ഡയറ്റിലാണോ? എങ്കിൽ ട്രൈ ചെയ്യൂ ഈ പ്രോട്ടീൻ സാലഡ്

പഴങ്ങളും പച്ചക്കറികളും ചേർന്നതാണ് സാലഡ്, ഇവ പോഷകസമ്പന്നമാണ്. ലഘുഭക്ഷണായി തിരഞ്ഞെടുക്കുന്നതാണെങ്കിലും ഡയറ്റിംഗ് നോക്കുന്നവർ ബ്രേക്ക്ഫാസ്റ്റിനോ ഡിന്നറിനോ സാലഡ് കഴിക്കുന്നതാണ് പതിവ്. എന്നും ഒരേ രീതിയിൽ തന്നെ സാലഡ് കഴിച്ചാൽ മടുപ്പ് തോന്നിയേക്കാം. അതിൽ തന്നെ വ്യത്യസ്തത കൊണ്ടുവരാൻ ശ്രദ്ധിക്കാം. ഈ റെസിപ്പി ട്രൈ ചെയ്തു നോക്കൂ.

ചേരുവകൾ

• ബീറ്റ്റൂട്ട്- 1 
• വെള്ളരി- 1/2 കപ്പ്
• കാരറ്റ്- 1/2 കപ്പ്
• സവാള- 1/4 കപ്പ്
• പുതിനയില- ഒരു പിടി
• നാരങ്ങ നീര്- 1 ടേബിൾസ്പൂൺ
• ഒലിവ് എണ്ണ- 1 ടീസ്പൂൺ
• ഉപ്പ്- ആവശ്യത്തിന്
• കുരുമുളകുപൊടി- ആവശ്യത്തിന്
• ചെറുപയർ- 1 ടേബിൾസ്പൂൺ

തയ്യാറാക്കുന്ന വിധം

• ഒരു ബീറ്റ്റൂട്ട് തൊലി കളഞ്ഞെടുക്കാം. അത് ചെറിയ കഷ്ണങ്ങളാക്കി വെള്ളത്തിലിട്ട് പുഴുങ്ങിയെടുക്കാം.
• അത് തണുത്തതിനു ശേഷം ഗ്രേറ്റ് ചെയ്തെടുക്കാം.
• ഒരു ബൗളിൽ കാരറ്റ്, വെള്ളരി, സവാള, പുതിനയില എന്നിവ ചെറുതായി അരിഞ്ഞെടുക്കാം.
• അതിലേയ്ക്ക് ബീറ്റ്റൂട്ട് ഗ്രേറ്റ് ചെയ്തതും ആവശ്യത്തിന് ഉപ്പും, കുരുമുളകുപൊടിയും ചേർക്കാം.
• ഒരു ടീസ്പൂൺ ഒലിവ് എണ്ണ കൂടി ചേർത്തിളക്കി യോജിപ്പിക്കാം.
• ഇതിലേയ്ക്ക് ചെറുപയർ മുളപ്പിച്ചതു ചേർത്ത് കഴിക്കാം.

Read More:

• ഇപ്പോൾ നിങ്ങളുടെ മുന്നിലിരിക്കുന്നതാണ് സ്വാദിഷ്ടമായ ചിക്കൻ റോസ്റ്റ്, ലാലേട്ടൻ്റെ റെസിപ്പി ട്രൈ ചെയ്യൂ
• ഒരു ബൗൾ വേവിച്ച ചോറ് മാറ്റി വച്ചോളൂ, നീന ഗുപ്തയുടെ സ്പെഷ്യൽ ടിക്കി തയ്യാറാക്കാം
• ഹൽവ പൂപോലെ സോഫ്റ്റാകും ഈ ഒരു ചേരുവ മതി
• പാവയ്ക്ക കറി കയ്പില്ലാതെ കഴിക്കാം, ഇവ ചേർത്തു നോക്കൂ
• ഓവൻ വേണ്ട സ്പോഞ്ച് കേക്ക് ഇനി സിംപിളായി വീട്ടിൽ തയ്യാറാക്കാം
• തേങ്ങ ഇല്ലെങ്കിലും ഇനി നാടൻ രുചിയിൽ തന്നെ കടലക്കറി കഴിക്കാം, ഇങ്ങനെ വേവിച്ചെടുക്കൂ
• ചപ്പാത്തിക്കും ഉച്ചയൂണിനും ഇനി ഈ ഒരു കറി മതി, വഴുതനങ്ങയാണ് താരം
• ഒരു കപ്പ് സോയ ഉണ്ടോ? എങ്കിൽ ദോശ മാവ് ഇങ്ങനെ അരച്ചെടുക്കൂ
• മാവ് അരച്ച് പുളിപ്പിക്കേണ്ട, കണ്ണൂർ സ്പെഷ്യൽ മുട്ടയപ്പം തയ്യാറാക്കാൻ എളുപ്പമാണ്
• സദ്യയിൽ കിട്ടുന്ന അതേ രുചി, കൈതച്ചക്ക ഇങ്ങനെ വേവിച്ചെടുക്കൂ
• മധുരം ഉപേക്ഷിച്ചാലും ഇനി ലഡ്ഡു ആസ്വദിച്ചു കഴിക്കാം
• മസാലപ്പൊടികൾ മാസങ്ങളോളം കേടുകൂടാതിരിക്കും, ഇങ്ങനെ ചെയ്താൽ മതി