തക്കാളി ഉണ്ടെങ്കിൽ എടുത്തോളൂ, ചായക്കൊപ്പം നല്ല ചൂട് ബജ്ജി കഴിക്കാം

ഭക്ഷണപ്രിയരുടെ പ്രിയപ്പെട്ട പലഹാരമാണ് ബജ്ജി. വഴിയോരങ്ങളിൽ നിരന്നിരിക്കുന്ന ബജ്ജിക്കടകളിലെ തിരക്ക് എപ്പോഴെങ്കിലും ശ്രദ്ധിച്ചിട്ടുണ്ടോ?. ചൂട് ചായയും ബജ്ജിയും കിട്ടാൻ കൊതിക്കാത്തവർ കുറവാണ്. നിങ്ങൾക്ക് ഇഷ്ട്ടപ്പെട്ട ബജ്ജി ഏതാണ്?. തക്കാളി ബജ്ജി കഴിച്ചിട്ടുണ്ടോ?.

മലാളികൾക്ക് അത്ര പരിചിതമല്ലായിരിക്കും തക്കാളി ബജ്ജി. തയ്യാറാക്കാൻ വളരെ എളുപ്പമാണ്, അതുപോലെ തന്നെ രുചികരവുമാണ്. സ്കൂൾ വിട്ടെത്തുന്ന കുട്ടികൾക്ക് നൽകാൻ പറ്റിയ ഇൻസ്റ്റൻ്റ് ഹെൽത്തി സ്നാക്കാണിത്. സുജ ഹരികുമാർ തൻ്റെ ഇൻസ്റ്റഗ്രാം പേജിലൂടെയാണ് തക്കാളി ബജ്ജിയുടെ റെസിപ്പി പരിചയപ്പെടുത്തി തരുന്നത്. 

ചേരുവകൾ

• മൈദ- 1 ഗ്ലാസ്
• അരിപ്പൊടി- 1/4 ടീസ്പൂൺ
• മുളകുപൊടി- 1 ടീസ്പൂൺ
• ഗരം മസാല- 1 ടീസ്പൂൺ
• അയമോദകം- 1/2 ടീസ്പൂൺ
• കായം- 1/4 ടീസ്പൂൺ
• വെള്ളം- ആവശ്യത്തിന്
• മല്ലിയില- ഒരു പിടി
• കടലപരിപ്പ്- 1/2 ടീസ്പൂൺ
• പച്ചമുളക്- 1
• വെളുത്തുള്ളി- 1
• നാരങ്ങ- 1/2
• ഉപ്പ്- ആവശ്യത്തിന്
• തക്കാളി- 2 
• സൺഫ്ലവർ എണ്ണ- ആവശ്യത്തിന്

View this post on Instagram

A post shared by Suja Harikumar (@straight___to___heart)

തയ്യാറാക്കുന്ന വിധം

• ഒരു ഗ്ലാസ് മൈദയിലേക്ക് കാൽ ടീസ്പൂൺ അരിപ്പൊടി, ഒരു ടീസ്പൂൺ മുളകുപൊടി, ഒരു ടീസ്പൂൺ ഗരംമസാല, അര ടീസ്പൂൺ അയമോദകം, കാൽ ടീസ്പൂൺ കായം എന്നിവ ചേർക്കുക.
• ഇതിലേക്ക് അൽപ്പം വെള്ളം ഒഴിച്ചിളക്കി മാവ് തയ്യാറാക്കുക.
• ഒരു പിടി മല്ലിയില കൂടി ചേർത്തിളക്കി യോജിപ്പിക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് സൺഫ്ലവർ എണ്ണ ഒഴിച്ച് ചൂടാക്കുക.
• തക്കാളി വട്ടത്തിൽ അരിഞ്ഞെടുത്ത് മാവിൽ മുക്കി എണ്ണിയിലേക്ക് ചേർത്ത് വറുത്ത് മാറ്റുക.
• ശേഷം അൽപ്പം മല്ലിയിലയിൽ വറുത്തെടുത്ത കടലപരിപ്പ് അരടീസ്പൂണും, ഒരു പച്ചമുളകും, ഒരു നാരങ്ങയുടെ പകുതി പിഴിഞ്ഞ നീരും, ആവശ്യത്തിന് ഉപ്പും ചേർത്ത് അരച്ചെടുക്കുക. 
• വറുത്തെടുത്ത തക്കാളി ഈ ചട്നിക്കൊപ്പം കഴിച്ചു നോക്കൂ. 

Read More

• ചിക്കൻ കറി മാറി നിൽക്കും ഈ മഞ്ചൂരിയൻ്റെ രുചിയിൽ
• സദ്യ സ്റ്റൈൽ മോര് കറിയുടെ റെസിപ്പി ഇതാണ്
• അഞ്ച് മിനിറ്റ് മതി ഇളനീർ ഹൽവ റെഡി
• ഹമൂസ് ഇതിലും ക്രീമിയായി തയ്യാറാക്കാൻ സാധിക്കുമോ?
• ചെറുനാരങ്ങ അച്ചാർ ഇനി കയ്പ്പില്ലാതെ തയ്യാറാക്കാം, ഇക്കാര്യങ്ങൾ ശ്രദ്ധിച്ചോളൂ
• ചൂട് മസാല നീർദോശ തയ്യാറാക്കാം, അഞ്ച് മിനിറ്റ് മതി
• തക്കാളി ചമ്മന്തി തയ്യാറാക്കാൻ ഇത്ര എളുപ്പമോ?
• ഉരുളക്കിഴങ്ങ് മാത്രം മതി, കടയിൽ കിട്ടുന്നതിലും രുചിയിൽ പലഹാരം റെഡി
• കല്ലുമ്മക്കായ കൊതിപ്പിക്കും രുചിയിൽ ഇങ്ങനെ ഫ്രൈ ചെയ്ത് കഴിച്ചു നോക്കൂ
• മാവ് കുഴക്കേണ്ട പരത്തേണ്ട, ഇതാ ഒരു സിംപിൾ ബ്രേക്ക്ഫാസ്റ്റ് റെസിപ്പി
• നിറത്തിൽ മാത്രമല്ല രുചിയിലും കാര്യമുണ്ട്, ബീറ്റ്റൂട്ട് തൈര് സാദം തയ്യാറാക്കി നോക്കൂ
• കൊതിപ്പിക്കും രുചിയിൽ കൂവ പായസം, ഇതാണ് റെസിപ്പി
• മധുര വട കഴിച്ചിട്ടുണ്ടോ? ഏത്തപ്പഴം മാത്രം മതി
• വഴുതനങ്ങ ഇനി വെറുതെ കളയേണ്ട ക്രിസ്പിയായി ഫ്രൈ ചെയ്തെടുക്കൂ
• ഓട്സ് ഉണ്ടെങ്കിൽ ഹെൽത്തി ഇൻസ്റ്റൻ്റ് ദോശ റെഡി