ചപ്പാത്തി സോഫ്റ്റും ഹെൽത്തിയുമാക്കാൻ ഇതാ ചില നുറുങ്ങു വിദ്യകൾ

ദോശയും ഇഡലിയും വിട്ട് ചപ്പാത്തി പോലെയുള്ളവയിലേയ്ക്ക് നിങ്ങളുടെ ബ്രേക്ക്ഫാസ്റ്റ് വഴിമാറി തുടങ്ങിയോ? നല്ല സോഫ്റ്റ് ചപ്പാത്തി ചുട്ടെടുക്കുക എന്നത് പ്രയാസമേറെയുള്ള കാര്യമാണ്. എത്ര നന്നായി കുഴച്ചെടുത്താലും അത് മയത്തിൽ കിട്ടില്ല.  മയത്തിൽ കിട്ടുന്നത് മാത്രമല്ല അത് ഹെൽത്തി ആയിരിക്കുകയും വേണം. ഗോതമ്പ് പൊടി മാത്രം ചേർത്തത് കൊണ്ട് ചപ്പാത്തി ഹെൽത്തിയാകുമോ? എന്നാൽ ഇത്തരം സാഹചര്യങ്ങളിൽ നിങ്ങളെ സഹായിച്ചേക്കാവുന്ന ചില വിദ്യകളുണ്ട്.  അവ പരിചയപ്പെടാം. നല്ല സോഫ്റ്റും ഹെൽത്തിയുമായ ചപ്പാത്തി മിനിറ്റുകൾക്കുള്ളിൽ ചുട്ടെടുക്കാം. 

പാലക് ചപ്പാത്തി

ചേരുവകൾ

• പാലക് ചീര
• ഗോതമ്പ് പൊടി
• മല്ലിയില
• വെളുത്തുള്ളി
• ഇഞ്ചി
• ചീസ്
• വെള്ളം
• ഉപ്പ്
• എണ്ണ

View this post on Instagram

A post shared by Arti Rout (Maple Kitchen) (@maplekitchenofficial)

തയ്യാറാക്കുന്ന വിധം

• പാലക് ചീരയിലേയ്ക്ക് മല്ലിയില ചെറുതായി അരിഞ്ഞത്, ചെറിയ കഷ്ണം ഇഞ്ചി, ആവശ്യത്തിന് വെളുത്തുള്ളി, ചീസ് എന്നിവ ചേർത്ത് അൽപം വെള്ളവും ഒഴിച്ച് നന്നായി അരച്ചെടുക്കാം.
• ഇത് മറ്റൊരു ബൗളിലേയ്ക്ക് അരിച്ചെടുക്കാം.
•  ഇതിലേയ്ക്ക് ഗോതമ്പ് പൊടിയും ഉപ്പും, ചേർത്തിളക്കാം.
• മാവ് കട്ടിയായി തുടങ്ങുമ്പോൾ കുറച്ച് വെളിച്ചെണ്ണ ചേർത്ത് ഉരുട്ടിയെടുക്കാം.
• ഈ മാവ് അൽപ സമയം മാറ്റി വയ്ക്കാം.
• ശേഷം ചെറിയ ഉരുളകളാക്കി പരത്തിയെടുക്കാം. ചൂടായ പാനിൽ വച്ച് ചപ്പാത്തി ചുട്ടെടുക്കാം.

ബീറ്റ്റൂട്ട് ചപ്പാത്തി

ചേരുവകൾ

• ബീറ്റ്റൂട്ട്
• ഗോതമ്പ് പൊടി
• ഉപ്പ്
• വെള്ളം
• ഒലിവ് എണ്ണ

View this post on Instagram

A post shared by Arti Rout (Maple Kitchen) (@maplekitchenofficial)

തയ്യാറാക്കുന്ന വിധം

• ഒരു ബീറ്റ്റൂട്ട് തൊലി കളഞ്ഞ്  ചെറിയ കഷ്ണങ്ങളാക്കി അരിഞ്ഞെടുക്കാം.
• ഇത് നന്നായി അരച്ച് ബീറ്റ്റൂട്ട് ജ്യൂസ് അരിച്ചെടുക്കാം.
• ഈ ജ്യൂസിലേയ്ക്ക് ഗോതമ്പ് പൊടിയും ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• മാവ് പരുവമായി വരുമ്പോൾ കുറച്ച് എണ്ണ പുരട്ടി അൽപ സമയം മാറ്റി വയ്ക്കാം.
• ശേഷം ചെറിയ ഉരുളകളാക്കി പരത്തിയെടുക്കാം.
• ചൂടായ പാനിൽ വച്ച് ചപ്പാത്തി ചുട്ടെടുക്കാം.

Read More

• ഈസ്റ്ററിന് ഒരുക്കാം കോഴിയും പിടിയും, റെസിപ്പി സിംപിളാണ്
• മട്ടൺ സ്റ്റ്യൂ കൂടുതൽ രുചികരമാക്കാൻ ഈ ചേരുവകൾ ഉപയോഗിക്കൂ
• ഉരുളക്കിഴങ്ങ് കൊണ്ട് കിടിലൻ പെരിപെരി ചിപ്സ്
• ഏത്തപ്പഴം ഉണ്ടോ? ആരും കൊതിക്കും രുചിയിൽ അപ്പം ഉണ്ടാക്കാം
• ശരീരം കൂളാകും, നാരങ്ങ വെള്ളം ഈ രീതിയിൽ തയ്യാറാക്കി കുടിക്കൂ
• പുട്ട് കഴിക്കാൻ കറിയൊന്നും വേണ്ട, ഏത്തപ്പഴം ഇങ്ങനെ ചേർക്കൂ