ഹൽവ പൂപോലെ സോഫ്റ്റാകും ഈ ഒരു ചേരുവ മതി

മാമ്പഴ പ്രമികളാണോ? എങ്കിൽ അത് ഉപയോഗിച്ച് വ്യത്യസ്ത രുചിക്കൂട്ടുകൾ പരീക്ഷിച്ചിട്ടുണ്ടാകുമെല്ലോ. ഒരു തവണ മാമ്പഴ ഹൽവ ട്രൈ ചെയ്തു നോക്കൂ. സീസണലായി ലഭിക്കുന്ന പഴമായതിനാൽ ഇപ്പോ തന്നെ തയ്യാറാക്കിയാൽ ഏറെക്കാലം ഈ ഹൽവ കഴിക്കാം. മൈദയോ ജെലാറ്റോയോ ചേർക്കാതെ തന്നെ സോഫ്റ്റായി ഇത് തയ്യാറാക്കാം, വളരെ കുറച്ച് ചേരുവകൾ മതി.

ചേരുവകൾ

• റവ- 1 കപ്പ്
• പഞ്ചസാര- 1/2 കപ്പ്
• മാമ്പഴം- 1
• നെയ്യ്- 2 ടേബിൾസ്പൂൺ
• പാൽ- 1 കപ്പ്
• വെള്ളം- 1.5 കപ്പ്
• നട്സ്- 2 ടേബിൾസ്പൂൺ
• ഉണക്കമുന്തിരി- 1 ടേബിൾസ്പൂൺ
• മാതളനാരങ്ങ- 1 ടേബിൾസ്പൂൺ
• ഏലയ്ക്ക- 4

തയ്യാറാക്കുന്ന വിധം

• നന്നായി പഴുത്ത ഒരു മാമ്പഴം തൊലി കളഞ്ഞ് ചെറിയ കഷ്ണങ്ങളാക്കി അരച്ചെടുക്കാം.
• 4 ഏലയ്ക്ക തൊലി കളഞ്ഞ് പൊടിച്ചെടുക്കാം.
• ഒരു പാൻ അടുപ്പിൽ വച്ച് രണ്ട് ടേബിൾസ്പൂൺ നെയ്യ് ഒഴിച്ച് ചൂടാക്കാം. ഇതിലേയ്ക്ക് റവ ചേർത്തു ചൂടാക്കാം. ഇളം ബ്രൗൺ നിറമാകുമ്പോൾ ഉണക്കമുന്തിരിയും നട്സും ചേർത്തു വേവിക്കാം.
• ഇതിലേയ്ക്ക് തിളപ്പിച്ച വെള്ളം പതിയെ ഒഴിക്കാം.
• ഇടയ്ക്ക് ഇളക്കി കൊടുക്കാൻ മറക്കരുത്.
• ഇതിലേയ്ക്ക് ഒരു കപ്പ് പാലും അര കപ്പ് പഞ്ചസാരയുടെ ചേർത്താം. വെള്ളം വറ്റി കുറുകി വരുന്നതു വരെ നന്നായി ഇളക്കാം.
• കട്ടിയായി തുടങ്ങുമ്പോൾ അരച്ചു വച്ചിരിക്കുന്ന മാമ്പഴം ചേർക്കാം. ഇളക്കികൊടുക്കാം.
• ഇളം ബ്രൗൺ നിറമായി പാനിൽ നിന്നും വിട്ടു പോരുന്ന പരുവമാകുമ്പോൾ അടുപ്പണയ്ക്കാം.
• ശേഷം തീ കുറച്ച് അടച്ചു വച്ച് രണ്ട് മിനിറ്റ് വേവിക്കാം.
• ഇത് ചൂടോടെയോ തണുപ്പിച്ചോ വിളമ്പാം. മുകളിൽ നട്സും മാതളനാരങ്ങയും ചേർക്കാം. 

Read More:

• പാവയ്ക്ക കറി കയ്പില്ലാതെ കഴിക്കാം, ഇവ ചേർത്തു നോക്കൂ
• ഓവൻ വേണ്ട സ്പോഞ്ച് കേക്ക് ഇനി സിംപിളായി വീട്ടിൽ തയ്യാറാക്കാം
• തേങ്ങ ഇല്ലെങ്കിലും ഇനി നാടൻ രുചിയിൽ തന്നെ കടലക്കറി കഴിക്കാം, ഇങ്ങനെ വേവിച്ചെടുക്കൂ
• ചപ്പാത്തിക്കും ഉച്ചയൂണിനും ഇനി ഈ ഒരു കറി മതി, വഴുതനങ്ങയാണ് താരം
• ഒരു കപ്പ് സോയ ഉണ്ടോ? എങ്കിൽ ദോശ മാവ് ഇങ്ങനെ അരച്ചെടുക്കൂ
• മാവ് അരച്ച് പുളിപ്പിക്കേണ്ട, കണ്ണൂർ സ്പെഷ്യൽ മുട്ടയപ്പം തയ്യാറാക്കാൻ എളുപ്പമാണ്
• സദ്യയിൽ കിട്ടുന്ന അതേ രുചി, കൈതച്ചക്ക ഇങ്ങനെ വേവിച്ചെടുക്കൂ
• മധുരം ഉപേക്ഷിച്ചാലും ഇനി ലഡ്ഡു ആസ്വദിച്ചു കഴിക്കാം
• മസാലപ്പൊടികൾ മാസങ്ങളോളം കേടുകൂടാതിരിക്കും, ഇങ്ങനെ ചെയ്താൽ മതി
• ഗോതമ്പും മൈദയും വേണ്ട, ചപ്പാത്തി പൂപോലെ സോഫ്റ്റാകാൻ ഈ ധാന്യപ്പൊടി ഉപയോഗിക്കാം
• കൊടും ചൂടിൽ കൂളാകാൻ രസകരമായൊരു മാമ്പഴം ലെസ്സി
• ഈ മുട്ട ബജ്ജി തയ്യാറാക്കാൻ എളുപ്പമാണ്