അരിപ്പൊടിയും ഗോതമ്പ് പൊടിയും ഉപയോഗിക്കാതെ ഇലയട രുചികരമാക്കാൻ ഇത് ചേർക്കൂ

മലയാളികളുടെ നാടൻ പലഹാരങ്ങളിൽ കൊതി തോന്നിപ്പിക്കുന്നതാണ് ഇലയട. അരിപ്പൊടിയും ഗോതമ്പും ഉപയോഗിച്ചാണ് സാധാരണ ഇത് തയ്യാറാക്കാറുള്ളത്. അടയുടെ ഉള്ളിൽ രുചികൂട്ടാൻ ശർക്കരയും തേങ്ങയും വച്ചിട്ടുണ്ടാകും. വാഴയിലയുടെയും തേങ്ങയുടെയും ശർക്കരയുടെയും രുചികലർന്ന ആവിപറക്കുന്ന ഇലയട ഓർമയിൽ തന്നെ കൊതിപ്പിക്കും. ഇതൊന്നുമില്ലെങ്കിലും കൊതിതീർക്കാൻ ഇലയട വളരെ സിംപിളായി തയ്യാറാക്കാം. റവയും ശർക്കരയും കൈയ്യിലുണ്ടെങ്കിൽ ഷംന ഹമീദിൻ്റെ ഈ റെസിപ്പി ട്രൈ ചെയ്തു നോക്കൂ.

ചേരുവകൾ

• ശർക്കര- 3
• വെള്ളം- 1 കപ്പ്
• തേങ്ങ- 1/2 കപ്പ്
• നേന്ത്രപ്പഴം- 1/2 കപ്പ്
• റവ- 1കപ്പ്
• ബദാം- ആവശ്യത്തിന്
• ഉണക്കമുന്തിരി- ആവശ്യത്തിന്
• നെയ്യ്- 1ടേബിൾസ്പൂൺ
• വാഴയില- ആവശ്യത്തിന്
• ഏലയ്ക്കപ്പൊടി- 1/2 ടീസ്പൂൺ
• ഉപ്പ്- ആവശ്യത്തിന്
• അരിപ്പൊടി- 2ടേബിൾസ്പൂൺ

View this post on Instagram

A post shared by Shamna Hameed (@amisyummytreats)

തയ്യാറാക്കുന്ന വിധം

• മൂന്ന് വലിയ കഷ്ണം ശർക്കരയോടൊപ്പം ഒരു കപ്പ് വെള്ളം ഒഴിച്ച് അടുപ്പിൽ വച്ച് അലിയിച്ചെടുക്കാം.
• വെള്ളം വറ്റി ശർക്കര നന്നായി അലിഞ്ഞതിനു ശേഷം അര കപ്പ് തേങ്ങ ചിരകിയതു ചേർത്തിളക്കി യോജിപ്പിക്കാം.
• നന്നായി പഴുത്ത നേന്ത്രപ്പഴം ചെറിയ കഷ്ണങ്ങളാക്കിയതും, അര ടീസ്പൂൺ ഏലയ്ക്കപ്പൊടിയും ഒരു നുള്ള് ഉപ്പും ചേർത്തിളക്കാം.
• അടുപ്പണച്ചതിനു ശേഷം അതിലേയ്ക്ക് ഒരു കപ്പ് വറുത്ത റവയും രണ്ട് ടേബിൾസ്പൂൺ അരിപ്പൊടിയും ചേർത്തിളക്കാം.
• ഒരു പാൻ അടുപ്പിൽ വച്ച് നെയ്യ് ചേർത്തു ചൂടാക്കാം.
• ചൂടായ എണ്ണയിൽ ബദാമും ഉണക്കമുന്തിരിയും വറുത്തെടുക്കാം.
• ഇതും റവയിലേയ്ക്കു ചേർത്തിളക്കി യോജിപ്പിക്കാം.
• വാഴയില ചെറിയ തീയിൽ വാട്ടി എടുത്ത് മാവിൽ നിന്നും കുറച്ച് അതിനുള്ളിൽ വച്ച് പരത്താം. ശേഷം വാഴയില അടച്ച് ആവിയിൽ വച്ചു വേവിച്ചെടുക്കാം. 

Read More

• അരിപ്പൊടിയും തേങ്ങയും ഉണ്ടെങ്കിൽ ഈ കൂർഗ് വിഭവം തയ്യാറാക്കാം
• വയറു നിറച്ചുണ്ണാൻ ഉണക്ക ചെമ്മീൻ ഉലർത്തിയത് മാത്രം മതി
• പുളിയും മധുരവും എരിവും കലർന്ന മാമ്പഴക്കറി കഴിച്ചിട്ടുണ്ടോ? സൊയമ്പൻ രുചിയാണ്
• അരിയും ഉഴുന്നും ചേർക്കാതെ 5 മിനിറ്റിൽ പഞ്ഞിപോലുള്ള ദോശ ചുട്ടെടുക്കാം
• കട്ടൻ ചായക്കൊപ്പം ആവി പറക്കും കുമ്പിളപ്പവും, നാടൻ രുചി അറിയാൻ ഇതിലും നല്ല കോമ്പിനേഷനില്ല
• മത്തൻ ഇല കൊണ്ടുള്ള എരിശ്ശേരി കഴിച്ചിട്ടുണ്ടോ? കറികളിൽ ഇതു തന്നെ കേമം
• പെരിപെരി മസാല ഇനി വീട്ടിൽ തയ്യാറാക്കാം, സിംപിളാണ് റെസിപ്പി
• ശരീരഭാരം കുറയ്ക്കാം ചൂടിനെ പ്രതിരോധിക്കാം, മാമ്പഴം കൊണ്ടുള്ള ഈ സാലഡ് ശീലമാക്കൂ