കൊതിപ്പിക്കും രുചിയിൽ കൂവ പായസം, ഇതാണ് റെസിപ്പി

ഉണക്കിപൊടിച്ചെടുത്ത കൂവയുടെ ഗുണങ്ങളെക്കുറിച്ച് മലയാളികളോട് അധികം പറയേണ്ട കാര്യമില്ലല്ലോ?. വളരെ ചെറുതായിരിക്കുമ്പോൾ പോലും കുട്ടികൾക്ക് കുറുക്കായും, മുതിർന്നവർക്ക് പാലിൽ കലക്കി കുടിക്കാവുന്നതുമായ ധാരാളം ഔഷധ ഗുണങ്ങളുള്ള ഒന്നാണ് കൂവപ്പൊടി. കൂവ ഉണങ്ങിയെടുക്കാനാണ് പ്രയാസം. ഇക്കാലത്ത് കൂവപ്പൊടി പാക്കറ്റുകളാക്കി വിപണയിൽ ലഭ്യമാണ്. അവയും ഉപയോഗിക്കാവുന്നതാണ്.

ഇനി അൽപ്പം കൂവപ്പൊടി കിട്ടിയാൽ ഉറപ്പായും തയ്യാറാക്കി നോക്കേണ്ട ഒന്നാണ് കൂവ പായസം അഥവ കൂവ വരകിയത്. സാധാരണ തിരുവാതിര ദിവസമാണ് പ്രാദേശികമായി ചില ഇടങ്ങളിൽ ഇത് പാകം ചെയ്യാറുള്ളത്. എന്നാൽ രുചി അറിഞ്ഞാൽ പിന്നെ ദിവസവും ഇത് കഴിക്കാൻ ആഗ്രഹിച്ചു പോകും. എന്നാലിനി കൊതിച്ചു നിൽക്കേണ്ട ഇസ്റത് പർവീൺ പരിചയപ്പെടുത്തുന്ന റെസിപ്പിയിൽ ഒന്ന് പരീക്ഷിച്ചു നോക്കൂ.

ചേരുവകൾ

• കൂവപ്പൊടി- 1 കപ്പ്
• വെള്ളം- 4.5 കപ്പ്
• ശർക്കര- 5 കട്ട
• ഏലയ്ക്കപ്പൊടി- 1/2 ടീസ്പൂൺ
• നെയ്യ്- 1.5 ടേബിൾസ്പൂൺ
• തേങ്ങ- 1/4 കപ്പ്

View this post on Instagram

A post shared by Ishrath Parveen T T (@roseapplekitchen)

തയ്യാറാക്കുന്ന വിധം

• അടികട്ടിയുള്ള ഒരു പാത്രം അടുപ്പിൽ വച്ച് അഞ്ച് കട്ട ശർക്കര ഒപ്പം ഒന്നര കപ്പ് വെള്ളവും ഒഴിച്ച് അലിയിച്ചെടുക്കുക.
• മറ്റൊരു ബൗളിലേക്ക് ഒരു കപ്പ് കൂവപ്പൊടിയെടുത്ത് മൂന്ന് കപ്പ് വെള്ളം ഒഴിച്ച് കലക്കുക.
• ഒരു പാൻ അടുപ്പിൽ വച്ച് ഒന്നര ടേബിൾസ്പൂൺ നെയ്യ് ഒഴിച്ച് ചൂടാക്കുക.
• അതിലേക്ക് കാൽ കപ്പ് തേങ്ങ ചെറിയ കഷ്ണങ്ങളാക്കിയത് ചേർത്ത് വറുക്കുക.
• കലക്കി വച്ചിരിക്കുന്ന കൂവപ്പൊടി ചേർത്തിളക്കുക.
• ശർക്കര ലായനി കൂടി ചേർത്ത് നന്നായി ഇ​ളക്കുക.
• വെള്ളം വറ്റി കുറുകി വരുമ്പോൾ അര ടീസ്പൂൺ ഏലയ്ക്കപ്പൊടി ചേർത്തിളക്കി യോജിപ്പിക്കുക.
• ശേഷം അടുപ്പിൽ നിന്നും മാറ്റാം. 

Read More

• മധുര വട കഴിച്ചിട്ടുണ്ടോ? ഏത്തപ്പഴം മാത്രം മതി
• വഴുതനങ്ങ ഇനി വെറുതെ കളയേണ്ട ക്രിസ്പിയായി ഫ്രൈ ചെയ്തെടുക്കൂ
• ഓട്സ് ഉണ്ടെങ്കിൽ ഹെൽത്തി ഇൻസ്റ്റൻ്റ് ദോശ റെഡി
• എണ്ണ ഇല്ലാതെ ചിക്കൻ കറി തയ്യാറാക്കാൻ സാധിക്കുമോ? ഈ റെസിപ്പി ട്രൈ ചെയ്യൂ
• നേന്ത്രപ്പഴം കൂടുതൽ പഴുത്ത് പോയോ? എങ്കിൽ ഇങ്ങനെ വറുത്ത് കഴിച്ചു നോക്കൂ
• കിടിലൻ രുചിയിൽ ധാബ സ്റ്റൈൽ ചിക്കൻ കറി
• തേങ്ങ അരച്ച നാടൻ ചെമ്മീൻ കറിയും ചോറും, ട്രൈ ചെയ്തു നോക്കൂ
• പുഴുങ്ങിയ മുട്ടകൊണ്ട് ഹെൽത്തി മയോണൈസ്, ഒന്നു ട്രൈ ചെയ്ത് നോക്കൂ
• വെള്ള കാന്താരി കൊണ്ട് ഒരുഗ്രൻ കറി, ചോറുണ്ണാൻ ഇനി ഇത് മതി
• കണ്ണൂർ സീറപ്പം കഴിച്ചിട്ടുണ്ടോ? തേൻ തുള്ളി മധുരാണ്
• കട്ടൻ ചായക്കൊപ്പം കായവിലും, ട്രൈ ചെയ്തു നോക്കൂ
• മാവ് അരച്ച് സൂക്ഷിക്കേണ്ട, റവ ഉണ്ടെങ്കിൽ ബ്രേക്ക്ഫാസ്റ്റ് സിംപിളായി തയ്യാറാക്കാം