ബിഗ് ബോസ് വിജയിയാവുന്ന മത്സരാർത്ഥിയ്ക്ക് എത്ര ലക്ഷം ലഭിക്കും? Bigg Boss Malayalam 6

Bigg Boss malayalam 6 Grand Finale Prize Money: മൂന്നുമാസമായി മലയാളികളുടെ സ്വീകരണമുറികളെ ആവേശത്തിലാക്കി വിജയകരമായി സംപ്രേഷണം ചെയ്തുവരുന്ന ബിഗ് ബോസ് മലയാളം സീസൺ 6 ഈ ഞായറാഴ്ചയോടെ അതിന്റെ പരിസമാപ്തിയിലെത്തുകയാണ്. ജൂൺ 16 ഞായറാഴ്ചയാണ് ഗ്രാൻഡ് ഫിനാലെ. ഞായറാഴ്ച 7 മണി മുതൽ ഏഷ്യാനെറ്റിലും ഹോട്ട് സ്റ്റാറിലും ഫിനാലെയുടെ തത്സമയസംപ്രേക്ഷണം കാണാം. 

ജിൻ്റോ, ജാസ്മിൻ ജാഫർ, അർജുൻ ശ്യാം, അഭിഷേക് ശ്രീകുമാർ,  ഋഷി കുമാർ എന്നിവരാണ് അവസാനഘട്ടത്തിൽ മത്സരിക്കുന്ന മത്സരാർത്ഥികൾ. ഇവരിൽ നിന്നും ആരാവും ബിഗ് ബോസ് കിരീടം ചൂടുക എന്നറിയാനാണ് പ്രേക്ഷകർ ആകാംക്ഷയോടെ കാത്തിരിക്കുന്നത്. ജിന്റോ, ജാസ്മിൻ, അർജുൻ എന്നിവരാണ് നിലവിൽ വോട്ടിംഗിൽ വമ്പൻ കുതിപ്പു നടത്തുന്നത്. ആരാവും വിജയി എന്നു പ്രഖ്യാപിക്കാനാവാത്ത രീതിയിൽ കടുത്തമത്സരമാണ് അന്തിമഘട്ടത്തിൽ നടക്കുന്നത്. 

ബിഗ് ബോസ് മലയാളം സീസൺ ആറിന്റെ വിജയിയാവുന്ന മത്സരാർത്ഥിയ്ക്ക് എത്ര ലക്ഷം രൂപയാണ് ഒന്നാം സമ്മാനമായി ലഭിക്കുക എന്നറിയാമോ? അതിനു മുൻപു, മുൻ സീസണുകളിൽ വിജയികൾ നേടിയ സമ്മാനത്തുക എത്രയെന്നു നോക്കാം.

ഒന്നാം സീസണിൽ സാബുമോൻ ആയിരുന്നു ടൈറ്റിൽ വിന്നറായത്. സാബുമോന് ഒരു കോടി വില വരുന്ന ഫ്ളാറ്റായിരുന്നു ഒന്നാം സമ്മാനമായി ലഭിച്ചത്. മൂന്നാം സീസണിൽ വിജയിയായ മണിക്കുട്ടനും ഫ്ളാറ്റാണ് സമ്മാനമായി ലഭിച്ചത്. 75 ലക്ഷം രൂപയോളം വില വരുന്ന ഫ്ളാറ്റാണ് മണിക്കുട്ടൻ നേടിയത്. നാല്, അഞ്ച് സീസണുകളിലേക്ക് എത്തിയതോടെയാണ് ഒന്നാം സമ്മാനം പ്രൈസ് മണിയായി നൽകാൻ തുടങ്ങിയത്. നാലാം സീസണിലെ വിജയിയായ ദിൽഷ പ്രസന്നൻ, അഞ്ചാം സീസൺ വിന്നർ അഖിൽ മാരാർ എന്നിവയ്ക്ക് 50 ലക്ഷം രൂപ ഒന്നാം സമ്മാനമായി ലഭിച്ചു.  ആറാം സീസണിലും 50 ലക്ഷം രൂപയാണ് ഒന്നാം സമ്മാനമായി വിജയിയ്ക്ക് ലഭിക്കുക. ഒപ്പം പ്രോത്സാഹനസമ്മാനങ്ങളും പ്രതീക്ഷിക്കാം. 

Read More Stories Here

• ബിഗ് ബോസിൽ ലാലേട്ടൻ അണിഞ്ഞ ഈ ഡ്രസ്സ് അൽപ്പം സ്പെഷലാണ്
• 20 ലക്ഷം രൂപയുടെ പണപ്പെട്ടി പ്ലാൻ ചെയ്തിരുന്നെന്ന് മോഹൻലാൽ, സായി കാണിച്ചത് സ്വാർത്ഥതയെന്ന് ഋഷി
• ബിഗ് ബോസിനായി താരങ്ങൾ കൈപ്പറ്റുന്ന പ്രതിഫലം എത്രയാണെന്നറിയാമോ?
• അർജുൻ: ശാന്തനും മര്യാദക്കാരനുമായ പ്ലെയർ 
• അന്തിയാകും വരെ വെള്ളം കോരി അന്തിയ്ക്ക് കുടം ഉടയ്ക്കുന്ന ജിന്റോ
• ജാസ്മിൻ ജാഫർ; ബിഗ് ബോസ് മലയാളം കണ്ട ഏറ്റവും വലിയ സർവൈവർ
• നീ ഭയങ്കരനാണല്ലോ, ഇങ്ങനെയാണോ സുഖമോ ദേവി കാണിക്കുന്നേ?; ഋഷിയെ ട്രോളി മോഹൻലാൽ