ഹോട്ടൽ സ്റ്റൈൽ ചിക്കൻ സൂപ്പ് തയ്യാറാക്കാം 5 മിനിറ്റിൽ

ചേരുവകൾ

ചിക്കൻ സ്റ്റോക്ക്- 4 കപ്പ്, ചിക്കൻ- 125 ഗ്രാം, കാരറ്റ്- 1, ബെൽ പെപ്പർ- 1, കാബേജ്- 1/2 കപ്പ്, സോയ സോസ്- 2 ടേബിൾസ്പൂൺ, ചില്ലി സോസ്- 2 ടേബിൾസ്പൂൺ, ഉപ്പ്- ആവശ്യത്തിന്, കുരുമുളക്- 1/2 ടീസ്പൂൺ, പഞ്ചസാര- 2 ടീസ്പൂൺ, എള്ളെണ്ണ- 1 ടീസ്പൂൺ, മുട്ട- 1, കോൺഫ്ലോർ- 2 ടേബിൾസ്പൂൺ

ചിക്കൻസ്റ്റോക്ക് ഒരു പാനിലെടുത്ത് ഇടത്തരം തീയിൽ തിളപ്പിക്കാം.

സോയ സോസ്, വിനാഗിരി, വെളുത്തുള്ളി ഇഞ്ചി സോസ്, കുരുമുളക്, പഞ്ചസാര, എള്ളെണ്ണ എന്നിവ ചേർത്തിളക്കാം. ആവശ്യത്തിന് ഉപ്പ് ചേർത്തിളക്കാം.

ഇതിലേയ്ക്ക് ചിക്കൻ ചെറിയ കഷ്ണങ്ങളാക്കിയത്, കാരറ്റ്, ബെൽ പെപ്പർ, കാബേജ് എന്നിവ ചെറുതായി അരിഞ്ഞതും ചേർത്തു തിളപ്പിക്കാം.

കോൺഫ്ലോറിലേയ്ക്ക് വെള്ളം ഒഴിച്ച് കലക്കിയെടുക്കാം. തിളച്ചു വരുന്ന വെള്ളത്തിലേയ്ക്ക് കോൺഫ്ലോർ ഇളക്കി ചേർക്കാം.

ഒരു മുട്ട പൊട്ടിച്ച് ഉടച്ചെടുക്കാം. സൂപ്പിലേയ്ക്ക് അത് ചേർക്കാം. ഇത് ഒരു മിനിറ്റ് തിളപ്പിക്കാം. ശേഷം അടുപ്പണച്ച് വിളമ്പാം.