പാവയ്ക്ക കറി കയ്പില്ലാതെ കഴിക്കാം, ഇവ ചേർത്തു നോക്കൂ

തേങ്ങ അരച്ച നാടൻ പുളിങ്കറി ചൂടോടെ ചോറിനൊപ്പം കഴിച്ചിട്ടുണ്ടോ?. ഇനിയും വൈകിയിട്ടില്ല, ട്രൈ ചെയ്യാം. ഒരോ പ്രദേശങ്ങളിലും വ്യത്യസ്ത രീതിയിൽ ആണ് പുളിങ്കറി തയ്യാറാക്കാറുള്ളത്. പച്ചക്കറികൾ ചേർത്തും, തേങ്ങ  വറുത്തരച്ചും, മധ്യ തിരുവിതാംകൂറിലെ പോലെ ഇവയൊന്നും ചേർക്കാതെയും പാകം ചെയ്യാം.

വ്യത്യസ്തമായ രുചി ഭേദങ്ങളാണ് ഒരു കറിക്കു തന്നെയുള്ളത്. എന്നാൽ ഇനി പാവയ്ക്ക ചേർത്ത് പുളങ്കറി തയ്യാറാക്കി നോക്കൂ. പാവയ്ക്ക് എന്ന് കേൾക്കുമ്പോൾ തന്നെ കയ്ച്ചിട്ട് കഴിക്കാൻ പറ്റില്ലെല്ലോ എന്ന് ചിന്തിക്കേണ്ട. ഇനി പാവയ്ക്ക കയ്പ് അറിയാതെ കഴിക്കാം.  ഐശ്വര്യ രാജ് തൻ്റെ ഇൻസ്റ്റഗ്രാം പേജിലൂടെയാണ് പാവയ്ക്ക പുളിങ്കറി തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• പാവയ്ക്ക
• ഉപ്പ്
• മഞ്ഞൾപ്പൊടി
• എണ്ണ
• കടുക്
• വെളുത്തുള്ളി
• വറ്റൽമുളക്
• സവാള
• പച്ചമുളക്
• തക്കാളി
• മുളകുപൊടി
• കാശ്മീരിമുളകുപൊടി
• മല്ലിപ്പൊടി
• കായപ്പൊടി
• വാളൻപുളി
• ശർക്കര

View this post on Instagram

A post shared by Aiswarya Raj (@mommycooltales_aishu)

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കുക അതിലേക്ക് പാവയ്ക്ക കട്ടി കുറച്ച് വട്ടത്തിൽ അരിഞ്ഞതു ചേർക്കാം.
• കുറച്ച് ഉപ്പും, മഞ്ഞൾപ്പൊടിയും ചേർത്ത് പാവയ്ക്ക നന്നായി വേവിച്ച് മാറ്റി വയ്ക്കാം.
  അതേ പാനിലേയ്ക്ക് കുറച്ചു കൂടി വെളിച്ചെണ്ണ ഒഴിക്കാം.
• അൽപം കടുക് ചേർത്ത് പൊട്ടിക്കാം.
• കുറച്ച് വറ്റൽമുളകും, വെളുത്തുള്ളിയും ചേർത്തു വഴറ്റാം.
• ഇടത്തരം വലിപ്പമുള്ള സവാള കഷ്ണങ്ങളാക്കിയതും രണ്ട് പച്ചമുളകും ചേർത്തു വേവിക്കാം.
• പച്ചക്കറികൾ വെന്തു വരുമ്പോൾ തക്കാളി ഉടച്ചെടുത്തതു ചേർത്തിളക്കാം.
• വെന്തു വരുമ്പോൾ അൽപ്പം മഞ്ഞൾപ്പൊടി, കാശ്മീരിമുളകുപൊടി, സാധാരണ മുളകുപൊടി, രണ്ട് ടേബിൾസ്പൂൺ മല്ലിപ്പൊടി, അൽപ്പം കായപ്പൊടിയും ചേർത്തിളക്കി യോജിപ്പിക്കാം.
• വേവിച്ചു മാറ്റി വച്ച പാവയ്ക്ക് അതിലേക്കു ചേർക്കാം.
• നെല്ലിക്ക വലിപ്പത്തിലുള്ള വാളൻപുളി വെള്ളത്തിൽ കുതിർത്തു വച്ചതു ചേർത്ത് മസാലകളെല്ലാം ഇളക്കി യോജിപ്പിക്കാം.
• പത്ത് മുതൽ പതിനഞ്ച് മിനിറ്റു വരെ വേവിക്കാം.
• തിളച്ചു വരുമ്പോൾ അടുപ്പണച്ച് അൽപ്പം കറിവേപ്പില കൂടി ചേർക്കാം. പാവയ്ക്ക പുളിങ്കറി തയ്യാറായിരിക്കുന്നു. 

Read More:

• ഓവൻ വേണ്ട സ്പോഞ്ച് കേക്ക് ഇനി സിംപിളായി വീട്ടിൽ തയ്യാറാക്കാം
• തേങ്ങ ഇല്ലെങ്കിലും ഇനി നാടൻ രുചിയിൽ തന്നെ കടലക്കറി കഴിക്കാം, ഇങ്ങനെ വേവിച്ചെടുക്കൂ
• ചപ്പാത്തിക്കും ഉച്ചയൂണിനും ഇനി ഈ ഒരു കറി മതി, വഴുതനങ്ങയാണ് താരം
• ഒരു കപ്പ് സോയ ഉണ്ടോ? എങ്കിൽ ദോശ മാവ് ഇങ്ങനെ അരച്ചെടുക്കൂ
• മാവ് അരച്ച് പുളിപ്പിക്കേണ്ട, കണ്ണൂർ സ്പെഷ്യൽ മുട്ടയപ്പം തയ്യാറാക്കാൻ എളുപ്പമാണ്
• സദ്യയിൽ കിട്ടുന്ന അതേ രുചി, കൈതച്ചക്ക ഇങ്ങനെ വേവിച്ചെടുക്കൂ
• മധുരം ഉപേക്ഷിച്ചാലും ഇനി ലഡ്ഡു ആസ്വദിച്ചു കഴിക്കാം
• മസാലപ്പൊടികൾ മാസങ്ങളോളം കേടുകൂടാതിരിക്കും, ഇങ്ങനെ ചെയ്താൽ മതി
• ഗോതമ്പും മൈദയും വേണ്ട, ചപ്പാത്തി പൂപോലെ സോഫ്റ്റാകാൻ ഈ ധാന്യപ്പൊടി ഉപയോഗിക്കാം
• കൊടും ചൂടിൽ കൂളാകാൻ രസകരമായൊരു മാമ്പഴം ലെസ്സി
• ഈ മുട്ട ബജ്ജി തയ്യാറാക്കാൻ എളുപ്പമാണ്
• അടുക്കളയിൽ നിന്നും പാറ്റയെ തുരത്താൻ ഈ നുറുങ്ങു വിദ്യകൾ മതിയാകും