ഈ മുട്ട ബജ്ജി തയ്യാറാക്കാൻ എളുപ്പമാണ്

ഭക്ഷണപ്രിയരുടെ പ്രിയപ്പെട്ട പലഹാരമാണ് ബജ്ജി. വഴിയോരങ്ങളിൽ നിരന്നിരിക്കുന്ന ബജ്ജിക്കടകളിലെ തിരക്ക് എപ്പോഴെങ്കിലും ശ്രദ്ധിച്ചിട്ടുണ്ടോ?. ചൂട് ചായയും ബജ്ജിയും കിട്ടാൻ കൊതിക്കാത്തവർ കുറവാണ്. നിങ്ങൾക്ക് ഇഷ്ട്ടപ്പെട്ട ബജ്ജി ഏതാണ്?. വീട്ടിൽ തയ്യാറാക്കാൻ വളരെ എളുപ്പമുള്ള ഒന്നാണ് മുട്ട ബജ്ജി. വളരെ കുറച്ച് ചേരുവകൾ മതി. 

ചായക്കടയിൽ കിട്ടുന്നു മുട്ട ബജ്ജിയെ വെല്ലാൻ ഒരു സൊയമ്പൻ റെസിപ്പിയുണ്ട്. അവധി ദിവസങ്ങളിൽ കുട്ടികളെ കൊതിപ്പിക്കാൻ ഇത് തയ്യാറാക്കി നോക്കൂ. 

ചേരുവകൾ

• പുഴുങ്ങിയ മുട്ട- ആവശ്യത്തിന്
• കടലമാവ്- 1/2 കപ്പ്
• മുളകുപൊടി- 1 ടീസ്പൂൺ
• കാശ്മീരി മുളകുപൊടി- 1  ടീസ്പൂൺ
• ഗരം മസാല- 1 ടീസ്പൂൺ
• ജീരകം- 1 ടീസ്പൂൺ
• അയമോദകം- 1/2 ടീസ്പൂൺ
• സവാള- 1 ചെറുതായി അരിഞ്ഞത്
• കറിവേപ്പില- ആവശ്യത്തിന്
• മല്ലിയില- ആവശ്യത്തിന്
• എണ്ണ- ആവശ്യത്തിന്      
• ഉപ്പും- ആവശ്യത്തിന്
• കടലമാവ്- 1/2 കപ്പ്
• അരിപ്പൊടി- 1/4 കപ്പ്
• മൈദ- കാൽ കപ്പ്
• ജീരക പൊടി- 1 സ്പൂൺ
• മഞ്ഞൾ പൊടി- 1/2 സ്പൂൺ
• ഏലയ്ക്ക പൊടിച്ചത്- 1/2 സ്പൂൺ

തയ്യാറാക്കുന്ന വിധം

• മുട്ട ആദ്യം തന്നെ വൃത്തിയായി കഴുകി വെള്ളത്തിൽ ഉപ്പ് ചേർത്ത് പുഴുങ്ങാൻ വയ്ക്കാം.
• പുഴുങ്ങിയെടുത്ത മുട്ട തണുത്തതിനു ശേഷം തോട് കളഞ്ഞ് രണ്ട് കഷ്ണങ്ങാക്കി പകുത്ത് വയ്ക്കാം.
•  കടലമാവിലേയ്ക്ക്, അരിപ്പൊടി, മൈദപ്പൊടി, ജീരകം പൊടിച്ചെടുത്തത്, ഒരു നുള്ള് മഞ്ഞൾപ്പൊടി, ഗരംമസാല, കാശ്മീരിമുളകുപൊടി, ഉപ്പ്, ഏലയ്ക്കപ്പൊടി എന്നിവ ചേർക്കാം. ഇതിലേയ്ക്ക് വെള്ളം ഒഴിച്ച് മാവ് കുഴച്ചെടുക്കാം.
• രണ്ടായി മുറിച്ച മുട്ടയുടെ മഞ്ഞക്കരുക്കൾ ഒരു ബൗളിലേയ്ക്കു മാറ്റി കുരുമുളകുപൊടിയും ഉപ്പും ചേർത്തിളക്കി യോജിപ്പിക്കാം.
• ഒരു പാൻ അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് സവാളയും മുട്ടയുടെ മഞ്ഞയും, കുറച്ച് മല്ലിയിലയും കറിവേപ്പിലയും ചേർത്തു വഴറ്റാം.
• പകുത്തെടുത്ത മുട്ട കഷ്ണങ്ങൾക്കുള്ളിൽ സവാള വഴറ്റിയെടുത്തത് വയ്ക്കാം. ഇത് കടലമാവിൽ മുക്കിയെടുക്കാം.
• ശേഷം ചൂടായ എണ്ണയിൽ വറുത്തെടുക്കാം. മുട്ട ബോണ്ട ചൂടോടെ കഴിച്ചു നോക്കൂ.

Read More:

• ഒരു പിടി അവലുണ്ടെങ്കിൽ 10 മിനിറ്റിൽ തയ്യാറാക്കാം ഈ 6 വിഭവങ്ങളും
• കിടിലൻ മസാല ചിക്കൻ തയ്യാറാക്കാം ഒരു തുള്ളി എണ്ണ ചേർക്കാതെ
• ഉരുളക്കിഴങ്ങു വേണ്ട, ഇനി വെജിറ്റബിൾ കട്ലറ്റ് ഇങ്ങനെയും തയ്യാറാക്കാം
• ടിഫിൻ ബോക്സിലേയ്ക്ക് ഇനി ഫ്രൂട്ട് കസ്റ്റാർഡും, ഇതാ ഒരു സിംപിൾ റെസിപ്പി
• കൃത്രിമ നിറമോ ക്രീമോ വേണ്ട, മാമ്പഴം ഒരെണ്ണം ഉണ്ടെങ്കിൽ ഇനി ഐസ്ക്രീം വീട്ടിൽ തയ്യാറാക്കാം
• ഒരു ഹെൽത്തി ബ്രേക്ക്ഫാസ്റ്റ് കഴിക്കാം, ഇനി ഇടിയപ്പം ഇങ്ങനെ തയ്യാറാക്കൂ
• ശരീര ഭാരം നിയന്ത്രിക്കാം കൂളായിരിക്കാം, ഈ കോൾഡ് കോഫി ഒരു തവണ ട്രൈ ചെയ്യൂ
• ഐസ്ക്രീം വാങ്ങി പോക്കറ്റ് കാലിയാക്കേണ്ട, ഈ 3 ചേരുവകൾ കൈയ്യിലുണ്ടെങ്കിൽ
• നിങ്ങൾ ഓട്സ് ഇങ്ങനെയാണോ കഴിക്കാറുള്ളത്?
• ചിയ സീഡ് കൈയ്യിലുണ്ടോ? ദിവസവും ട്രൈ ചെയ്യാം വ്യത്യസ്തമായ 5 പുഡ്ഡിംഗ് റെസിപ്പികൾ