വിഭവം പച്ചടിയാണ്, പക്ഷേ പാഷൻ ഫ്രൂട്ടാണ് ഇതിലെ താരം

പാഷൻ ഫ്രൂട്ടിന് പച്ചടിയിൽ കാര്യമുണ്ടോ?. വിഭവങ്ങളിൽ പുത്തൻ പരീക്ഷണങ്ങൾ നടത്തുന്നതിൽ മലയാളികൾ ഒട്ടും പിന്നിലല്ല. അങ്ങനെ ഒരു പരീക്ഷണം തന്നെയാണ് പാഷൻ ഫ്രൂട്ട് പച്ചടി. പാഷൻ ഫ്രൂട്ടിൻ്റെ ആരോഗ്യ ഗുണങ്ങൾ അറിയാത്തവരാണോ?. രോഗപ്രതിരോധ ശേഷി വർധിപ്പിക്കുന്നതിന് ഉത്തമമാണിത്. മഴക്കാലത്തെ അണുബാധ സാധ്യതകൾ പ്രതിരോധിക്കാൻ ഇത് സഹായിക്കും. രുചിയിൽ അൽപ്പം പുളിയനാണെങ്കിലും പഞ്ചസാര കൂടി ചേർത്ത് കഴിക്കാറാണ് പതിവ്. എന്നാലിനി കുറച്ച് പാഷൻ ഫ്രൂട്ട് മാറ്റി വെച്ചോളൂ. പച്ചടിക്കുള്ള തൈര് ഉടച്ചെടുക്കുമ്പോൾ ഒപ്പം കൂട്ടിക്കോളൂ,  അസാധ്യ രുചിയിൽ ഒരു പച്ചടി തയ്യാറാക്കാം. 

ചേരുവകൾ

• തേങ്ങ
• ഇഞ്ചി
• കറിവേപ്പില
• പച്ചമുളക്
• ജീരകം
• കടുക്
• തൈര്
• പഞ്ചസാര
• പാഷൻഫ്രൂട്ട് 
• ഉപ്പ്
• വറ്റൽമുളക്

View this post on Instagram

A post shared by Ayniya Abdullah 🖇️ (@ayniyaabdullah)

തയ്യാറാക്കുന്ന വിധം

• തേങ്ങ ചിരകിയതിലേക്ക് ചെറിയ കഷ്ണം ഇഞ്ചി, കറിവേപ്പില, എരിവിനനുസരിച്ച് പച്ചമുളക്, അൽപ്പം ജീരകം, കടുക്, കുറച്ച് തൈര് എന്നിവ ചേർത്ത് അരച്ചെടുക്കുക.
• ഒരു ബൗളിലേക്ക് അൽപ്പം തൈരൊഴിച്ച് കുറച്ച് പഞ്ചസാര ചേർത്ത് ഉടച്ചെടുക്കുക.
• ഉടച്ചെടുത്ത തൈരിലേക്ക് കുറച്ച് ഉപ്പും പാഷൻഫ്രൂട്ടും ചേർത്ത് ഇളക്കി യോജിപ്പിക്കുക.
• ഒപ്പം അരച്ചു വച്ചിരിക്കുന്നതു കൂടി ചേർത്തി നന്നായി ഇളക്കുക.
• ഒരു പാൻ അടുപ്പിൽ വച്ച് അൽപ്പം വെളിച്ചെണ്ണ ഒഴിച്ചു ചൂടാക്കി കടുക് ചേർത്ത് പൊട്ടിക്കുക.
• അതിലേയ്ക്ക് കറിവേപ്പിലയും, വറ്റൽമുളകും ചേർത്ത് വറുക്കുക. പച്ചടിയിലേക്ക് ഇത് ചേർത്ത് രുചിച്ചു നോക്കൂ. 

Read More

• അടിപൊളി രുചിയാണ് തയ്യാറാക്കാൻ എളുപ്പവും, പെപ്പർ ചിക്കൻ റെസിപ്പി
• നാടൻ ഞണ്ട് റോസ്റ്റ് കുട്ടനാടൻ സ്റ്റൈലിൽ ഒരു തവണ ട്രൈ ചെയ്യൂ
• ചിക്കൻ ഇല്ലെങ്കിലും ഇനി കബാബ് കഴിക്കാം, ഇതാ ഒരു സിംപിൾ റെസിപ്പി
• തക്കാളി ഉണ്ടെങ്കിൽ എടുത്തോളൂ, ചായക്കൊപ്പം നല്ല ചൂട് ബജ്ജി കഴിക്കാം
• ചിക്കൻ കറി മാറി നിൽക്കും ഈ മഞ്ചൂരിയൻ്റെ രുചിയിൽ
• സദ്യ സ്റ്റൈൽ മോര് കറിയുടെ റെസിപ്പി ഇതാണ്
• അഞ്ച് മിനിറ്റ് മതി ഇളനീർ ഹൽവ റെഡി
• ഹമൂസ് ഇതിലും ക്രീമിയായി തയ്യാറാക്കാൻ സാധിക്കുമോ?
• ചെറുനാരങ്ങ അച്ചാർ ഇനി കയ്പ്പില്ലാതെ തയ്യാറാക്കാം, ഇക്കാര്യങ്ങൾ ശ്രദ്ധിച്ചോളൂ
• ചൂട് മസാല നീർദോശ തയ്യാറാക്കാം, അഞ്ച് മിനിറ്റ് മതി
• തക്കാളി ചമ്മന്തി തയ്യാറാക്കാൻ ഇത്ര എളുപ്പമോ?
• ഉരുളക്കിഴങ്ങ് മാത്രം മതി, കടയിൽ കിട്ടുന്നതിലും രുചിയിൽ പലഹാരം റെഡി
• കല്ലുമ്മക്കായ കൊതിപ്പിക്കും രുചിയിൽ ഇങ്ങനെ ഫ്രൈ ചെയ്ത് കഴിച്ചു നോക്കൂ
• മാവ് കുഴക്കേണ്ട പരത്തേണ്ട, ഇതാ ഒരു സിംപിൾ ബ്രേക്ക്ഫാസ്റ്റ് റെസിപ്പി
• നിറത്തിൽ മാത്രമല്ല രുചിയിലും കാര്യമുണ്ട്, ബീറ്റ്റൂട്ട് തൈര് സാദം തയ്യാറാക്കി നോക്കൂ