അരിപ്പൊടിയും തേങ്ങയും ഉണ്ടെങ്കിൽ ഈ കൂർഗ് വിഭവം തയ്യാറാക്കാം

അരിപ്പൊടി കുഴച്ച് ഉരുട്ടിയെടുത്ത് ഉള്ളിൽ തേങ്ങയും ശർക്കരയും വയ്ക്കുന്നതാണ് കൊഴുക്കട്ട. ഇതിനോട് സമാനത തോന്നുന്ന കൂർഗിൻ്റെ ട്രെഡീഷ്ണൽ രുചിക്കൂട്ടാണ് കടമ്പുട്ട്. ആഘോഷവേളകിൽ പ്രാദേശികമായി ഇത് തയ്യാറാക്കാറുണ്ട്.

അരിപ്പൊടിയും തേങ്ങയും തന്നെയാണ് പ്രധാന ചേരുവകൾ. ശർക്കരയോ ഏലയ്ക്കയോ ആവശ്യമില്ല. തേങ്ങയുടെ മധുരമാണ് ഇതിൻ്റെ രുചി. മലബാർ സ്പെഷ്യൽ പിടി കഴിക്കുന്നതു പോലെ കടമ്പുട്ട് ചിക്കൻ കറിക്കൊപ്പമോ വെജിറ്റബിൾ കുറുമയോടൊപ്പമോ കഴിക്കാം. ശശികല തൻ്റെ സോഷ്യൽ മീഡിയ പേജിലൂടെയാണ് ഈ കൂർഗ് വിഭവം പരിചയപ്പെടുത്തി തരുന്നത്. 

ചേരുവകൾ

• അരിപ്പൊടി- 1 ഗ്ലാസ്
• നെയ്യ്- 1 ടീസ്പൂൺ
• വെള്ളം- 1.5 ഗ്ലാസ്
• തേങ്ങ ചിരകിയത്- ആവശ്യത്തിന്

View this post on Instagram

A post shared by Through Kala’s Window (@sasikalaullas)

തയ്യാറാക്കുന്ന വിധം

• അടി കട്ടിയുള്ള ഒരു പാത്രത്തിൽ ഒന്നര ഗ്ലാസ് വെള്ളമെടുക്കാം.
• അതിലേയ്ക്ക് ഒരു നുള്ള് ഉപ്പും ഒരു ടീസ്പൂൺ നെയ്യും ചേർത്ത് തിളപ്പിക്കാം.
• വെള്ളം നന്നായി തിളച്ചു വരുമ്പോൾ ഒരു ഗ്ലാസ് അരിപ്പൊടി ചേർക്കാം. അൽപ സമയം അടച്ചു വയ്ക്കാം.
• വെള്ളം വറ്റി തുടങ്ങുമ്പോൾ തേങ്ങ ചിരകിയതിൽ നിന്ന് കുറച്ചു ചേർത്ത് നന്നായി ഇളക്കി യോജിപ്പിക്കാം. അരിപ്പൊടി സോഫ്റ്റാകുന്നതു വരെ ഇളക്കാം.
• ശേഷം അടുപ്പണച്ച് തണുക്കാൻ വയ്ക്കാം.
• കൈയ്യിൽ കുറച്ച് വെളിച്ചെണ്ണ പുരട്ടി മാവിൽ നിന്നും അൽപമെടുത്ത് ചെറിയ ഉരുളകളാക്കാം. അത് തേങ്ങ ചിരകിയതിൽ മുക്കിയെടുക്കാം.
• ഈ ഉരുളകൾ ഇഡ്ഡലി പാത്രത്തിൽ വച്ച് ആവിയിൽ വേവിച്ചെടുക്കാം.
• ഇത് ചൂടോടെ കഴിച്ചു നോക്കൂ. ചിക്കൻ കറിക്കൊപ്പം നല്ലൊരു കോമ്പിനേഷനാണിത്. 

Read More

• വയറു നിറച്ചുണ്ണാൻ ഉണക്ക ചെമ്മീൻ ഉലർത്തിയത് മാത്രം മതി
• പുളിയും മധുരവും എരിവും കലർന്ന മാമ്പഴക്കറി കഴിച്ചിട്ടുണ്ടോ? സൊയമ്പൻ രുചിയാണ്
• അരിയും ഉഴുന്നും ചേർക്കാതെ 5 മിനിറ്റിൽ പഞ്ഞിപോലുള്ള ദോശ ചുട്ടെടുക്കാം
• കട്ടൻ ചായക്കൊപ്പം ആവി പറക്കും കുമ്പിളപ്പവും, നാടൻ രുചി അറിയാൻ ഇതിലും നല്ല കോമ്പിനേഷനില്ല
• മത്തൻ ഇല കൊണ്ടുള്ള എരിശ്ശേരി കഴിച്ചിട്ടുണ്ടോ? കറികളിൽ ഇതു തന്നെ കേമം
• പെരിപെരി മസാല ഇനി വീട്ടിൽ തയ്യാറാക്കാം, സിംപിളാണ് റെസിപ്പി
• ശരീരഭാരം കുറയ്ക്കാം ചൂടിനെ പ്രതിരോധിക്കാം, മാമ്പഴം കൊണ്ടുള്ള ഈ സാലഡ് ശീലമാക്കൂ
• പുളിശ്ശേരിയല്ല, മാമ്പഴം ചേർത്ത നാടൻ മോര് കറിയാണ്:തയ്യാറാക്കിനോക്കൂ
• കടലക്കറിക്ക് രൂചികൂട്ടാൻ ഈ മസാല ചേർത്തു നോക്കൂ
• തൈരില്ലെങ്കിലും ഇനി സൊയമ്പൻ സംഭാരം തയ്യാറാക്കാം, പച്ചമാങ്ങ കൈയ്യിലുണ്ടോ?
• കൂൺ ഇതുപോലെ തയ്യാറാക്കിയാൽ ബ്രേക്ക്ഫാസ്റ്റിനും ഊണിനും മറ്റൊരു കറി വേണ്ട
• രണ്ട് ചെറുനാരങ്ങ ഉണ്ടെങ്കിൽ ഉന്മേഷം പകരും മിൻ്റ് ലൈം മിനിറ്റുകൾക്കുള്ളിൽ റെഡിയാക്കാം