യൂട്യൂബിൽ നിന്നും എനിക്ക് കിട്ടിയ ആദ്യ വരുമാനം ഇത്രയാണ്: വെളിപ്പെടുത്തി ജാസ്മിൻ, Bigg Boss Malayalam 6

Bigg Boss malayalam 6: ബ്യൂട്ടി ബ്ലോഗറെന്ന രീതിയിൽ സമൂഹമാധ്യമങ്ങളിൽ പ്രശസ്തയായി, പിന്നീട് ബിഗ് ബോസിലേക്ക് എത്തിയ മത്സരാർത്ഥിയാണ് ജാസ്മിൻ ജാഫർ. ഷോയ്ക്കിടയിൽ  യൂട്യൂബിൽ നിന്നും തനിക്ക് ആദ്യമായി ലഭിച്ച വരുമാനമെത്രയായിരുന്നു എന്നു ജാസ്മിൻ വെളിപ്പെടുത്തിയിരുന്നു. ആ വീഡിയോ ആണിപ്പോൾ ശ്രദ്ധ നേടുന്നത്. 

"എന്റെ കയ്യിലൊരു ഐഫോൺ ഉണ്ടായിരുന്നു. അതുവച്ചാണ് ഞാൻ യൂട്യൂബ് ചാനൽ തുടങ്ങുന്നത്. ഒരു ദിവസം തന്നെ അഞ്ചും ആറും വീഡിയോ ചെയ്തു.രാവും പകലും ഉറക്കമില്ലാതെ കുത്തിയിരുന്ന് എഡിറ്റ് ചെയ്തു. ഭാഗ്യം കൊണ്ടാവാം, ഒരു ദിവസം എനിക്ക് 10000 സബ്സ്ക്രൈബേഴ്സ് ഒക്കെ വന്ന സമയമുണ്ട്. എന്റെ ആദ്യമാസത്തെ സാലറി ഒരു ലക്ഷം രൂപയ്ക്ക് മുകളിലായിരുന്നു. ഒരു വർഷം ആവും മുൻപ് 1 മില്യൺ സബ്സ്ക്രൈബേഴ്സ് വന്നു, ഞാൻ സിൽവർ ബട്ടൺ അടിച്ചു. പിന്നെ ഗോൾഡൻ പ്ലേ ബട്ടൻ അടിച്ചു," ജാസ്മിൻ പറഞ്ഞു. 

ബിഗ് ബോസ് മലയാളം സീസൺ ആറ് ഗ്രാൻഡ് ഫിനാലെയിലേക്ക് എത്തിയിരിക്കുകയാണ്.  ജൂൺ 16 ഞായറാഴ്ചയാണ് ഗ്രാൻഡ് ഫിനാലെ. ജിൻ്റോ, ജാസ്മിൻ ജാഫർ, അർജുൻ ശ്യാം, അഭിഷേക് ശ്രീകുമാർ,  ഋഷി കുമാർ എന്നിവരാണ് അവസാനഘട്ടത്തിൽ മത്സരിക്കുന്ന മത്സരാർത്ഥികൾ. ഇവരിൽ നിന്നും ആരാവും ബിഗ് ബോസ് കിരീടം ചൂടുക എന്നറിയാനാണ് പ്രേക്ഷകർ ആകാംക്ഷയോടെ കാത്തിരിക്കുന്നത്. 

പ്രശസ്‍ത താരങ്ങളും  മുൻ ബിഗ് ബോസ്സ് മത്സരാർത്ഥികളുമായ  നോബി, കുട്ടി അഖിൽ, സൂരജ് , നാദിറ, റനീഷ  തുടങ്ങിയവർ അവതരിപ്പിക്കുന്ന കോമഡി സ്‍കിറ്റും ചലച്ചിത്രപിന്നണി ഗായകരായ സിതാര, വിധു പ്രതാപ്, ശക്തിശ്രീ എന്നിവർ ഒരുക്കുന്ന സംഗീതവിരുന്നും  പ്രശസ്ത താരങ്ങളായ നീത പിള്ള , ദിൽഷാ പ്രസന്നൻ, ശ്രുതിലക്ഷ്മി, ധന്യ മേരി വർഗീസ്, ജാഫർ സാദിഖ് തുടങ്ങിയവരുടെ നൃത്യവിസ്മയങ്ങളും ഗ്രാൻഡ് ഫിനാലെയിൽ ഉൾപ്പെടുത്തിയിട്ടുണ്ട്.

Read More Stories Here

• ബിഗ് ബോസിൽ ലാലേട്ടൻ അണിഞ്ഞ ഈ ഡ്രസ്സ് അൽപ്പം സ്പെഷലാണ്
• 20 ലക്ഷം രൂപയുടെ പണപ്പെട്ടി പ്ലാൻ ചെയ്തിരുന്നെന്ന് മോഹൻലാൽ, സായി കാണിച്ചത് സ്വാർത്ഥതയെന്ന് ഋഷി
• ബിഗ് ബോസിനായി താരങ്ങൾ കൈപ്പറ്റുന്ന പ്രതിഫലം എത്രയാണെന്നറിയാമോ?
• അർജുൻ: ശാന്തനും മര്യാദക്കാരനുമായ പ്ലെയർ 
• അന്തിയാകും വരെ വെള്ളം കോരി അന്തിയ്ക്ക് കുടം ഉടയ്ക്കുന്ന ജിന്റോ
• ജാസ്മിൻ ജാഫർ; ബിഗ് ബോസ് മലയാളം കണ്ട ഏറ്റവും വലിയ സർവൈവർ
• നീ ഭയങ്കരനാണല്ലോ, ഇങ്ങനെയാണോ സുഖമോ ദേവി കാണിക്കുന്നേ?; ഋഷിയെ ട്രോളി മോഹൻലാൽ