അരിപ്പൊടിക്കൊപ്പം ഏത്തപ്പഴം ഇങ്ങനെ ചേർക്കൂ, ഇനി പുട്ടിന് മറ്റൊരു കറി വേണ്ട

മലയാളികളുടെ തനത് പ്രഭാത ഭക്ഷണങ്ങളിലൊന്നാണ് പുട്ട്. സാധാരണയായി പുട്ടിനൊപ്പം കടലക്കറിയോ ചെറുപയർ കറിയോ മുട്ടക്കറിയോ ഒക്കെ കൂട്ടി കഴിക്കാറുണ്ട്. ചിലർ പപ്പടമോ പഴമോ ഒപ്പം കഴിക്കാറുണ്ട്. എന്നാൽ, കറിയൊന്നും ഇല്ലാതെ പുട്ട് കഴിക്കാനും പുട്ട് കൂടുതൽ രുചികരമാക്കാനും ഒരു മാർഗമുണ്ട്. എന്റെ അടുക്കള എന്ന യൂട്യൂബ് ചാനലാണ് പഴം പുട്ട് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഏത്തപ്പഴം - 3 എണ്ണം
• അരിപ്പൊടി - അര കപ്പ്
• ഉപ്പ് 
• തേങ്ങ ചിരകിയത്

തയ്യാറാക്കുന്ന വിധം

• ഏത്തപ്പഴം തൊലി കളഞ്ഞ് വട്ടത്തിൽ കഷ്ണങ്ങളാക്കി മുറിക്കുക
• അരിപ്പൊടിയിലേക്ക് ആവശ്യത്തിന് ഉപ്പ് ചേർക്കുക
• ഇതിലേക്ക് കുറച്ച് വീതം വെള്ളം ചേർത്ത് നനച്ചെടുക്കുക
• പുട്ട് കുറ്റിയിലേക്ക് കുറച്ച് തേങ്ങ ചിരകിയത് ഇട്ടു കൊടുക്കുക
• അതിനു മുകളിൽ ഏത്തപ്പഴം ഇട്ടുകൊടുക്കുക. അതിനുശേഷം അരിപ്പൊടി ഇടുക
• വീണ്ടും ഏത്തപ്പഴം ഇട്ടശേഷം അരിപ്പൊടിയും തേരങ്ങ ചിരകിയതും ഇട്ടു കൊടുത്ത് നിറയ്ക്കുക
• അതിനുശേഷം പുട്ട് വേവിച്ച് എടുക്കുക. ഒരു പാത്രത്തിലേക്ക് മാറ്റി ചൂടോടെ കഴിക്കുക

Read More

• കൊഴുക്കട്ട പൊട്ടിപ്പോകില്ല, സോഫ്റ്റാവാൻ ഈ രീതി ട്രൈ ചെയ്യൂ
• ബീറ്റ്റൂട്ട് കഴിക്കാൻ മടിയാണോ? മണി കൊഴുക്കട്ട തയ്യാറാക്കി കഴിക്കൂ
• ഉണ്ണിയപ്പമില്ലാതെ എന്ത് വിഷു, അത് കൂടുതൽ സോഫ്റ്റാകാൻ ഇങ്ങനെ ചെയ്താൽ മതി
• ഈ വിഷു രുചി സമൃദ്ധമാക്കാൻ വിഷുക്കഞ്ഞി തയ്യാറാക്കാം