ജിന്റോയും അർജുനും  ഒപ്പത്തിനൊപ്പം, തൊട്ടുപിന്നാലെ ജാസ്മിനും; വോട്ടിംഗ് സ്റ്റാറ്റസ് കണക്കുകളിങ്ങനെ: Bigg Boss Malayalam 6

Bigg Boss malayalam 6: മൂന്നുമാസമായി മലയാളികളുടെ സ്വീകരണമുറികളെ ആവേശത്തിലാക്കി വിജയകരമായി സംപ്രേഷണം ചെയ്തുവരുന്ന ബിഗ് ബോസ് മലയാളം സീസൺ 6 ഇന്ന് പരിസമാപ്കിയിലേക്ക്. വ്യക്തമായ നിലപാടുകൾ അറിയിച്ചും ഗെയിമുകൾ ആസൂത്രണം ചെയ്തും  വ്യക്തിത്വം കാത്തുസൂക്ഷിച്ചും ടാസ്കുകളിൽ കഴിവുതെളിയിച്ചും 100 ദിവസം ബിഗ് ബോസ് വീട്ടിലെ മത്സരം അതിജീവിച്ച അന്തിമവിജയി ആരെന്ന് ഇന്ന് പ്രഖ്യാപിക്കപ്പെടും. വൈകിട്ട് ഏഴു മണി മുതലാണ് ഗ്രാൻഡ് ഫിനാലെയുടെ തത്സമയസംപ്രേക്ഷണം. 

ഗ്രാൻഡ് ഫിനാലെയ്ക്ക് ഒരു രാത്രി മാത്രം ശേഷിക്കവേ വോട്ടിംഗിൽ ഇഞ്ചോടിഞ്ചു പോരാട്ടമാണ് ജിന്റോയും അർജുനും ജാസ്മിനും തമ്മിൽ നടക്കുന്നത്. ആരു വിജയിയാവും എന്ന് പ്രവചിക്കാനാവാത്ത രീതിയിൽ മത്സരം മുറുകുകയാണ് 

ജിൻ്റോ, ജാസ്മിൻ ജാഫർ, അർജുൻ ശ്യാം, അഭിഷേക് ശ്രീകുമാർ,  ഋഷി കുമാർ എന്നിവരാണ് അവസാനഘട്ടത്തിൽ മത്സരിക്കുന്ന മത്സരാർത്ഥികൾ. ഇവരിൽ നിന്നും ആരാവും ബിഗ് ബോസ് കിരീടം ചൂടുക എന്നറിയാനാണ് പ്രേക്ഷകർ ആകാംക്ഷയോടെ കാത്തിരിക്കുന്നത്. അർജുൻ, ജിന്റോ, ജാസ്മിൻ  എന്നിവരാണ് നിലവിൽ വോട്ടിംഗിൽ വമ്പൻ കുതിപ്പു നടത്തുന്നത്. ആരാവും വിജയി എന്നു പ്രഖ്യാപിക്കാനാവാത്ത രീതിയിൽ കടുത്തമത്സരമാണ് അന്തിമഘട്ടത്തിൽ നടക്കുന്നത്. 

ഓരോ മത്സരാർത്ഥിയും നേടിയ വോട്ടുകൾ ഫിനാലെ ദിവസം മാത്രമേ പ്രഖ്യാപിക്കപ്പെടുകയുള്ളൂ. എന്നാൽ നിലവിലെ വോട്ടിംഗ് നിലയെ കുറിച്ച് സോഷ്യൽ മീഡിയ പോളുകളും സർവ്വേകളും പറയുന്നത് എന്താണെന്നു നോക്കാം. 

വോട്ടിംഗിൽ അർജുൻ ലീഡ് ചെയ്യുന്നു എന്നാണ് ഇപ്പോൾ ലഭിക്കുന്ന അനൗദ്യോഗിക റിപ്പോർട്ടുകൾ പറയുന്നത്. തൊട്ടുപിന്നാലെ ജിന്റോയും ജാസ്മിനുമുണ്ട്. ജാസ്മിൻ മൂന്നാം സ്ഥാനത്തും ഋഷി നാലാം സ്ഥാനത്തും അഭിഷേക് അഞ്ചാം സ്ഥാനത്തുമെന്ന രീതിയിലാണ് പോളുകളും സർവ്വേകളും സൂചിപ്പിക്കുന്നത്.

ജിന്റോയും അർജുനും ഇഞ്ചോടിഞ്ചു മത്സരമാണ് നടക്കുന്നതെന്നും റിപ്പോർട്ടുകളുണ്ട്. ഒരു പോൾ പ്രകാരം 36% വോട്ടുകൾ അർജുൻ നേടിയപ്പോൾ 34% വോട്ടുമായി ജിന്റോ തൊട്ടുപിന്നിലുണ്ട്. പക്ഷേ, വോട്ടിംഗ് നിലകൾ മാറി മറിയുന്നതിനാൽ ആരാണ് ലീഡ് ചെയ്യുക എന്ന് കാത്തിരുന്നു തന്നെ അറിയണം. 

Read More Stories Here

• യൂട്യൂബിൽ നിന്നും എനിക്ക് കിട്ടിയ ആദ്യ വരുമാനം ഇത്രയാണ്: വെളിപ്പെടുത്തി ജാസ്മിൻ
• ടോപ്പ് ഫൈവിൽ വരാൻ അർഹതയില്ലാത്ത ഒരാളാണ് അഭിഷേക്: നോറ
• ടാംഗോ ആപ്പിൽ നിന്ന് എനിക്ക് ധാരാളം പൈസ കിട്ടിയിരുന്നു, പക്ഷേ വീടുവച്ചത് ആ പണം കൊണ്ടല്ല: വിവാദങ്ങളോട് പ്രതികരിച്ച് നോറ
• ബിഗ് ബോസ് വിജയിയാവുന്ന മത്സരാർത്ഥിയ്ക്ക് എത്ര ലക്ഷം ലഭിക്കും?
• എല്ലാം ഇവിടം കൊണ്ട് തീരട്ടെ ജിന്റോ കാക്കാ: കെട്ടിപ്പിടിച്ചും പരസ്പരം ആശ്വസിപ്പിച്ചും ജാസ്മിനും ജിന്റോയും
• ഫിനാലെ കൊഴുപ്പിക്കാൻ ലാലേട്ടനൊപ്പം മമ്മൂക്കയും എത്തുമോ?
• ബിഗ് ബോസിൽ ലാലേട്ടൻ അണിഞ്ഞ ഈ ഡ്രസ്സ് അൽപ്പം സ്പെഷലാണ്
• 20 ലക്ഷം രൂപയുടെ പണപ്പെട്ടി പ്ലാൻ ചെയ്തിരുന്നെന്ന് മോഹൻലാൽ, സായി കാണിച്ചത് സ്വാർത്ഥതയെന്ന് ഋഷി
• ബിഗ് ബോസിനായി താരങ്ങൾ കൈപ്പറ്റുന്ന പ്രതിഫലം എത്രയാണെന്നറിയാമോ?
• അർജുൻ: ശാന്തനും മര്യാദക്കാരനുമായ പ്ലെയർ 
• അന്തിയാകും വരെ വെള്ളം കോരി അന്തിയ്ക്ക് കുടം ഉടയ്ക്കുന്ന ജിന്റോ
• ജാസ്മിൻ ജാഫർ; ബിഗ് ബോസ് മലയാളം കണ്ട ഏറ്റവും വലിയ സർവൈവർ
• നീ ഭയങ്കരനാണല്ലോ, ഇങ്ങനെയാണോ സുഖമോ ദേവി കാണിക്കുന്നേ?; ഋഷിയെ ട്രോളി മോഹൻലാൽ