സദ്യ സ്റ്റൈൽ മോര് കറിയുടെ റെസിപ്പി ഇതാണ്

ചൂട് ചോറിനൊപ്പം മോര് കറിയും, ആലോചിച്ചാൽ തന്നെ കൊതി തോന്നുന്ന കോമ്പിനേഷനാണ്. കേരളീയരുടെ തനത് നാടൻ ഊണ് വിഭവങ്ങളിൽ ഒഴിച്ചു കൂടാനാവാത്ത ഒന്നാണിത്. പുളിയും മധുരവും ചേർന്ന ഈ കറി സദ്യകളിൽ ഒഴിച്ചു കൂടാനാകാത്തതാണ്. എന്നാൽ മോര് കറിക്ക് പ്രാദേശികമായി വ്യത്യാസം ഉണ്ടെന്ന് അറിയാമോ?. അതിൽ തന്നെ തക്കാളി മോര് കറി ഉറപ്പായും പരീക്ഷിച്ചു നോക്കേണ്ടതാണ്. ഇതുണ്ടെങ്കിൽ ഊണ് കാലിയാകുന്ന വഴിയറിയില്ല.  

ചേരുവകൾ

• വെളിച്ചെണ്ണ
• കടുക്
• ഉലുവ
• ചുവന്നുള്ളി
• ഇഞ്ചി
• വെളുത്തുള്ളി
• പച്ചമുളക്
• കറിവേപ്പില
• മഞ്ഞൾപ്പൊടി
• മുളകുപൊടി
• ജീരകപ്പൊടി
• ഉപ്പ്
• തക്കാളി
• തൈര്
• ഉലുവപ്പൊടി
• കായപ്പൊടി

View this post on Instagram

A post shared by Hamna✨ (@tale_f_yumm)

തയ്യാറാക്കുന്ന വിധം

• അടികട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ച് ചൂടാക്കുക.
• അതിലേക്ക് അൽപ്പം കടുകും, ഉലുവയും ചേർത്ത് പൊട്ടിക്കുക.
• ചുവന്നുള്ളി ചെറുതായി അരിഞ്ഞതു ചേർത്ത് വഴറ്റുക.
• ഉള്ളിയുടെ നിറം മാറി വരുമ്പോൾ ഇഞ്ചി, വെളുത്തുള്ളി, പച്ചമുളക്, എന്നിവ ചെറുതായി അരിഞ്ഞതും കറിവേപ്പിലയും ചേർത്തിളക്കുക.
• കുറഞ്ഞ തീയിൽ ഒരു നുള്ള് മഞ്ഞൾപ്പൊടിയും, ആവശ്യത്തിന് മുളകുപൊടിയും, ജീരകപ്പൊടിയും, ചേർത്തിളക്കി യോജിപ്പിക്കുക.
• ചെറിയ കഷ്ണങ്ങളായി അരിഞ്ഞ തക്കാളി ഇതിൽ ചേർത്ത് വഴറ്റുക.
• ഉടച്ചെടുത്ത തൈര് ചേർത്തിളക്കി യോജിപ്പിക്കുക.
• ചെറുതായി തിളച്ചു വരുമ്പോൾ അടുപ്പണച്ച് അൽപ്പം ഉലുവ പൊടിച്ചതും, കായപ്പൊടിയും ചേർത്തിളക്കാം. ശേഷം ചോറിനൊപ്പം വിളമ്പി കഴിച്ചു നോക്കൂ. 

Read More

• അഞ്ച് മിനിറ്റ് മതി ഇളനീർ ഹൽവ റെഡി
• ഹമൂസ് ഇതിലും ക്രീമിയായി തയ്യാറാക്കാൻ സാധിക്കുമോ?
• ചെറുനാരങ്ങ അച്ചാർ ഇനി കയ്പ്പില്ലാതെ തയ്യാറാക്കാം, ഇക്കാര്യങ്ങൾ ശ്രദ്ധിച്ചോളൂ
• ചൂട് മസാല നീർദോശ തയ്യാറാക്കാം, അഞ്ച് മിനിറ്റ് മതി
• തക്കാളി ചമ്മന്തി തയ്യാറാക്കാൻ ഇത്ര എളുപ്പമോ?
• ഉരുളക്കിഴങ്ങ് മാത്രം മതി, കടയിൽ കിട്ടുന്നതിലും രുചിയിൽ പലഹാരം റെഡി
• കല്ലുമ്മക്കായ കൊതിപ്പിക്കും രുചിയിൽ ഇങ്ങനെ ഫ്രൈ ചെയ്ത് കഴിച്ചു നോക്കൂ
• മാവ് കുഴക്കേണ്ട പരത്തേണ്ട, ഇതാ ഒരു സിംപിൾ ബ്രേക്ക്ഫാസ്റ്റ് റെസിപ്പി
• നിറത്തിൽ മാത്രമല്ല രുചിയിലും കാര്യമുണ്ട്, ബീറ്റ്റൂട്ട് തൈര് സാദം തയ്യാറാക്കി നോക്കൂ
• കൊതിപ്പിക്കും രുചിയിൽ കൂവ പായസം, ഇതാണ് റെസിപ്പി
• മധുര വട കഴിച്ചിട്ടുണ്ടോ? ഏത്തപ്പഴം മാത്രം മതി
• വഴുതനങ്ങ ഇനി വെറുതെ കളയേണ്ട ക്രിസ്പിയായി ഫ്രൈ ചെയ്തെടുക്കൂ
• ഓട്സ് ഉണ്ടെങ്കിൽ ഹെൽത്തി ഇൻസ്റ്റൻ്റ് ദോശ റെഡി
• എണ്ണ ഇല്ലാതെ ചിക്കൻ കറി തയ്യാറാക്കാൻ സാധിക്കുമോ? ഈ റെസിപ്പി ട്രൈ ചെയ്യൂ
• നേന്ത്രപ്പഴം കൂടുതൽ പഴുത്ത് പോയോ? എങ്കിൽ ഇങ്ങനെ വറുത്ത് കഴിച്ചു നോക്കൂ