ഒരു കപ്പ് സോയ ഉണ്ടോ? എങ്കിൽ ദോശ മാവ് ഇങ്ങനെ അരച്ചെടുക്കൂ

വിശപ്പ് ശമിപ്പിക്കുക എന്നതിനപ്പുറം ആരോഗ്യമുള്ള ഭക്ഷണം കഴിക്കുക എന്നതും പ്രധാനമാണ്. മലയാളികളുടെ ഹെൽത്തി ഫുഡിൽ ദോശയും ഇഡ്ഡലിയുമാണ് എന്നും ഒന്നാമത്. അത് തന്നെ വ്യത്യസത രുചിയിൽ തയ്യാറാക്കാം. നെയ്യ്റോസ്റ്റ്, മസാല ദോശ, പനീർ ദോശ, പാലക് ദോശ, പൊടി ദോശ, തട്ട് ദോശ അങ്ങനെ പോകുന്നു ആ പട്ടിക. എന്നാൽ പ്രോട്ടീൻ ദോശ കഴിച്ചിട്ടുണ്ടോ? 

നിങ്ങൾ സ്ഥിരമായി ദോശ മാവ് തയ്യാറാക്കുന്ന മാവിൻ്റെ കൂട്ട് ഒന്ന് മാറ്റി പിടിക്കാം. മാവ് അരച്ച് പുളിപ്പിക്കാതെ തന്നെ ചുട്ടെടുക്കാം ഈ ഹെൽത്തി ദോശ. 

ചേരുവകൾ

• സോയ- 1 കപ്പ്
• തക്കാളി- 1
• വറ്റൽമുളക്- 2
• ഇഞ്ചി- 1
• വെള്ളം- ആവശ്യത്തിന്
• ഉപ്പ്- ആവശ്യത്തിന്
• ഗോതമ്പ് പൊടി- 1 കപ്പ്
• അരിപ്പൊടി- 3/4 കപ്പ്
• സവാള
• കാരറ്റ്
• മല്ലിയില

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് വെള്ളമൊഴിച്ച് സോയചങ്ക്സ് വേവിക്കാം.
• അതിലേയ്ക്ക് തക്കാളി, വറ്റൽമുളക്, ഇഞ്ചി കഷ്ണങ്ങളാക്കിയത്, ആവശ്യത്തിന് ഉപ്പ് എന്നിവ ചേർത്ത് അടച്ചു വയ്ക്കാം.
• നന്നായി തിളപ്പിച്ചതിനു ശേഷം അടുപ്പണയ്ക്കാം. ഇത് തണുത്ത് കഴിയുമ്പോൾ തക്കാളിയുടെ തൊലി കളഞ്ഞെടുക്കാം.
• വേവിച്ചെടുത്തവയെല്ലാം ചേർത്ത് അരയ്ക്കാം.
• ഒരു കപ്പ് ഗോതമ്പ് പൊടിയിലേയ്ക്ക് മുക്കാൽ കപ്പ് അരിപ്പൊടി ചേർക്കാം.
• ഇതിലേയ്ക്ക് വെള്ളം ഒഴിച്ചിളക്കി ദോശ മാവ് തയ്യാറാക്കാം.
• ശേഷം കാരറ്റ്, സവാള, മല്ലിയില എന്നിവ അരിഞ്ഞതും, സോയ അരച്ചെടുത്തതും ചേർത്തിളക്കി യോജിപ്പിക്കാം.
• ഒരു പാൻ അടുപ്പിൽ വച്ചു ചൂടാക്കി അതിൽ നെയ്യ് പുരട്ടാം.
• പാൻ നന്നായി ചൂടായതിനു ശേഷം ആവശ്യത്തിന് മാവ് ഒഴിച്ച് ദോശ ചുട്ടെടുക്കാം. ഈ ദോശ ആസ്വദിച്ചു കഴിച്ചു നോക്കൂ.

Read More:

• മാവ് അരച്ച് പുളിപ്പിക്കേണ്ട, കണ്ണൂർ സ്പെഷ്യൽ മുട്ടയപ്പം തയ്യാറാക്കാൻ എളുപ്പമാണ്
• സദ്യയിൽ കിട്ടുന്ന അതേ രുചി, കൈതച്ചക്ക ഇങ്ങനെ വേവിച്ചെടുക്കൂ
• മധുരം ഉപേക്ഷിച്ചാലും ഇനി ലഡ്ഡു ആസ്വദിച്ചു കഴിക്കാം
• മസാലപ്പൊടികൾ മാസങ്ങളോളം കേടുകൂടാതിരിക്കും, ഇങ്ങനെ ചെയ്താൽ മതി
• ഗോതമ്പും മൈദയും വേണ്ട, ചപ്പാത്തി പൂപോലെ സോഫ്റ്റാകാൻ ഈ ധാന്യപ്പൊടി ഉപയോഗിക്കാം
• കൊടും ചൂടിൽ കൂളാകാൻ രസകരമായൊരു മാമ്പഴം ലെസ്സി
• ഈ മുട്ട ബജ്ജി തയ്യാറാക്കാൻ എളുപ്പമാണ്
• അടുക്കളയിൽ നിന്നും പാറ്റയെ തുരത്താൻ ഈ നുറുങ്ങു വിദ്യകൾ മതിയാകും
• ഒരു പിടി അവലുണ്ടെങ്കിൽ 10 മിനിറ്റിൽ തയ്യാറാക്കാം ഈ 6 വിഭവങ്ങളും
• കിടിലൻ മസാല ചിക്കൻ തയ്യാറാക്കാം ഒരു തുള്ളി എണ്ണ ചേർക്കാതെ
• ഉരുളക്കിഴങ്ങു വേണ്ട, ഇനി വെജിറ്റബിൾ കട്ലറ്റ് ഇങ്ങനെയും തയ്യാറാക്കാം
• ടിഫിൻ ബോക്സിലേയ്ക്ക് ഇനി ഫ്രൂട്ട് കസ്റ്റാർഡും, ഇതാ ഒരു സിംപിൾ റെസിപ്പി
• കൃത്രിമ നിറമോ ക്രീമോ വേണ്ട, മാമ്പഴം ഒരെണ്ണം ഉണ്ടെങ്കിൽ ഇനി ഐസ്ക്രീം വീട്ടിൽ തയ്യാറാക്കാം