കോഴിക്കറി മാറി നിൽക്കും, പപ്പായ ഇങ്ങനെ തയ്യാറാക്കിയാൽ

വീടുകളുടെ പറമ്പിൽ സുലഭമായി ലഭിക്കുന്നവയാണ് പപ്പായ. കറിയും, തോരനും, പച്ചടിയും, അച്ചാറും ഇതുപയോഗിച്ച് തയ്യാറാക്കാം. എന്നാൽ ഇതിനോട് പലർക്കും താൽപര്യം കുറവാണ്. എന്നാൽ ആരോഗ്യ ഗുണത്തിൻ്റെ കാര്യത്തിൽ എല്ലായിപ്പോഴും മുൻപന്തിയിൽ തന്നെയാണ് പപ്പായ. ശരീരത്തിൻ്റെയും ചർമ്മത്തിൻ്റെയും ആരോഗ്യത്തിന് സഹായിക്കുന്ന ധാരാളം പോഷകങ്ങൾ ഇതിൽ അടങ്ങിയിട്ടുണ്ട്. കഴിക്കാൻ താൽപര്യം ഇല്ലാത്തവരെ പോലും കൊതിപ്പിക്കുന്ന ഒരു കിടിലൻ കറി ഇതുപയോഗിച്ച് തയ്യാറാക്കാം. 

ചേരുവകൾ

• പപ്പായ-1
• മുളകുപൊടി- 1/2 ടീസ്പൂൺ
• ഉപ്പ്- ആവശ്യത്തിന്
• മഞ്ഞൾപ്പൊടി- 1/2 ടീസ്പൂൺ
• ജീരകം- ആവശ്യത്തിന്
• വെളിച്ചെണ്ണ- 1 ടീസ്പൂൺ
• കറിവേപ്പില- ആവശ്യത്തിന്
• കറുവാപ്പട്ട- 2 കഷ്ണം
• ചുവന്നുള്ളി- 25
• ഇഞ്ചി- ചെറിയ കഷ്ണം
• വെളുത്തുള്ളഇ- 1/4 കപ്പ്
• പച്ചമുളക്- 2
• മഞ്ഞൾപ്പൊടി-
• മല്ലിപ്പൊടി- 2 ടേബിൾസ്പൂൺ
• കാശ്മീരിമുളകുപൊടി- 11/2 ടീസ്പൂൺ
• തക്കാളി- 2
• തേങ്ങ ചിരകിയത്- 1 കപ്പ്
• വെളിച്ചെണ്ണ- 3 ടേബിൾസ്പൂൺ
• വറ്റൽമുളക്- 3

തയ്യാറാക്കുന്ന വിധം

• പപ്പായ തൊലി കളഞ്ഞ് ചെറിയ കഷ്ണങ്ങളാക്കിയെടുക്കാം.
• അതിലേയ്ക്ക് മുളകുപൊടി, മഞ്ഞൾപ്പൊടി, ഉപ്പ്, കറിവേപ്പില, വെളിച്ചെണ്ണ എന്നിവ ചേർത്തിളക്കി യോജിപ്പിച്ച് അൽപ സമയം മാറ്റി വയ്ക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. വെളിച്ചെണ്ണ ചൂടാകുമ്പോൾ കറുവാപ്പട്ട, ചുവന്നുള്ളി, പച്ചമുളക്, ഇഞ്ചി, വെളുത്തുള്ളി എന്നിവ ചേർത്തു വഴറ്റാം.
• ബ്രൗൺ നിറമാകുന്നതു വരെ ഇളക്കി കൊടുക്കാം.
• ശേഷം മല്ലിപ്പൊടി, കാശ്മീരി മുളകുപൊടി, മഞ്ഞൾപ്പൊടി എന്നിവയും ചേർക്കാം.
• ഇതിലേയ്ക്ക് തക്കാളി കഷ്ണങ്ങൾ കൂടി ചേർത്തു വേവിക്കാം.
• മാറ്റി വച്ചിരിക്കുന്ന പപ്പായ ഉടച്ച് ഇതിലേയ്ക്കു ചേർക്കാം. ഒപ്പം അര കപ്പ് വെള്ളം കൂടി ഒഴിച്ച് വേവിക്കാം.
• ഇതേ സമയം മിക്സിയിൽ കുറച്ച് തേങ്ങ ചിരകിയതും, ചുവന്നുള്ളിയും, ജീരകവും ഉപ്പും ആവശ്യത്തിന് വെള്ളം ഒഴിച്ച് അരച്ചെടുക്കാം.
• തിളച്ചു വരുന്ന കറിയിലേയ്ക്ക് ഈ അരപ്പ് ചേർത്തിളക്കി യോജിപ്പിക്കാം. അൽപ സമയത്തിനു ശേഷം അടുപ്പണയ്ക്കാം.
• ഒരു പാനിൽ വെളിച്ചെണ്ണ ഒഴിച്ചു ചൂടാക്കി കടുക് വറ്റൽമുളക്, കറിവേപ്പില ചുവന്നുള്ളി ചെറുതായി അരിഞ്ഞത് എന്നിവ ചേർത്തു വറുക്കാം. ഇത് കറിയിലേയ്ക്ക് ഒഴിക്കാം. 

Read More:

• വേനൽക്കാലത്ത് ചൂടിനെ നേരിടാൻ സ്മൂത്തി ബൗളുകൾ ശീലമാക്കാം
• ഡയറ്റിലാണോ? എങ്കിൽ ബ്രേക്ക്ഫാസ്റ്റ് ഹെൽത്തിയാക്കാൻ ഈ സ്പെഷ്യൽ ഇഡ്ഡലി ട്രൈ ചെയ്യൂ
• പൊള്ളുന്ന ചൂടിൽ കൂളായിരിക്കാൻ അവൽ മിൽക്ക് കുടിക്കൂ
• വണ്ണം കുറയ്ക്കാനുള്ള തയ്യാറെടുപ്പിലാണോ? ഭക്ഷണത്തിനൊപ്പം ഈ സാലഡ് കൂടി ശീലമാക്കൂ
• തട്ടുകട സ്റ്റൈലിലൊരു തക്കാളി റോസ്റ്റ് തയ്യാറാക്കാം 5 മിനിറ്റിൽ
• അരിപ്പൊടിയും ഗോതമ്പ് പൊടിയും ഉപയോഗിക്കാതെ ഇലയട രുചികരമാക്കാൻ ഇത് ചേർക്കൂ
• അരിപ്പൊടിയും തേങ്ങയും ഉണ്ടെങ്കിൽ ഈ കൂർഗ് വിഭവം തയ്യാറാക്കാം
• വയറു നിറച്ചുണ്ണാൻ ഉണക്ക ചെമ്മീൻ ഉലർത്തിയത് മാത്രം മതി
• പുളിയും മധുരവും എരിവും കലർന്ന മാമ്പഴക്കറി കഴിച്ചിട്ടുണ്ടോ? സൊയമ്പൻ രുചിയാണ്
• അരിയും ഉഴുന്നും ചേർക്കാതെ 5 മിനിറ്റിൽ പഞ്ഞിപോലുള്ള ദോശ ചുട്ടെടുക്കാം
• കട്ടൻ ചായക്കൊപ്പം ആവി പറക്കും കുമ്പിളപ്പവും, നാടൻ രുചി അറിയാൻ