Vishu 2025: വിഷുവിനൊരുക്കാം തൃശൂർ സ്പെഷ്യൽ വിഷുക്കട്ട

ഓണം കഴിഞ്ഞാൽ മലയാളികൾ കാത്തിരിക്കുന്നത് വിഷുക്കാലത്തിനായാണ്. പൂത്തുലഞ്ഞു നിൽക്കുന്ന കണിക്കൊന്നകളും കായ്ച്ചു നിൽക്കുന്ന ഫലവൃക്ഷങ്ങളും കണ്ണിനു കുളിർമയേകുന്ന കാഴ്ചയാണ്. വിഷു എന്ന് കേൾക്കുമ്പോൾ ആദ്യം മനസ്സിലേയ്ക്കു വരുന്നത് കണിക്കൊന്നയാണ്. കണി കണ്ടു കഴിഞ്ഞാൽ പിന്നെ അടുക്കളയാകെ വിഷുവിഭവങ്ങളുടെ ഗന്ധമായിരിക്കും. മലയാളികളുടെ മനസ്സിലേയ്ക്ക് ഓടിയെത്തുന്ന വിഷു വിഭവമാണ് വിഷുക്കട്ട. തൃശൂരിലെ പലയിടങ്ങളിലും ഇത് പ്രചാരത്തിലുണ്ട്. വിഷക്കട്ട എങ്ങനെ തയ്യാറാക്കാം എന്ന് പരിചയപ്പെടാം. നീലിമ തൻ്റെ സോഷ്യൽ മീഡിയ പേജിലൂടെ ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഉണക്കലരി- 2 കപ്പ്
• ചിരകിയ നാളികേരം - 2കപ്പ്
• ജീരകം - 1 ടീസ്പൂൺ
• ചുക്ക് പൊടിച്ചത് - 1 നുള്ള്
• ഉപ്പ് - ആവശ്യത്തിന്
• നെയ്യ്- 2 ടീസ്പൂൺ
• അണ്ടിപരിപ്പ്- ആവശ്യത്തിന്
• ഉണക്ക മുന്തിരി- ആവശ്യത്തിന്

തയ്യാറാക്കുന്ന വിധം

• ചിരകിയ നാളികേരത്തിൽ നിന്നും ഒന്നാംപാൽ നല്ല കട്ടിയിൽ പിഴിഞ്ഞെടുക്കാം.
• ശേഷം പിഴിഞ്ഞെടുത്ത നാളികേരത്തിൽ അൽപ്പം ചൂടുവെള്ളമൊഴിച്ച് രണ്ടാം പാൽ എടുക്കാം.
• ഇതിലേക്ക് ഉണക്കലരി ചേർത്തു വേവിക്കാം.
• വെന്തുകഴിഞ്ഞാൽ അതിലേക്ക് ഉപ്പ്, ജീരകം, ചുക്ക് എന്നിവയിട്ട് കട്ടയാകുന്നതുവരെ ഇളക്കി കൊണ്ടിരിക്കണം.
• അടിയിൽ കരിഞ്ഞു പിടിക്കാതിരിക്കാൻ ശ്രദ്ധിക്കണം.
• കട്ടയായി കഴിഞ്ഞാൽ എണ്ണപുരട്ടിയ പാത്രത്തിലേക്ക് മാറ്റി തണുക്കാൻ വയ്ക്കാം. നെയ്യിൽ അണ്ടിപ്പരിപ്പും മുന്തിരിയും വറുത്തു മുകളിൽ വിതറി തണുത്ത ശേഷം ഇഷ്ടമുള്ള ആകൃതിയിൽ മുറിച്ച് ശർക്കര പാനി​​ ഒഴിച്ചോ കറികൾ ഒഴിച്ചോ കഴിക്കാം.

Read More:

• ആരോഗ്യത്തിന് ഗുണകരം ഈ ലഡ്ഡു, പഞ്ചസാരയും കടലമാവും ഇല്ലാതെ തയ്യാറാക്കാം
• ഒരു കപ്പ് കടലമാവുണ്ടെങ്കിൽ മൈസൂർ പാക്ക് കഴിക്കാം മതിവരുവോളം
• പൂപോലെ സോഫ്റ്റ് അപ്പം വേണോ? മാവ് അരയ്ക്കുമ്പോൾ ഇക്കാര്യങ്ങൾ ശ്രദ്ധിക്കാം
• ഒരു കഷ്ണം തേങ്ങ ഉണ്ടെങ്കിൽ ചിരകിയെടുക്കാതെ ചമ്മന്തി തയ്യാറാക്കാം, ഇങ്ങനെ ചെയ്തു നോക്കൂഅരി ഏതുമാകട്ടെ തേങ്ങ ചോറിൻ്റെ റെസിപ്പി ഓർത്തിരുന്നോളൂ
• മലബാറിൻ്റെ സ്വന്തം പാൽ പത്തിരി രുചികരമായി തയ്യാറാക്കാൻ ഇതാ ഒരു വിദ്യ
• പുട്ട് സോഫ്റ്റായി കിട്ടുന്നില്ലേ? ഇതാ ചില നുറുങ്ങു വിദ്യകൾ
• നേന്ത്രപ്പഴം കഴിക്കാത്തവരും ഈ മലബാർ വിഭവത്തിനായി കൊതിക്കും