ബീറ്റ്റൂട്ട് കഴിക്കാൻ മടിയാണോ? മണി കൊഴുക്കട്ട തയ്യാറാക്കി കഴിക്കൂ

ആരോഗ്യ ഗുണങ്ങൾ ഏറെയുള്ള ഒന്നാണ് ബീറ്റ്റൂട്ട്. എന്നാൽ, ബീറ്റ്റൂട്ട് കഴിക്കാൻ പലർക്കും മടിയാണ്. അങ്ങനെയുള്ളവർക്ക് ബീറ്റ്റൂട്ട് കൊണ്ടുള്ള മണി കൊഴുക്കട്ട തയ്യാറാക്കി കഴിക്കാവുന്നതാണ്. വളരെ എളുപ്പത്തിൽ രുചികരമായി തയ്യാറാക്കാവുന്ന ഈ കൊഴുക്കട്ട കുട്ടികൾക്കും നൽകാവുന്നതാണ്. എന്റെ അടുക്കള എന്ന യൂട്യൂബ് ചാനലിലാണ് ഈ കൊഴുക്കട്ട തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ബീറ്റ്റൂട്ട് - 3 എണ്ണം
• ഗോതമ്പ് പൊടി - 1 കപ്പ്
• ചുവന്നുള്ളി - 3 എണ്ണം
• കറിവേപ്പില - 2 എണ്ണം
• വെളിച്ചെണ്ണ
• കറിവേപ്പില
• തേങ്ങ ചിരകിയത്

തയ്യാറാക്കുന്ന വിധം

• ബീറ്റ്റൂട്ട് കഴുകി വൃത്തിയാക്കിയശേഷം ചെറിയ കഷ്ണങ്ങളായി മുറിച്ചെടുക്കുക
• ഇത് മിക്സിയുടെ ജാറിലേക്ക് മാറ്റി അരച്ചെടുക്കുക
• ഒരു പാത്രത്തിൽ ഒരു കപ്പ് ഗോമ്പ് പൊടി എടുക്കുക. 
• ഇതിലേക്ക് അരച്ചെടുത്ത ബീറ്റ്റൂട്ട് ചേർക്കുക. ആവശ്യത്തിന് ഉപ്പ് ചേർക്കുക
• നല്ലപോലെ കുഴച്ചെടുക്കുക. അതിനുശേഷം ചെറിയ ബോളുകളാക്കി ഉരുട്ടിയെടുക്കുക.
• ഇത് ഇഡ്ഡലി പാത്രത്തിൽവച്ച് വേവിച്ചെടുക്കുക
• ഒരു പാനിൽ കുറച്ച് വെളിച്ചെണ്ണ ഒഴിച്ച് കടുക് പൊട്ടിക്കുക
• ഇതിലേക്ക് ചുവന്നുള്ളി അരിഞ്ഞത്, വറ്റൽമുളക് എന്നിവ ചേർത്ത് വഴറ്റുക
• ഇതിലേക്ക് കുറച്ച് കറിവേപ്പില ചേർക്കുക. ഒരുപിടി തേങ്ങ ചേർക്കുക
• അതിനുശേഷം പുഴുങ്ങി വച്ചിരിക്കുന്ന കൊഴുക്കട്ട ചേർക്കുക
• നന്നായി ഇളക്കിശേഷം പാത്രത്തിലേക്ക് മാറ്റി ചെറിയ ചൂടോടെ കഴിക്കുക

Read More

• ഉണ്ണിയപ്പമില്ലാതെ എന്ത് വിഷു, അത് കൂടുതൽ സോഫ്റ്റാകാൻ ഇങ്ങനെ ചെയ്താൽ മതി
• ഈ വിഷു രുചി സമൃദ്ധമാക്കാൻ വിഷുക്കഞ്ഞി തയ്യാറാക്കാം
• സദ്യ സ്റ്റൈലിൽ ഇഞ്ചി കറി, മാസങ്ങളോളം കേടുകൂടാതിരിക്കും
• Happy Vishu 2025: വിഷുവിന് സ്പെഷ്യലായി പുഴുക്ക് തയ്യാറാക്കാം
• വിഷുവിനൊരുക്കാം തൃശൂർ സ്പെഷ്യൽ വിഷുക്കട്ട