കൊഴുക്കട്ട പൊട്ടിപ്പോകില്ല, സോഫ്റ്റാവാൻ ഈ രീതി ട്രൈ ചെയ്യൂ

കേരളീയരുടെ നാടൻ പലഹാരങ്ങളിൽ ഒന്നാണ് കൊഴുക്കട്ട. വറുത്തെടുത്ത അരിപ്പൊടിയിൽ ശർക്കരയും തേങ്ങയും വച്ച് ഉരുട്ടി ആവിയിൽ വേവിച്ചെടുക്കുന്ന നല്ല ചൂടൻ കൊഴുക്കട്ട ചായയ്ക്കൊപ്പം കഴിക്കുന്നത് മലയാളികളുടെ ഒരു ശീലമാണ്. കടയിൽ ലഭിക്കുന്ന അതേ രുചിയിൽ വീട്ടിൽ കൊഴുക്കട്ട തയ്യാറാക്കാവുന്നതാണ്. വറുത്ത അരിപ്പൊടിയാണ് ഇതിനായി ഉപയോഗിക്കേണ്ടത്. ഷമീസ് കിച്ചൺ തന്റെ യൂട്യൂബ് ചാനലിലൂടെയാണ് കൊഴുക്കട്ട റെസിപ്പി പരിചയപ്പെടുത്തി തരുന്നത്.

ചേരുവകൾ

• വറുത്ത പച്ചയരിപ്പൊടി- 2 കപ്പ്
• നെയ്യ് - ½ ടേബിൾസ്പൂൺ
• ഉപ്പ്
• ശർക്കര - 150 ഗ്രാം
• തേങ്ങ ചിരകിയത് - 2 കപ്പ്
• ഏലയ്ക്ക - ½ ടേബിൾസ്പൂൺ
• ചുക്കുപൊടി - ¼ ടേബിൾസ്പൂൺ
• അണ്ടിപ്പരിപ്പ് വറുത്തത്

തയ്യാറാക്കുന്ന വിധം

• അരിപ്പൊടിയിലേക്ക് നെയ്യ്, ഉപ്പ് എന്നിവ ചേർക്കുക. ഇതിലേക്ക് തിളപ്പിച്ച വെള്ളം ഒഴിച്ച് നന്നായി കുഴച്ചെടുക്കുക
• ഒരു പാത്രത്തിൽ ശർക്കരയും കാൽ കപ്പ് വെള്ളവും ചേർത്തിളക്കി അലിയിച്ചെടുക്കുക.
• ശർക്കര പാനി അരിച്ചെടുത്തശേഷം ഇതിലേക്ക് തേങ്ങ ചിരകിയത് ചേർത്ത് ചെറുതീയിൽ തിളക്കി വേവിക്കുക
• ഇതിലേക്ക് ഏലയ്ക്ക പൊടി, ചുക്കു പൊടി, അണ്ടിപ്പരിപ്പ് വറുത്തത് എന്നിവ ചേർത്ത് ഇളക്കുക
• മാവ് ചെറിയ ഉരുളകളാക്കിയെടുക്കുക.
• അവയ്ക്കുള്ളിലായി തേങ്ങ ചേർത്ത അരപ്പ് വെയ്ക്കുക.
• ഈ​ ഉരുളകൾ ഇഡ്ഡലി തട്ടിൽ വെച്ച് ആവിയിൽ വേവിച്ചെടുക്കുക. 

Read More

• ബീറ്റ്റൂട്ട് കഴിക്കാൻ മടിയാണോ? മണി കൊഴുക്കട്ട തയ്യാറാക്കി കഴിക്കൂ
• ഉണ്ണിയപ്പമില്ലാതെ എന്ത് വിഷു, അത് കൂടുതൽ സോഫ്റ്റാകാൻ ഇങ്ങനെ ചെയ്താൽ മതി
• ഈ വിഷു രുചി സമൃദ്ധമാക്കാൻ വിഷുക്കഞ്ഞി തയ്യാറാക്കാം
• സദ്യ സ്റ്റൈലിൽ ഇഞ്ചി കറി, മാസങ്ങളോളം കേടുകൂടാതിരിക്കും