ഒരു ബൗൾ വേവിച്ച ചോറ് മാറ്റി വച്ചോളൂ, നീന ഗുപ്തയുടെ സ്പെഷ്യൽ ടിക്കി തയ്യാറാക്കാം

സെലിബ്രെറ്റി കിച്ചൺ റെസിപ്പികൾ ഏവരും ആകാംക്ഷയോടെ ശ്രദ്ധിക്കാറുണ്ട്. ഇപ്പോഴിതാ ബോളിവുഡ് നടിയും സംവിധായകയുമായ നീന ഗുപ്ത തൻ്റെ സോഷ്യൽ മീഡിയ പേജിലൂടെയാണ് ഒരു ഇൻസ്റ്റൻ്റ്  ടിക്കി റെസിപ്പി പരിചയപ്പെടുത്തി തരുന്നത്. അടുക്കളയിൽ ബാക്കിയാകുന്ന ചോറ് എങ്ങനെ പുനരുപയോഗിക്കാം എന്നതിന് മികച്ച ഓപ്ഷനാണ് നീനയുടെ ഈ റെസിപ്പി. അടുക്കളയിൽ സുലഭമായ ഏതാനും ചേരുവകൾ ഉപയോഗിച്ച് ചോറ് ഒരടിപൊളി പലഹാരമാക്കി മാറ്റാം. 

ചേരുവകൾ

• റവ
• കാരറ്റ്
• യോഗർട്ട്
• വെളുത്തുള്ളി
• ഉള്ളി
• ചാട് മസാല
• ഉപ്പ്
• മല്ലിയില
• മുളക്

View this post on Instagram

A post shared by Neena Gupta (@neena_gupta)

തയ്യാറാക്കുന്ന വിധം

• വേവിച്ച ചോറിൽ നിന്നും അൽപം ഒരു ബൗളിലെടുക്കാം.
• അതിലേയ്ക്ക് കുറച്ച് റവ ചേർക്കാം. ഒപ്പം കാരറ്റ് ഗ്രേറ്റ് ചെയ്തതും, പച്ചമുളകും, മല്ലിയിലയും, സവാളയും ചെറുതായി അരിഞ്ഞതും ചേർത്തിളക്കി യോജിപ്പിക്കാം.
• കൂടുതൽ രുചികരമാക്കാൻ അൽപം ചാട്മസാലയും, ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• ഇതിലേയ്ക്ക് പുളിയില്ലാത്ത കട്ടത്തൈരും ചേർക്കാം. ശേഷം 20 മിനിറ്റ് അടച്ച് മാറ്റി വയ്ക്കാം.
• അടി കട്ടിയുള്ള ഒരു പാൻ​ അടുപ്പിൽ വച്ച് വെളിച്ചെണ്ണ ഒഴിക്കാം.
• ചോറ് കുഴച്ചു വച്ചിരിക്കുന്നതിൽ നിന്നും അൽപം വീതം എടുത്ത് ചെറിയ ഉരുളകളാക്കി ടിക്കി പോലെ പരത്തിയെടുക്കാം.
• ഇത് ചൂടായ എണ്ണയിൽ ചേർത്ത് വറുത്തെടുക്കാം.
• ലഭ്യത അനുസരിച്ച് ചേരുവകളിൽ മാറ്റം വരുത്താം. ഈ ടിക്കി ചൂടോടെ കഴിക്കുന്നതാണ് നല്ലത്. 

Read More:

• ഹൽവ പൂപോലെ സോഫ്റ്റാകും ഈ ഒരു ചേരുവ മതി
• പാവയ്ക്ക കറി കയ്പില്ലാതെ കഴിക്കാം, ഇവ ചേർത്തു നോക്കൂ
• ഓവൻ വേണ്ട സ്പോഞ്ച് കേക്ക് ഇനി സിംപിളായി വീട്ടിൽ തയ്യാറാക്കാം
• തേങ്ങ ഇല്ലെങ്കിലും ഇനി നാടൻ രുചിയിൽ തന്നെ കടലക്കറി കഴിക്കാം, ഇങ്ങനെ വേവിച്ചെടുക്കൂ
• ചപ്പാത്തിക്കും ഉച്ചയൂണിനും ഇനി ഈ ഒരു കറി മതി, വഴുതനങ്ങയാണ് താരം
• ഒരു കപ്പ് സോയ ഉണ്ടോ? എങ്കിൽ ദോശ മാവ് ഇങ്ങനെ അരച്ചെടുക്കൂ
• മാവ് അരച്ച് പുളിപ്പിക്കേണ്ട, കണ്ണൂർ സ്പെഷ്യൽ മുട്ടയപ്പം തയ്യാറാക്കാൻ എളുപ്പമാണ്
• സദ്യയിൽ കിട്ടുന്ന അതേ രുചി, കൈതച്ചക്ക ഇങ്ങനെ വേവിച്ചെടുക്കൂ
• മധുരം ഉപേക്ഷിച്ചാലും ഇനി ലഡ്ഡു ആസ്വദിച്ചു കഴിക്കാം
• മസാലപ്പൊടികൾ മാസങ്ങളോളം കേടുകൂടാതിരിക്കും, ഇങ്ങനെ ചെയ്താൽ മതി
• ഗോതമ്പും മൈദയും വേണ്ട, ചപ്പാത്തി പൂപോലെ സോഫ്റ്റാകാൻ ഈ ധാന്യപ്പൊടി ഉപയോഗിക്കാം
• കൊടും ചൂടിൽ കൂളാകാൻ രസകരമായൊരു മാമ്പഴം ലെസ്സി