ഈസ്റ്ററിന് ഒരുക്കാം കോഴിയും പിടിയും, റെസിപ്പി സിംപിളാണ്

ക്രിസ്മസ് കാലങ്ങളിൽ, പ്രധാനമായും ഈസ്റ്ററിന് കോട്ടയംകാരുടെ സ്പെഷ്യൽ വിഭവമാണ് ആവി പാറുന്ന പിടിയും കോഴിക്കറിയും. കുറുക്കിയെടുത്ത അരിപ്പൊടിയിൽ മുങ്ങി കിടക്കുന്ന ചൂടൻ പിടിക്കൊപ്പം നല്ല നാടൻ കോഴി വറുത്തരച്ചതും ഉണ്ടെങ്കിൽ പിന്നെ കുശാലായി. കിഴക്കൻ മേഖലയും പരമ്പരാഗത വിഭവമാണിത്. ഇത് ചൂടോടെ കഴിക്കുന്നതാണ് ഗുണകരം. ഷാൻ ജിയോ തൻ്റെ യൂട്യൂബ് ചാനലിലൂടെ ഇത് എങ്ങനെ തയ്യാറാക്കാം എന്ന് പരിചയപ്പെടുത്തി തരുന്നു.

പിടി 

ചേരുവകൾ

• അരിപ്പൊടി- 1 കിലോ
• തേങ്ങാപ്പീര്- 1 1/2 
• വെളുത്തുള്ളി- 4 അല്ലി
• ജീരകം- 1 ടീസ്പൂൺ

തയ്യാറാക്കുന്ന വിധം

• ഒരു പാനിലേയ്ക്ക് അരിപ്പൊടിയും തേങ്ങാ ചിരകിയതും ചേർത്തു വറുക്കാം.
• ശേഷം അടുപ്പിൽ നിന്നും മാറ്റി വയ്ക്കാം.
• ഒരു കപ്പ് വറുത്ത അരിപ്പൊടിയിലേയ്ക്ക് വെള്ളം ചേർത്തു തിളപ്പിക്കം.
• ഇതിലേയ്ക്ക് വെളുത്തുള്ളി അരച്ചതും ജീരകവും ചേർക്കാം.
• ഈ വെള്ളം ഒഴിച്ച് വറുത്ത പൊടി കുഴച്ചെടുക്കാം.
• നന്നായി കുഴച്ച് ചെറിയ ഉരുളകളാക്കിയെടുക്കാം.
• വെളുത്തുള്ളിയും ജീരകവും ചേർത്ത വെള്ളം ബാക്കിയുണ്ടെങ്കിൽ അത് അടുപ്പിൽ വച്ച് വീണ്ടും തിളപ്പിക്കാം.
• ഇതിലേയ്ക്ക് ഉരുളകൾ ചേർത്ത് അഞ്ച് മിനിറ്റ് തിളപ്പിക്കാം.
• കുറുകി വരുമ്പോൾ അടുപ്പണച്ച് മാറ്റി വയ്ക്കാം. 

കോഴിക്കറി 

ചേരുവകൾ

• കോഴി- 1/2 കിലോ
• മുളകുപൊടി- 1 ടീസ്പൂൺ
• മഞ്ഞൾപ്പൊടി- 1/2 ടീസ്പൂൺ
• മല്ലിപ്പൊടി- 2 ടീസ്പൂൺ
• കുരുമുളകുപൊടി- 1/2 ടീസ്പൂൺ
• ഇഞ്ചി- ചെറിയ കഷ്ണം
• വെളുത്തുള്ളി- 8
• കറുവാപ്പട്ട- 1 കഷ്ണം
• ഗ്രാമ്പൂ- 4
• ഏലയ്ക്ക- 4
• തക്കോലം- 1
• തേങ്ങാപ്പാൽ- 2 കപ്പ്
• സവാള- 2
• കറിവേപ്പില- ആവശ്യത്തിന്
• ഉപ്പ്- ആവശ്യത്തിന്
• മല്ലിയില- ആവശ്യത്തിന്

തയ്യാറാക്കുന്ന വിധം

• ഗ്രാമ്പൂ, കറുവാപ്പട്ട, ഏലയ്ക്ക, തക്കോലം എന്നിവ ചതച്ചു ചേർത്ത് കോഴിയിറച്ചി വേവിക്കാം.
• ഒരു പാനിൽ സവാള, കറിവേപ്പില, വെളുത്തുള്ളിയും ഇഞ്ചിയും അരച്ചത്, മുളകുപൊടി, മഞ്ഞൾപ്പൊടി, മല്ലിപ്പൊടി, കുരുമുളകുപൊടി, എന്നിവ ചേർത്തു വഴറ്റാം.
• പച്ചക്കറികളുടെ നിറം മാറി വരുമ്പോൾ പാതി വെന്ത ചിക്കൻ കഷ്ണങ്ങൾ ചേർക്കാം.
  ഇതിലേയ്ക്ക് തേങ്ങയുടെ ഒന്നാം പാൽ ചേർത്തു തിളപ്പിക്കാം.
• പാകത്തിന് ഉപ്പും ചേർത്തിളക്കി യോജിപ്പിക്കാം.
• കുറുകി വരുമ്പോൾ അടുപ്പണച്ച് മുകളിൽ മല്ലിയല വിതറി ചൂടോടെ പിടിക്കൊപ്പം വിളമ്പാം.

Read More

• മട്ടൺ സ്റ്റ്യൂ കൂടുതൽ രുചികരമാക്കാൻ ഈ ചേരുവകൾ ഉപയോഗിക്കൂ
• ഉരുളക്കിഴങ്ങ് കൊണ്ട് കിടിലൻ പെരിപെരി ചിപ്സ്
• ഏത്തപ്പഴം ഉണ്ടോ? ആരും കൊതിക്കും രുചിയിൽ അപ്പം ഉണ്ടാക്കാം
• ശരീരം കൂളാകും, നാരങ്ങ വെള്ളം ഈ രീതിയിൽ തയ്യാറാക്കി കുടിക്കൂ
• പുട്ട് കഴിക്കാൻ കറിയൊന്നും വേണ്ട, ഏത്തപ്പഴം ഇങ്ങനെ ചേർക്കൂ
• കൊഴുക്കട്ട പൊട്ടിപ്പോകില്ല, സോഫ്റ്റാവാൻ ഈ രീതി ട്രൈ ചെയ്യൂ