മലബാറിൻ്റെ സ്വന്തം പാൽ പത്തിരി രുചികരമായി തയ്യാറാക്കാൻ ഇതാ ഒരു വിദ്യ

നല്ല ചൂടൻ പത്തിരിയും കോഴിക്കറിയും മലബാറുകാരുടെ കോമ്പിനേഷനാണ്. ഇതേ പത്തിരി മാവ് കൊണ്ട് തയ്യാറാക്കാൻ സാധിക്കുന്ന മറ്റൊന്നാണ് പാൽപ്പത്തിരി. സ്ഥിരം പത്തിരിയേക്കാളും അൽപം കട്ടി കൂടൂതലായിരിക്കും എന്നു മാത്രമല്ല, ആവിയിൽ വേവിച്ചെടുക്കുന്നതാണ് ഇതിൻ്റെ പാചക രീതി. അൽപ്പം തേങ്ങാപ്പാൽ കൂടി ഉണ്ടെങ്കിൽ പിന്നെ പ്ലേറ്റ് കാലിയാകുന്ന വഴിയറിയില്ല. 

ചേരുവകൾ

• വെള്ളം- 4 കപ്പ്
• ഉപ്പ്- ആവശ്യത്തിന്
• ജീരകപ്പൊടി- 1/2 ടീസ്പൂൺ
• ഏലയ്ക്കപ്പൊടി- ഒരു നുള്ള്
• നെയ്യ്- 1 ടേബിൾസ്പൂൺ
• അരിപ്പൊടി- 2 1/2 കപ്പ്
• തേങ്ങാപ്പാൽ- 1 1/2 കപ്പ്

തയ്യാറാക്കുന്ന വിധം

• ഒരു പാത്രത്തിൽ നാല് കപ്പ് വെള്ളമെടുത്ത് അതിലേയ്ക്ക് ആവശ്യത്തിന് ഉപ്പ്, അര ടീസ്പൂൺ ജീരകപ്പൊടി,  ഒരു ടേബിൾസ്പൂൺ നെയ്യ് എന്നിവ ചേർത്ത് അടുപ്പിൽ വെച്ച് നന്നായി തിളപ്പിക്കാം.
• ഇതിലേയ്ക്ക് രണ്ടര കപ്പ് അരിപ്പൊടി ചേർത്തിളക്കാം.
• വെള്ളം വറ്റി കട്ടിയായി വരുമ്പോൾ അടുപ്പിൽ നിന്ന് മാറ്റി മാവ് കുഴച്ച് പരത്തുക.
  അധികം കട്ടി കുറയാതെ പരത്തിയ മാവിൽ നിന്നും പത്തിരി വട്ടത്തിലാക്കി മുറിച്ചെടുക്കാം.
• അത് വാഴയിലക്കുള്ളിൽ വെച്ച് ആവിയിൽ വേവിച്ചെടുക്കാം.
• വെന്ത പത്തിരി ഒന്നര കപ്പ് തേങ്ങാപ്പാലിൽ അഞ്ചോ പത്തോ മിനിറ്റ് കുതിർത്തു വെച്ച് വിളമ്പാം. 

Read More

• അരിയും ഉഴുന്നും മാത്രമല്ല ഇഡ്ഡലി പഞ്ഞി പോലെ സോഫ്റ്റാകാൻ ഇവയും ചേർക്കാം
• ബ്രേക്ക്ഫാസ്റ്റിനൊരുക്കാം ഉണ്ടപ്പുട്ട്, ഇതിന് പ്രത്യേകം കറിയുടെ ആവശ്യമില്ല
• കൈ ഉപയോഗിച്ച് ഗോതമ്പ് പൊടി നനയ്‌‌‌‌‌‌‌‌‌ക്കേണ്ട, സോഫ്റ്റ് പുട്ട് ഇങ്ങനെയും തയ്യാറാക്കാം
• പഞ്ചസാരയും പഴങ്ങളും വേണ്ട, ഊർജത്തിനും ഉന്മേഷത്തിനും ശീലമാക്കാം റാഗി ജ്യൂസ്
• 3 ചേരുവകൾ കൊണ്ട് ഐസ്ക്രീം, ഇനി ചൂടിലും കൂളായിരിക്കാം
• പർപ്പിൾ ബബിൾ ടീ അല്ല, സ്പെഷ്യൽ മുന്തിരി ജ്യൂസാണ്
• ദോശയോടൊപ്പം മാത്രമല്ല ചോറിനും കിടിലൻ കോമ്പിനേഷനാണ് ഈ തക്കാളി ചമ്മന്തി
• നേന്ത്രപ്പഴം കഴിക്കാത്തവരും ഈ മലബാർ വിഭവത്തിനായി കൊതിക്കും
• വൈകുന്നേരം ചായക്കൊപ്പം കഴിക്കാൻ ക്ലാസിക് ചിക്കൻ ഡോനട്ട്
• ഓവനും മുട്ടയും വേണ്ട, തേങ്ങ ചിരകിയത് ബാക്കി വന്നാൽ സിംപിളായി കേക്ക് തയ്യാറാക്കാം
• ഗോതമ്പ് പൊടി മാത്രം മതി, തട്ടുകട സ്റ്റൈലിൽ അടിപൊളി വിഭവം തയ്യാറാക്കാം
• വായിലിട്ടാൽ അലിഞ്ഞു പോകും ഈ ബീറ്റ്റൂട്ട് ഹൽവ, നിറത്തിലല്ല രുചിയിലും ഗുണത്തിലുമാണ് കാര്യം