നല്ല സ്പൈസി മട്ടൺ റോസ്റ്റ് നാടൻ റെസിപ്പിയിൽ

മട്ടൺ റോസ്റ്റ് കഴിച്ചിട്ടുണ്ടോ?. തയ്യാറാക്കാൻ പ്രയാസമാണ് എന്നത് കൊണ്ട് എപ്പോഴെങ്കിലും മടിച്ചു നിന്നിട്ടുണ്ടോ?. വളരെ സിംപിളാണ് ഇതിൻ്റെ റെസിപ്പി അതിലേറെ രുചികരവുമാണ്. കൊഴുപ്പുള്ള മട്ടൺ ആണ് റോസ്റ്റ ചെയ്യാൻ നല്ലത്. മട്ടൺ പാകം ചെയ്യുമ്പോൾ അധികം വെള്ളം ചേർക്കേണ്ട ആവശ്യമില്ല. എണ്ണ ഉപയോഗിക്കാതെ ഇൻസ്റ്റൻ്റായി ഒരടിപൊളി മട്ടൺ റോസ്റ്റ് റെഡിയാക്കാം. ഷെഫ്ന തൻ്റെ ഇൻസ്റ്റഗ്രാം പേജിലൂയാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• മട്ടൺ
• മുളകുപൊടി
• മഞ്ഞൾപ്പൊടി
• ഉപ്പ്
• കറിവേപ്പില
• വിനാഗിരി
• ഇഞ്ചി
• വെളുത്തുള്ളി
• പച്ചമുളക്
• വെള്ളം
• വെളിച്ചെണ്ണ
• സവാള
• മല്ലിപ്പൊടി
• കാശ്മീരിമുളകുപൊടി
• തക്കാളി
• ഗരംമസാല
• മല്ലിയില
• കറിവേപ്പില

View this post on Instagram

A post shared by Shefna Hashim (@shefnahashim)

തയ്യാറാക്കുന്ന വിധം

• ഒരു കിലോ മട്ടൺ വൃത്തിയായി കഴുകിയെടുക്കുക.
• അതിലേക്ക് രണ്ട് ടീസ്പൂൺ മുളകുപൊടി, ഒരു ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ്, കറിവേപ്പില, കുറച്ച് വിനാഗിരി, ഇഞ്ചിയും വെളുത്തുള്ളിയും അരച്ചത് എന്നിവ ചേർത്ത് ഇളക്കി യോജിപ്പിക്കുക. ഇതിലേക്ക് അൽപ്പം വെള്ളം ഒഴിച്ച് വേവിച്ചെടുക്കുക.
• ഒരു പാൻ അടുപ്പിൽ വച്ച് അൽപ്പം വെളിച്ചെണ്ണ ഒഴിച്ചു ചൂടാക്കുക.
•  അതിലേക്ക് ഇടത്തരം വലിപ്പമുള്ള സവാള ചെറുതായി അരിഞ്ഞതു ചേർത്ത് വഴറ്റിയെടുക്കുക.
• സവാളയുടെ നിറം മാറി വരുമ്പോൾ ഇഞ്ചി, വെളുത്തുള്ളി, പച്ചമുളക് എന്നിവ ചതച്ചതും ചേർത്തിളക്കുക.
• അൽപ്പം മൂന്ന് ടീസ്പൂൺ മല്ലിപ്പൊടി, ഒരു ടീസ്പൂൺ കാശ്മീരിമുളകുപൊടി, അര ടീസ്പൂൺ മഞ്ഞൾപ്പൊടി, ഇടത്തരം വലിപ്പമുള്ള ഒരു തക്കാളി ചെറുതായി അരിഞ്ഞത് എന്നി ചേർത്ത് വഴറ്റുക. അടച്ചു വെച്ച് വേവിക്കുക.
• വേവിച്ചെടുത്ത മട്ടൺ അതിലേക്ക് ചേർക്കുക.
• രണ്ട് ടീസ്പൂൺ കുരുമുളകുപൊടി, ഒരു ടീസ്പൂൺ ഗരംമസാലയും, കുറച്ച് മല്ലിയിലയും ചേർത്തിളക്കി വറ്റിച്ചെടുക്കുക.

Read More

• പർപ്പിൾ കളറിൽ ക്രിസ്പി ഉണ്ണിയപ്പം
• ചെമ്മീൻ അച്ചാർ ഇങ്ങനെയും തയ്യാറാക്കാം
• മസാല ദോശയിൽ ഈ പരീക്ഷണം ചെയ്തു നോക്കൂ, കിടിലൻ രുചിയാണ്
• തനി നാടൻ ഉള്ളി തീയൽ, ഈ റെസിപ്പിയിൽ തയ്യാറാക്കി നോക്കൂ
• കൊതിയൂറും മുട്ട ചമ്മന്തി ചോറ്
• കറുമുറു കഴിക്കാൻ കായ വറുത്തെടുക്കാം മിനിറ്റുകൾക്കുള്ളിൽ
• റെസ്റ്റോറൻ്റ് സ്റ്റൈലിൽ പനീർ ബട്ടർ മസാല കഴിച്ചാലോ, ഇതാ റെസിപ്പി
• സൗത്തിന്ത്യൻ സ്പെഷ്യൽ തൈര് വട
• ഉരുളക്കിഴങ്ങ് ഉണ്ടെങ്കിൽ ഇനി ചപ്പാത്തിക്ക് മറ്റൊരു കറി വേണ്ട
• ഏട്ട മുട്ട കണ്ടിട്ടുണ്ടോ? കാഴ്ചയിലെ ചേല് മാത്രമല്ല കൊതിപ്പിക്കും രുചിയാണ്
• ക്ലാസിക് കൂൺ മസാല തയ്യാറാക്കാം സിംപിളായി
• വിഭവം പച്ചടിയാണ്, പക്ഷേ പാഷൻ ഫ്രൂട്ടാണ് ഇതിലെ താരം
• അടിപൊളി രുചിയാണ് തയ്യാറാക്കാൻ എളുപ്പവും, പെപ്പർ ചിക്കൻ റെസിപ്പി
• നാടൻ ഞണ്ട് റോസ്റ്റ് കുട്ടനാടൻ സ്റ്റൈലിൽ ഒരു തവണ ട്രൈ ചെയ്യൂ
• ചിക്കൻ ഇല്ലെങ്കിലും ഇനി കബാബ് കഴിക്കാം, ഇതാ ഒരു സിംപിൾ റെസിപ്പി
• തക്കാളി ഉണ്ടെങ്കിൽ എടുത്തോളൂ, ചായക്കൊപ്പം നല്ല ചൂട് ബജ്ജി കഴിക്കാം