ചിയ സീഡ് കൈയ്യിലുണ്ടോ? ദിവസവും ട്രൈ ചെയ്യാം വ്യത്യസ്തമായ 5 പുഡ്ഡിംഗ് റെസിപ്പികൾ

പേഷകങ്ങളാൽ സമ്പന്നമായ ചിയ വിത്തുകൾ ബ്രേക്ക്ഫാസ്റ്റിൽ ഫലപ്രദമായി ഉൾപ്പെടുത്താം, ഈ റെസിപ്പികൾ ട്രൈ ചെയ്തു നോക്കൂ

Written byWebDesk

പേഷകങ്ങളാൽ സമ്പന്നമായ ചിയ വിത്തുകൾ ബ്രേക്ക്ഫാസ്റ്റിൽ ഫലപ്രദമായി ഉൾപ്പെടുത്താം, ഈ റെസിപ്പികൾ ട്രൈ ചെയ്തു നോക്കൂ

WebDesk

12 May 2025 15:27 IST

അപ്‌ഡേറ്റ് ചെയ്‌തു 13 May 2025 09:43 IST

New Update

Chia Seed Pudding Recipe — ചിയ പുഡ്ഡിംഗ് റെസിപ്പി | ചിത്രം: ഫ്രീപിക്

1/5

കോക്കനട്ട് ചിയ സീഡ് പുഡ്ഡിംഗ്

അര കപ്പ് ചിയവിത്ത് തേങ്ങാപ്പാലിൽ കുതിർത്തു വയ്ക്കാം. ഒരു മണിക്കൂറെങ്കിലും ഇങ്ങനെ മാറ്റി വയ്ക്കണം. ശേഷം അതിലേയ്ക്ക് മേപ്പിൾ സിറപ്പ്, വാനില എക്സ്ട്രാറ്റ് എന്നിവ ചേർക്കാം. ഇത് നന്നായി ഇളക്കി യോജിപ്പിച്ചതിനു ശേഷം എട്ട് മണിക്കൂറെങ്കിലും ഫ്രിഡ്ജിൽ സൂക്ഷിക്കാം. രാവിലെ പുറത്തെടുത്ത് മുകളിൽ ആപ്പിൾ, ഓറഞ്ച്, വാഴപ്പഴം എന്നിങ്ങനെ ലഭ്യമായവ ചേർത്തു കഴിക്കാം.

2/5

കോഫി ചിയ പുഡ്ഡിംഗ്

അര കപ്പ് തേങ്ങാപ്പാലിലേയ്ക്ക് കാൽ കപ്പ് ചിയ വിത്ത് ചേർക്കാം. അതിലേയ്ക്ക് രണ്ട് ടേബിൾസ്പൂൺ കാപ്പിപ്പൊടി, രണ്ട് ടേബിൾസ്പൂൺ കൊക്കോപ്പൊടി എന്നിവ ചേർക്കാം. ഒപ്പം കാൽ കപ്പ് ചിയ വിത്ത് കൂടി ചേർത്തിളക്കി യോജിപ്പിച്ച് എട്ട് മണിക്കൂറെങ്കിലും ഫ്രിഡ്ജിൽ സൂക്ഷിക്കാം. രാവിലെ കഴിക്കുന്നതിനു മുമ്പായി കുറച്ച് തേൻ കൂടി മുകളിൽ ഒഴിക്കാം.

3/5

മാംഗോ ചിയ സീഡ് പുഡ്ഡിംഗ്

അര കപ്പ് തൈരിലേയ്ക്ക് ഒരു ടേബിൾസ്പൂൺ തേൻ ചേർത്തിളക്കി യോജിപ്പിക്കാം. ഇതിലേയ്ക്ക് ഒരു ടേബിൾസ്പൂൺ ചിയ വിത്തു കൂടി ചേർ്കാം. ശേഷം 45 മിനിറ്റ് ഫ്രിഡ്ജിൽ സൂക്ഷിക്കാം. നന്നായി പഴുത്ത മാമ്പഴം ചെറി കഷ്ണങ്ങളായി മുറിക്കാം. ഫ്രിഡ്ജിൽ സൂക്ഷിച്ചിരിക്കുന്ന തൈരിലേയ്ക്ക് അതുകൂടി ചേർത്ത് വീണ്ടും 15 മിനിറ്റ് ഫ്രിഡ്ജിൽ വയ്ക്കാം. ശേഷം പുറത്തെടുത്ത് കഴിക്കാം.

Advertisment

4/5

വാഴപ്പഴം ചിയ പുഡ്ഡിംഗ്

അര കപ്പ് വെള്ളത്തിലേയ്ക്ക് അല്ലെങ്കിൽ ബദാം പാലിലേയ്ക്ക് ഒരു ടേബിൾസ്പൂൺ ചിയ വിത്ത് ചേർത്ത് 20 മിനിറ്റ് മാറ്റി വയ്ക്കാം. പാലാണെങ്കിൽ ഫ്രിഡ്ജിൽ സൂക്ഷിക്കാം. ശേഷം അത് ഒരു ചെറിയ ബൗളിലേയ്ക്കു മാറ്റി വാഴപ്പഴം ചെറിയ കഷ്ണങ്ങളാക്കിയതും ലഭ്യമായ നട്സും ചേർത്ത് കഴിക്കാം. ഇതിൽ പുളിയില്ലാത്ത തൈരും, ഓട്സ് കുതിർത്തും ചേർത്ത് കൂടുതൽ രുചികരമാക്കാം.

5/5

സ്പൈസി ചിയ പുഡ്ഡിംഗ്

രണ്ട് കപ്പ് പാൽ അടുപ്പിൽ വച്ചു ചൂടാക്കാം. അതിലേയ്ക്ക് ഏലയ്ക്ക പൊടിച്ചതും, കറുവാപ്പട്ടയും, ഒരു നുള്ള് വാനില എക്സ്ട്രാക്റ്റും ചേർക്കാം. പാൽ തിളക്കുന്നതിനു മുമ്പ് അടുപ്പണയ്ക്കാം. ചെറുചൂടോടെ പാൽ ഗ്ലിസിലേയ്ക്കു പകരം. അതിലേയ്ക്ക് ചിയ സീഡ് ചേർത്ത് ഒരു രാത്രി ഫ്രിഡ്ജിൽ വയ്ക്കാം. രാവിലെ തണുപ്പോടെ കഴിച്ചു നോക്കൂ.

Food Recipe Weight Loss

Stay updated with the latest news headlines and all the latest Lifestyle news. Download Indian Express Malayalam App - Android or iOS.