ഏത്തപ്പഴം ഉണ്ടോ? ആരും കൊതിക്കും രുചിയിൽ അപ്പം ഉണ്ടാക്കാം

ആരോഗ്യത്തിന് ഏറെ നല്ലതാണ് ഏത്തപ്പഴം. നിറയെ പോഷകങ്ങൾ ഇതിൽ അടങ്ങിയിട്ടുണ്ട്. ഏത്തപ്പഴം കൊണ്ട് വളരെ എളുപ്പത്തിൽ അപ്പം ഉണ്ടാക്കാനാകും. കുട്ടികൾക്കു മുതൽ വലിയവർക്കുവരെ ഇഷ്ടപ്പെടുന്ന ഈ അപ്പം തയ്യാറാക്കാൻ വളരെ കുറച്ച് ചേരുവകൾ മതിയാകും. വളരെ കുറച്ച് സമയം കൊണ്ടുതന്നെ തയ്യാറാക്കാവുന്ന ഈ പലഹാരം രുചിയിൽ ആരെയും കൊതിപ്പിക്കും. ഷീബാസ് റെസിപ്പി എന്ന യൂട്യൂബ് ചാനലാണ് ഈ അപ്പത്തിന്റെ റെസിപ്പി പരിചയപ്പെടുത്തി തരുന്നത്. 

ചേരുവകൾ

• ഏത്തപ്പഴം - വലുത് 1 എണ്ണം
• ശർക്കര - മുക്കാൽ കപ്പ്
• റവ - അര കപ്പ്
• പുട്ടുപൊടി - അര കപ്പ്
• തേങ്ങ ചിരകിയത് - അര കപ്പ്
• ഏലയ്ക്ക പൊടി - അര ടീസ്പൂൺ
• ജീരകം - കാൽ ടീസ്പൂൺ

തയ്യാറാക്കുന്ന വിധം

• ഒരു പാനിലേക്ക് കുറച്ച് നെയ്യ് ഒഴിച്ചു കൊടുക്കുക. ഇതിലേക്ക് ഏത്തപ്പഴം കഷ്ണങ്ങൾ ചേർത്ത് ഇളക്കുക.
• അടച്ച് വച്ച് വേവിക്കുക. അതിനുശേഷം നന്നായി ഉടച്ചെടുക്കുക. ഇതിലേക്ക് ശർക്കര ലായനി ചേർക്കുക.
• നന്നായി ഇളക്കി യോജിപ്പിച്ചശേഷം അരിപ്പൊടിയും റവയും ചേർക്കുക
• ഇതിലേക്ക് തേങ്ങ ചിരകിയതും ഏലയ്ക്ക പൊടിച്ചതും ജീരകം പൊടിച്ചതും ചേർത്ത് മിക്സ് ചെയ്യുക. കട്ടിയായാൽ കുറച്ച് ചൂടുവെള്ളം ചേർക്കുക
• തണുത്തശേഷം വാഴയിലയിൽ കുറച്ച് വച്ച് ചെറുതായി പരത്തി മടക്കി എടുക്കുക
• അതിനുശേഷം ഇഡ്ഡലി പാത്രത്തിൽവച്ച് ആവിയിൽ വേവിച്ചെടുക്കുക

Read More

• ശരീരം കൂളാകും, നാരങ്ങ വെള്ളം ഈ രീതിയിൽ തയ്യാറാക്കി കുടിക്കൂ
• പുട്ട് കഴിക്കാൻ കറിയൊന്നും വേണ്ട, ഏത്തപ്പഴം ഇങ്ങനെ ചേർക്കൂ
• കൊഴുക്കട്ട പൊട്ടിപ്പോകില്ല, സോഫ്റ്റാവാൻ ഈ രീതി ട്രൈ ചെയ്യൂ
• ബീറ്റ്റൂട്ട് കഴിക്കാൻ മടിയാണോ? മണി കൊഴുക്കട്ട തയ്യാറാക്കി കഴിക്കൂ