ചായക്കൊപ്പം സ്പെഷ്യലായി ഒരു സ്നാക്ക് കഴിച്ചാലോ? മുട്ടയും അവലും മതി

സ്കൂൾ തുറന്നാൽ വീട്ടിലെ പ്രധാന പ്രശ്നം സ്നാക്സാണ്. സ്കൂളിലേയ്ക്ക് കൊടുത്തു വിടാനും, വൈകിട്ട് വീട്ടിലെത്തുമ്പോൾ കുട്ടികൾക്കു കൊടുക്കാനും വ്യത്യസ്തമായ പലഹാരങ്ങൾ എങ്ങനെ ഒപ്പിക്കും. ഇടയ്ക്ക് കടയിൽ നിന്നും വാങ്ങി സൂക്ഷിക്കാം എന്നല്ലാതെ എപ്പോഴും അത് സാധിച്ചെന്നു വരില്ല. മാത്രമല്ല ധാരാളം എണ്ണയും മായവും ചേർത്ത് തയ്യാറാക്കുന്ന ഇത്തരം പലഹാരങ്ങൾ കുട്ടികളുടെ ആരോഗ്യത്തെ തന്നെ മോശമായി ബാധിക്കും.

ഈ സാഹചര്യത്തിൽ ഏറ്റവും എളുപ്പത്തിൽ ആശ്രയിക്കാൻ പറ്റിയ ഒന്നാണ് അവൽ. കാര്യമായ ഉപയോഗങ്ങൾ ഒന്നുമില്ലാതെ അടുക്കളിൽ ഇരിക്കേണ്ട ഒന്നല്ല അവൽ. രുചിയിലും ഗുണത്തിലും ഒട്ടും പിന്നിലല്ല, അതിനാൽ അൽപ്പം അവൽ കുതിർത്തെടുത്തോളൂ, രുചികരമായ സ്നാക് തയ്യാറാക്കാം. വടക്കിനി വ്ളോഗ് എന്ന യൂട്യൂബ് ചാനലാണ് ഈ സ്നാക് റെസിപ്പി പരിചയപ്പെടുത്തി തരുന്നത്.

ചേരുവകൾ

• അവൽ
• മുട്ട
• സവാള
• പച്ചമുളക്
• ഉപ്പ്
• ഇഞ്ചി വെളുത്തുള്ളി പേസ്റ്റ്
• വെളിച്ചെണ്ണ

തയ്യാറാക്കുന്ന വിധം

• ഒരു ബൗളിൽ ഒരു കപ്പ് അവൽ എടുത്ത് വെള്ളം ഒഴിച്ച് രണ്ടു മൂന്നു തവണ കഴുകുക.
• ഒരു സവാളയും ഒരു പച്ചമുളകും ചെറുതായി അരിഞ്ഞ് കഴുകി കുതിർത്ത് വെച്ചിരിക്കുന്ന അവിലിലേയ്ക്ക് ഇട്ട് നന്നായ് ഇളക്കി ചേർക്കുക.
• മറ്റൊരു ബൗളിൽ ഒരു മുട്ട പൊട്ടിച്ചൊഴിച്ച് പാകത്തിന് ഉപ്പ് ചേർത്തുകൊടുത്ത് ബീറ്റ് ചെയ്തെടുക്കാം.
• അതും മിക്സ് ചെയ്ത് വെച്ചിരിക്കുന്ന അവിലിലേയ്ക്കു ചേർക്കുക.
• അര ടീസ്പൂൺ വെളുത്തുള്ളി ഇഞ്ചി പേസ്റ്റ് കൂടി ചേർത്ത് എല്ലാം ഒരിക്കൽ കൂടി അവിലിലേയ്ക്ക് മിക്സ്  ചെയ്യാം.
• അൽപ്പം മല്ലി ഇല ഉണ്ടെങ്കിൽ രണ്ട് തണ്ട് അരിഞ്ഞ് അതിലേയ്ക്കു ചേർക്കാം.
• തുടർന്ന് ചീനച്ചട്ടിയിൽ അൽപ്പം എണ്ണ എടുത്ത് ഹൈഫ്ലെയ്മിൽ ചൂടാക്കാം.
• മിക്സ് ചെയ്ത് വെച്ചിരിക്കുന്ന അവലിൽ നിന്നും കുറച്ച് എടുത്ത് ചെറിയ ഉരുളകളാക്കി എണ്ണയിലേക്ക് ഇടുക.
• നല്ല ബ്രൗൺ കളർ ആയതിനുശേഷം എണ്ണയിൽ നിന്നും കോരിയെടുക്കാം. 

Read More

• ഹോട്ടൽ സ്റ്റൈൽ ചിക്കൻ സൂപ്പ് തയ്യാറാക്കാം 5 മിനിറ്റിൽ
• ബീഫ് കറി മാറി നിൽക്കും സ്വാദിഷ്ടമായ ഈ ചിക്കൻ റോസ്റ്റിനു മുന്നിൽ
• ദോശ സ്വൽപം മധുരിച്ചാൽ എങ്ങനെ ഉണ്ടാവും? ഇതാ ഒരു വെറൈറ്റി റെസിപ്പി
• പ്രമേഹമാണ് പക്ഷേ ചോക്ലേറ്റ് കഴിക്കാൻ കൊതിയുണ്ടോ? നിങ്ങൾക്കായി ഒരു റെസിപ്പി
• വാഴക്കൂമ്പ് കിട്ടിയോ? ഊണിന് ഈ തോരൻ തയ്യാറാക്കാൻ മറക്കേണ്ട
• അട തയ്യാറാക്കാം കൊതിപ്പിക്കും രുചിയിൽ; ഈ കിഴങ്ങ് ചേർത്തു നോക്കൂ
• പുളിയും മധുരവും ചേർന്ന കിടിലൻ പൈനാപ്പിൾ രസം
• ഈ ബിരിയാണി സ്വൽപം വ്യത്യസ്തമാണ്, ട്രൈ ചെയ്തു നോക്കൂ
• ഇടിവെട്ട് രുചിയിൽ നാടൻ ബീഫ് റോസ്റ്റ്
• പായസം മാത്രമല്ല ഇനി സേമിയ ദോശയും താരമാകും
• ചപ്പാത്തി ഇനി സോഫ്റ്റാകും, ഇക്കാര്യങ്ങൾ ശ്രദ്ധിക്കൂ
• ധാന്യങ്ങൾ ചേർത്തൊരു സാലഡ്; സ്വാദിഷ്ടം അതിലേറെ ഗുണകരം
• മധുരം കഴിക്കാൻ കൊതിയുണ്ടോ? എങ്കിൽ ഈ​ ഫ്രൂട്ട് കസ്റ്റാർഡ് ട്രൈ ചെയ്യൂ
• മതിവരുവോളം കഴിക്കാൻ ബട്ടർ കുക്കീസ് ഇനി സിംപിളായി വീട്ടിൽ