ബാക്കി വന്ന ചോറ് കളയരുതേ...വൈകിട്ട് ചായക്കൊപ്പം കറുമുറു കഴിക്കാൻ സ്നാക്സ് തയ്യാറാക്കാം

അടുക്കളയിലെ പ്രധാന പ്രശ്നങ്ങളിൽ ഒന്നാണ് ബാക്കി വന്ന ഭക്ഷണങ്ങൾ. അവ വെറുതെ കളയാതെ പലരീതിയിൽ പുനരുപയോഗിക്കാൻ സാധിക്കും. പ്രാധാനമായും ചോറ് അത്തരത്തിലൊന്നാണ്. പലരും ഉച്ചയ്ക്ക് ഊണിന് മാത്രമാണ് ചോറ് കഴിക്കാറുള്ളത്. ബാക്കി വരുന്നത് വീണ്ടും ഫ്രിഡ്ജിൽ സൂക്ഷിക്കുന്നത് അത്ര ഗുണകരമല്ല. പകരം അതേ ദിവസം തന്നെ വൈകിട്ടോ രാത്രിയിലോ മറ്റ് വിഭവങ്ങളാക്കി മാറ്റാം. 

ബാക്കി വന്ന ചോറ് ഉപയോഗിച്ച് വളരെ എളുപ്പം തയ്യാറാക്കാവുന്ന ഒരു ക്രിസ്പി സ്നാക് റെസിപ്പി പരിചയപ്പെടാം. ലഭ്യമായ പച്ചക്കറികളും മസാലപ്പൊടികളും ഇതിനു മതിയാകും. ഐശ്വര്യ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• വേവിച്ച ചോറ്- 1 കപ്പ്
• ഉരുളക്കിഴങ്ങ്- 2
• സവാള- 1/4 കപ്പ്
• കാരറ്റ്- 1/4 കപ്പ്
• ക്യാപ്സിക്കം- 1/4 കപ്പ്
• ഉപ്പ്- ആവശ്യത്തിന്
• കുരുമുളക്- 1/2 ടേബിൾസ്പൂൺ
• വെളുത്തുള്ളി പൊടിച്ചത്- 1/2 ടേബിൾസ്പൂൺ
• കോൺഫ്ലോർ- 3 ടേബിൾസ്പൂൺ

View this post on Instagram

A post shared by Aishwarya sonvane (@myflavourfuljourney)

തയ്യാറാക്കുന്ന വിധം

• ഒരു ചെറിയ ബൗളിലേയ്ക്ക് ബാക്കി വന്ന ചോറിൽ നിന്ന് ഒരു കപ്പെടുക്കാം.
• ഇതിലേയ്ക്ക് ചെറുതായി അരിഞ്ഞ സവാള, ക്യാപ്സിക്കം, കാരറ്റ്, എന്നിവ കാൽ കപ്പ് ചേർക്കാം.
• ഇടത്തരം വലിപ്പമുള്ള രണ്ട് ഉരുളക്കിഴങ്ങ് വേവിച്ച് ഉടയ്ക്കാം.
• ഇതും ചോറിലേയ്ക്ക് ചേർത്തിളക്കി യോജിപ്പിക്കാം.
• മൂന്ന് ടേബിൾസ്പൂൺ കോൺഫ്ലോർ, ലഭ്യമെങ്കിൽ മോസറില്ല ചീസ് ഗ്രേറ്റ് ചെയ്തതും ചേർക്കാം.
• ആവശ്യത്തിന് ഉപ്പ് കൂടി ചേർത്ത് നന്നായി ഇളക്കാം.
• മറ്റൊരു ബൗളിൽ അര കപ്പ് വെള്ളത്തിലേയ്ക്ക് 4 ടേബിൾസ്പൂൺ കോൺഫ്ലോറെടുത്ത് കലക്കി വയ്ക്കാം.
• ചോറും പച്ചക്കറികളും ഇളക്കി യോജിപ്പിച്ചതിൽ നിന്നും ചെറിയ ഉരുളകൾ ഉരുട്ടിയെടുക്കാം.
• ഇത് കോൺഫ്ലോർ മിശ്രിതത്തിലും, ബ്രെഡ് പൊടിച്ചതിലും മുക്കി വയ്ക്കാം.
• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം.
• എണ്ണ തിളച്ചു വരുമ്പോൾ തീ കുറച്ച് ഉരുളകൾ അതിലേയ്ക്കു ചേർത്ത് വറുത്തെടുക്കാം. മുകളിൽ കുറച്ച് പെരിപെരി മസാല വിതറി ചൂടോടെ കഴിച്ചു നോക്കൂ. 

Read More

• ഈസ്റ്റർ രുചികരമാക്കാൻ കൊതിയൂറും ഫിഷ്മോളി
• പൂപോലെ സോഫ്റ്റ് കള്ളപ്പം വേണോ? എങ്കിൽ ഇങ്ങനെ തയ്യാറാക്കി നോക്കൂ
• പോർക്ക് വരട്ടിയെടുക്കുമ്പോൾ ഇങ്ങനെ ചെയ്തു നോക്കൂ, കിടിലൻ രുചിയാണ്
• പഴം കൈയ്യിലുണ്ടോ? എങ്കിൽ ഈ ഡെസേർട്ട് ട്രൈ ചെയ്യാം
• ചപ്പാത്തി സോഫ്റ്റും ഹെൽത്തിയുമാക്കാൻ ഇതാ ചില നുറുങ്ങു വിദ്യകൾ
• ഈസ്റ്ററിന് ഒരുക്കാം കോഴിയും പിടിയും, റെസിപ്പി സിംപിളാണ്
• മട്ടൺ സ്റ്റ്യൂ കൂടുതൽ രുചികരമാക്കാൻ ഈ ചേരുവകൾ ഉപയോഗിക്കൂ
• ഉരുളക്കിഴങ്ങ് കൊണ്ട് കിടിലൻ പെരിപെരി ചിപ്സ്
• ഏത്തപ്പഴം ഉണ്ടോ? ആരും കൊതിക്കും രുചിയിൽ അപ്പം ഉണ്ടാക്കാം
• ശരീരം കൂളാകും, നാരങ്ങ വെള്ളം ഈ രീതിയിൽ തയ്യാറാക്കി കുടിക്കൂ
• പുട്ട് കഴിക്കാൻ കറിയൊന്നും വേണ്ട, ഏത്തപ്പഴം ഇങ്ങനെ ചേർക്കൂ