ചെറുനാരങ്ങ അച്ചാർ ഇനി കയ്പ്പില്ലാതെ തയ്യാറാക്കാം, ഇക്കാര്യങ്ങൾ ശ്രദ്ധിച്ചോളൂ

അച്ചാറിൽ തന്നെ വ്യത്യസ്ത പരീക്ഷണങ്ങൾ നടത്തുന്നതിൽ മലയാളി ഒട്ടും പിന്നിലല്ല. അതിൽ തന്നെ തയ്യാറാക്കി കേടാകാതെ സൂക്ഷിക്കാൻ അൽപ്പം ബുദ്ധിമുട്ടുള്ളത് നാരങ്ങ അച്ചാറാണ്. കയ്പ്പില്ലാതെ നാരങ്ങ ഉപയോഗിച്ച് അച്ചാർ തയ്യാറാക്കിയെടുക്കുക എന്നത് ശ്രമകരമാണ്.

വെള്ളത്തിൽ വേവിച്ചെടുക്കുന്ന നാരങ്ങ നന്നായി തുടച്ച് ജാലംശം ഇല്ലാതെടുക്കുക എന്നത് വളരെ പ്രധാനമാണ്. കൂടാതെ അച്ചാർ തയ്യാറാക്കാൻ പഴുത്ത നാരങ്ങ തിരഞ്ഞെടുക്കുക. അച്ചാർ പാകം ചെയ്ത ഉടൻ ട്രൈ ചെയ്തു നോക്കിയാൽ ഉപ്പ് കുറവായും, അധികം പുളി ഉള്ളതായും, വളരെയധികം കയ്പും തോന്നിയേക്കാം. എന്നാൽ കുറച്ചു ദിവസം വൃത്തിയുള്ളതും ഈർപ്പമില്ലാത്തതുമായ പാത്രത്തിൽ സൂക്ഷിച്ചാൽ വ്യത്യാസം തിരിച്ചറിയാൻ സാധിക്കും.

നാരങ്ങ അച്ചാർ ഫ്രിഡ്ജിൽ സൂക്ഷിക്കുന്നത് പെട്ടെന്ന് കയ്പ് രുചി ഉണ്ടാകുന്ന സാഹചര്യം ഒഴിവാക്കാൻ സഹായിച്ചേക്കും. ഷാൻ ജിയോ തൻ്റെ യൂട്യൂബ് ചാനലിലൂടെയാണ് നാവിൽ കൊതിയൂറുന്ന ചെറുനാരങ്ങ അച്ചാർ തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• നാരങ്ങ- 1 കിലോ
• ഉപ്പ്- 8 ടേബിൾസ്പൂൺ
• വെളിച്ചെണ്ണ- 1/2 കപ്പ്
• ഉലുവ- 1 ടീസ്പൂൺ
• കടുക്- 1 1/2 ടീസ്പൂൺ
• ഇഞ്ചി- 1/4 കപ്പ്
• വെളുത്തുള്ളി- 1/2 കപ്പ്
• പച്ചമുളക്- 3 എണ്ണം
• കറിവേപ്പില- 3 തണ്ട്
• മഞ്ഞള്‍പൊടി- 1/2 ടീസ്പൂൺ
• മുളകുപൊടി- 4 ടേബിൾസ്പൂൺ
• കാശ്മീരിമുളകുപൊടി- 4 ടേബിൾസ്പൂൺ
• കായപ്പൊടി- 1 ടീസ്പൂൺ
• പഞ്ചസാര- 1 ടേബിൾസ്പൂൺ
• വിനാഗിരി- 2 ടേബിൾസ്പൂൺ

തയ്യാറാക്കുന്ന വിധം

• 1 കിലോ പഴുത്ത നാരങ്ങ നന്നായി കഴുകിയെടുക്കുക.
• ഒന്നര ലിറ്റർ വെള്ളം തിളപ്പിക്കാൻ വയ്ക്കുക.
• തിളച്ചു വരുന്ന വെള്ളത്തിലേക്ക് നാരങ്ങ ചേർത്ത് ഇടത്തരം തീയിൽ വേവിക്കുക മൂന്ന് മുതൽ നാല് മിനിറ്റ് വരെ വേവിച്ചെടുക്കുക.
• ശേഷം അടുപ്പണച്ച് നാരങ്ങ വെള്ളത്തിൽ നിന്ന് മാറ്റി നന്നായി തുടച്ച് ഈർപ്പം ഇല്ലാതെടുക്കുക.
• ചൂടാറിയതിനു ശേഷം നാരങ്ങ ചെറിയ കഷ്ണങ്ങളായി മുറിക്കുക.
• അതിലേക്ക് ഏഴ് ടേബിൾസ്പൂൺ ഉപ്പ് ചേർത്തിളക്കി യോജിപ്പിച്ച് മാറ്റി വയ്ക്കുക.
• അടി കട്ടിയുള്ള ഒരു പാത്രം അടുപ്പിൽ വച്ച് അര കപ്പ് നല്ലെണ്ണ ഒഴിച്ച് ചൂടാക്കുക.
• അതിലേക്ക് ഒരു ടീസ്പൂൺ ഉലുവ ചേർത്ത് പൊട്ടിക്കുക.
• ഒന്നര ടീസ്പൂൺ​ കടുക് ചേർത്ത് പൊട്ടിക്കുക.
• ഇടത്തരം തീയിൽ  ഇഞ്ചി ചെറുതായി അരഞ്ഞത് കാൽ കപ്പ്, വെളുത്തുള്ളി നടുവെ കീറിയത് അര കപ്പ്, 3 പച്ചമുളക് അരിഞ്ഞത്, മൂന്ന് തണ്ട് കറിവേപ്പില, ഒരു ടേബിൾസ്പൂൺ ഉപ്പ് എന്നിവ ചേർത്തിളക്കി വഴറ്റുക.
• വെളുത്തുള്ളിയുടെ നിറം മാറി വരുമ്പോൾ കുറഞ്ഞ തീയിൽ അര ടീസ്പൂൺ മഞ്ഞൾപ്പൊടി, നാല് ടേബിൾസ്പൂൺ കാശ്മീരിമുളകുപൊടി, നാല് ടേബിൾസ്പൂൺ മുളകുപൊടി എന്നിവ ചേർത്തിളക്കി യോജിപ്പിക്കുക.ഉടൻ തന്നെ അടുപ്പണക്കുക.
• ഒരു ടീസ്പൂൺ കായപ്പൊടി, ഒരു ടേബിൾസ്പൂൺ പഞ്ചസാര, രണ്ട് ടേബിൾസ്പൂൺ​ വിനാഗിരിയും ചേർത്തിളക്കുക.
• ശേഷം മാറ്റി വച്ചിരിക്കുന്ന നാരങ്ങ ചേർത്തിളക്കി യോജിപ്പിക്കുക. 

Read More

• ചൂട് മസാല നീർദോശ തയ്യാറാക്കാം, അഞ്ച് മിനിറ്റ് മതി
• തക്കാളി ചമ്മന്തി തയ്യാറാക്കാൻ ഇത്ര എളുപ്പമോ?
• ഉരുളക്കിഴങ്ങ് മാത്രം മതി, കടയിൽ കിട്ടുന്നതിലും രുചിയിൽ പലഹാരം റെഡി
• കല്ലുമ്മക്കായ കൊതിപ്പിക്കും രുചിയിൽ ഇങ്ങനെ ഫ്രൈ ചെയ്ത് കഴിച്ചു നോക്കൂ
• മാവ് കുഴക്കേണ്ട പരത്തേണ്ട, ഇതാ ഒരു സിംപിൾ ബ്രേക്ക്ഫാസ്റ്റ് റെസിപ്പി
• നിറത്തിൽ മാത്രമല്ല രുചിയിലും കാര്യമുണ്ട്, ബീറ്റ്റൂട്ട് തൈര് സാദം തയ്യാറാക്കി നോക്കൂ
• കൊതിപ്പിക്കും രുചിയിൽ കൂവ പായസം, ഇതാണ് റെസിപ്പി
• മധുര വട കഴിച്ചിട്ടുണ്ടോ? ഏത്തപ്പഴം മാത്രം മതി
• വഴുതനങ്ങ ഇനി വെറുതെ കളയേണ്ട ക്രിസ്പിയായി ഫ്രൈ ചെയ്തെടുക്കൂ
• ഓട്സ് ഉണ്ടെങ്കിൽ ഹെൽത്തി ഇൻസ്റ്റൻ്റ് ദോശ റെഡി
• എണ്ണ ഇല്ലാതെ ചിക്കൻ കറി തയ്യാറാക്കാൻ സാധിക്കുമോ? ഈ റെസിപ്പി ട്രൈ ചെയ്യൂ
• നേന്ത്രപ്പഴം കൂടുതൽ പഴുത്ത് പോയോ? എങ്കിൽ ഇങ്ങനെ വറുത്ത് കഴിച്ചു നോക്കൂ
• കിടിലൻ രുചിയിൽ ധാബ സ്റ്റൈൽ ചിക്കൻ കറി
• തേങ്ങ അരച്ച നാടൻ ചെമ്മീൻ കറിയും ചോറും, ട്രൈ ചെയ്തു നോക്കൂ
• പുഴുങ്ങിയ മുട്ടകൊണ്ട് ഹെൽത്തി മയോണൈസ്, ഒന്നു ട്രൈ ചെയ്ത് നോക്കൂ