ചെമ്മീൻ അച്ചാർ ഇങ്ങനെയും തയ്യാറാക്കാം

എന്തൊക്കെ അച്ചാർ കിട്ടിയാലും ചെമ്മീൻ അച്ചാറിൻ്റെ രുചിയോളം വരില്ല മറ്റൊന്നും. ചോറിന് മറ്റൊരു കറിയും ഇല്ലെങ്കിൽ ഇത് ധാരാളം. ചെറിയ ചെമ്മീൻ കിട്ടിയാൽ ഇനി കറിക്കു വേണ്ടി മാറ്റേണ്ട അച്ചാർ തയ്യാറാക്കിക്കോളൂ. കുറച്ച് ചേരുവകൾ മതിയാകും. ചെറിയ ചെമ്മീൻ പോലും കഴുകി വൃത്തിയാക്കി പാക്ക് ചെയ്ത് കടകളിൽ ലഭിക്കും. അത് ഉപയോഗിക്കുന്നതാണ് കൂടുതൽ ഉചിതം. ചോറിന് നോൺവെജ് വേണം എന്ന് നിർബന്ധമുള്ളവർക്ക് ഇത് എന്തായാലും ഉപകരിക്കും. രമ്യ തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തുന്ന ചെമ്മീൻ അച്ചാർ റെസിപ്പി അറിഞ്ഞു വച്ചോളൂ.

ചേരുവകൾ

• ഉലുവ- 2 ടേബിൾസ്പൂൺ
• കടുക്- 2 1/2 ടേബിൾസ്പൂൺ
• നല്ലെണ്ണ- 250 മില്ലി
• ചെമ്മീൻ- 1 കിലോ
• മഞ്ഞൾപ്പൊടി- 1/4 ടീസ്പൂൺ
• ഉപ്പ്- ആവശ്യത്തിന്
• കാശ്മീരിമുളകുപൊടി- 1 കപ്പ്
• വെളുത്തുള്ളി- ആവശ്യത്തിന്
• പുളി- 1/2 കപ്പ്

View this post on Instagram

A post shared by Bharathicooks ™ By Ramya (@bharathicooks)

തയ്യാറാക്കുന്ന വിധം

• ഒരു കിലോ ചെമ്മീൻ കഴുകി വൃത്തിയാക്കി അൽപ്പം മഞ്ഞൾ ചേർത്ത വെള്ളത്തിൽ കുതിർത്ത് മാറ്റി വയ്ക്കുക.
• ഒരു പാൻ അടുപ്പിൽ വച്ച് രണ്ട് ടേബിൾസ്പൂൺ ഉലുവ, അര ടേബിൾസ്പൂൺ കടുക് എന്നിവ വറുത്തെടുക്കുക. അവ ചൂടാറിയതിനു ശേഷം പൊടിക്കുക.
• അതേ പാത്രത്തിലേക്ക് 250 മില്ലി നല്ലെണ്ണ ഒഴിച്ച് ചൂടാക്കുക.
• ചെമ്മീൻ വെള്ളം കളഞ്ഞെടുത്തത് എണ്ണയിലേക്ക് ചേർത്തു വറുക്കുക.
• ആവശ്യത്തിന് ഉപ്പും എണ്ണയിലേക്ക് ചേർക്കാം.
• അഞ്ച് മിനിറ്റിനു ശേഷം ചെമ്മീൻ എണ്ണയിൽ നിന്നും മാറ്റാം.
• അതേ എണ്ണയിലേക്ക് ഒരു കപ്പ് കാശ്മീരിമുളകുപൊടി ചേർത്തിളക്കുക. പച്ച മണം മാറി വരുമ്പോൾ ചെറിയ കഷ്ണങ്ങളായി അരിഞ്ഞ വെളുത്തുള്ളി ആവശ്യത്തിനു ചേർത്തിളക്കാം.
• വെളുത്തു​ള്ളിയുടെ നിറം മാറി വരുമ്പോൾ ഒരു കപ്പ് പുളി വെള്ളം ചേർക്കാം.
• തുടർന്ന് ആവശ്യമെങ്കിൽ ഉപ്പും ചേർക്കുക.
• വറുത്തു വെച്ചിരിക്കുന്ന ചെമ്മീൻ ചേർത്തിളക്കി യോജിപ്പിക്കുക.
• അടുപ്പിൽ നിന്ന് മാറ്റി ചൂടാറിയതിനു ശേഷം വൃത്തിയുള്ള ഈർപ്പം കയറാത്ത പാത്രത്തിൽ സൂക്ഷിക്കാം.
• ഫ്രിഡ്ജിൽ വച്ചാൽ ഇത് ആറ് മാസം വരെ കേടുകൂടാതിരിക്കും. 

Read More

• മസാല ദോശയിൽ ഈ പരീക്ഷണം ചെയ്തു നോക്കൂ, കിടിലൻ രുചിയാണ്
• തനി നാടൻ ഉള്ളി തീയൽ, ഈ റെസിപ്പിയിൽ തയ്യാറാക്കി നോക്കൂ
• കൊതിയൂറും മുട്ട ചമ്മന്തി ചോറ്
• കറുമുറു കഴിക്കാൻ കായ വറുത്തെടുക്കാം മിനിറ്റുകൾക്കുള്ളിൽ
• റെസ്റ്റോറൻ്റ് സ്റ്റൈലിൽ പനീർ ബട്ടർ മസാല കഴിച്ചാലോ, ഇതാ റെസിപ്പി
• സൗത്തിന്ത്യൻ സ്പെഷ്യൽ തൈര് വട
• ഉരുളക്കിഴങ്ങ് ഉണ്ടെങ്കിൽ ഇനി ചപ്പാത്തിക്ക് മറ്റൊരു കറി വേണ്ട
• ഏട്ട മുട്ട കണ്ടിട്ടുണ്ടോ? കാഴ്ചയിലെ ചേല് മാത്രമല്ല കൊതിപ്പിക്കും രുചിയാണ്
• ക്ലാസിക് കൂൺ മസാല തയ്യാറാക്കാം സിംപിളായി
• വിഭവം പച്ചടിയാണ്, പക്ഷേ പാഷൻ ഫ്രൂട്ടാണ് ഇതിലെ താരം
• അടിപൊളി രുചിയാണ് തയ്യാറാക്കാൻ എളുപ്പവും, പെപ്പർ ചിക്കൻ റെസിപ്പി
• നാടൻ ഞണ്ട് റോസ്റ്റ് കുട്ടനാടൻ സ്റ്റൈലിൽ ഒരു തവണ ട്രൈ ചെയ്യൂ
• ചിക്കൻ ഇല്ലെങ്കിലും ഇനി കബാബ് കഴിക്കാം, ഇതാ ഒരു സിംപിൾ റെസിപ്പി
• തക്കാളി ഉണ്ടെങ്കിൽ എടുത്തോളൂ, ചായക്കൊപ്പം നല്ല ചൂട് ബജ്ജി കഴിക്കാം
• ചിക്കൻ കറി മാറി നിൽക്കും ഈ മഞ്ചൂരിയൻ്റെ രുചിയിൽ
• സദ്യ സ്റ്റൈൽ മോര് കറിയുടെ റെസിപ്പി ഇതാണ്