ഇടിവെട്ട് രുചിയിൽ നാടൻ ബീഫ് റോസ്റ്റ്
• പായസം മാത്രമല്ല ഇനി സേമിയ ദോശയും താരമാകും
• ചപ്പാത്തി ഇനി സോഫ്റ്റാകും, ഇക്കാര്യങ്ങൾ ശ്രദ്ധിക്കൂ
• ധാന്യങ്ങൾ ചേർത്തൊരു സാലഡ്; സ്വാദിഷ്ടം അതിലേറെ ഗുണകരം
• മധുരം കഴിക്കാൻ കൊതിയുണ്ടോ? എങ്കിൽ ഈ​ ഫ്രൂട്ട് കസ്റ്റാർഡ് ട്രൈ ചെയ്യൂ
• മതിവരുവോളം കഴിക്കാൻ ബട്ടർ കുക്കീസ് ഇനി സിംപിളായി വീട്ടിൽ തയ്യാറാക്കാം
• കറുമുറു കഴിക്കാൻ ഉരുളക്കിഴങ്ങ് പക്കോട
• മാന്തൾ കറി ഇതിലും രുചികരമായി കഴിച്ചിട്ടുണ്ടാകില്ല
• സൗത്തിന്ത്യൻ സ്പെഷ്യൽ പൊടി ഇഡ്ഡലി ഇനി അടുക്കളയിലെ താരം
• അരി അരച്ച് പുളിപ്പിക്കാൻ നിൽക്കേണ്ട, ഇനി പാലപ്പം ചുട്ടെടുക്കാം 10 മിനിറ്റിൽ
• അപ്പത്തിനൊപ്പം നാടൻ മട്ടൺ സ്റ്റ്യൂ, കൊതിച്ചിരിക്കാതെ തയ്യാറാക്കിക്കോളൂ
• തേങ്ങയും നട്സും ഉണ്ടെങ്കിൽ ഇനി മതിവരുവോളം കഴിക്കാം ഈ ഹെൽത്തി ലഡ്ഡു
• പാലക്ക് ചീര നിസാരക്കാരനല്ല, തയ്യാറാക്കാം 5 ഹെൽത്തി വിഭവങ്ങൾ
• ബാക്കി വന്ന ദോശ ഇനി കറുമുറു കഴിക്കാം, ഇങ്ങനെ ചെയ്തെടുക്കൂ
• റുമാലി റൊട്ടി കഴിക്കാൻ ഹോട്ടലിൽ പോകേണ്ട, വീട്ടിൽ തന്നെ തയ്യാറാക്കിക്കോളൂ