പൂപോലെ സോഫ്റ്റ് കള്ളപ്പം വേണോ? എങ്കിൽ ഇങ്ങനെ തയ്യാറാക്കി നോക്കൂ

ക്രിസ്മസ്, ഈസ്റ്റർ പോലുള്ള വിശേഷ ദിവസങ്ങളിൽ മലയാളികൾ കൂടുതലായും ഉണ്ടാക്കാറുള്ള വിഭവമാണ് കള്ളപ്പം. നാടൻ കള്ള് ഉപയോഗിച്ചും അല്ലാതെയും ഇത് തയ്യാറാക്കാം. എങ്കിലും രുചി അറിഞ്ഞ് കഴിക്കണം എങ്കിൽ നാടൻകൂട്ടുകൾ തന്നെയാണ് നല്ലത്. അരി അരച്ച്, കാപ്പി കാച്ചി ആവിയിൽ വേവിച്ചെടുക്കുന്ന കള്ളപ്പം കഴിച്ച് ഈസ്റ്റർ ദിനം ആരംഭിക്കാം. അപർണ തൻ്റെ ഇൻസ്റ്റഗ്രാം പേജിലൂടെ വളരെ എളുപ്പത്തിൽ തയ്യാറാക്കാവുന്ന കള്ളപ്പം റെസിപ്പി പരിചയപ്പെടുത്തി തരുന്നു. 

ചേരുവകൾ

• അരിപ്പൊടി- 500ഗ്രാം
• തേങ്ങാപ്പാൽ- ആവശ്യത്തിന്
• ഏലയ്ക്ക- 10
• പഞ്ചസാര- 12 ടീസ്പൂൺ
• നാടൻകള്ള്- 250മില്ലി

View this post on Instagram

A post shared by Photographer & Visual Storyteller (@inji_pennu)

തയ്യാറാക്കുന്ന വിധം

• ഒരു ഇടത്തരം തേങ്ങ ചിരകിയെടുക്കാം.
• അതിൽ നിന്നും രണ്ട് സ്പൂൺ​ മാറ്റി വച്ച് ബാക്കിയിലേയ്ക്ക് ഏലയ്ക്ക ചേർത്ത് നന്നായി അരച്ച് തേങ്ങാപ്പാൽ പിഴിഞ്ഞെടുക്കാം.
• ഒരു പാത്രത്തിലേയ്ക്ക് അരകിലോ വറുത്ത അരിപ്പൊടിയെടുക്കാം.
• മാറ്റി വച്ച തേങ്ങ അരച്ചെടുത്ത് ഇതിലേയ്ക്കു ചേർക്കാം.
• മധുരത്തിനാവശ്യമായ പഞ്ചസാരയും, കാൽലിറ്റർ നാടൻ കള്ളും ചേർത്തിളക്കി യോജിപ്പിക്കാം.
• ഇതിലേയ്ക്ക് ഒന്നാം പാൽ ചേർത്ത് ഇളക്കി യോജിപ്പിക്കുകയോ മിക്സിയിൽ ഒരിക്കൽ കൂടി അരച്ചെടുക്കുകയോ ചെയ്യാം.
• ഇത് 5 മണിക്കൂറെങ്കിലും പുളിപ്പിക്കാനായി മാറ്റി വയ്ക്കാം.
• ശേഷം അൽപം ഉപ്പ് ചേർത്തിളക്കി യോജിപ്പിക്കാം.
• ഒരു പരന്ന പാത്രത്തിൽ അൽപം എണ്ണ തടവി മാവ് അതിലേയ്ക്ക് ഒഴിച്ച് ആവിയിൽ വേവിച്ചെടുക്കാം.
• വളരെ സിംപിളായി തയ്യാറാക്കാവുന്ന ഒരു വട്ടയപ്പം റെസിപ്പിയാണിത്. 

Read More

• പോർക്ക് വരട്ടിയെടുക്കുമ്പോൾ ഇങ്ങനെ ചെയ്തു നോക്കൂ, കിടിലൻ രുചിയാണ്
• പഴം കൈയ്യിലുണ്ടോ? എങ്കിൽ ഈ ഡെസേർട്ട് ട്രൈ ചെയ്യാം
• ചപ്പാത്തി സോഫ്റ്റും ഹെൽത്തിയുമാക്കാൻ ഇതാ ചില നുറുങ്ങു വിദ്യകൾ
• ഈസ്റ്ററിന് ഒരുക്കാം കോഴിയും പിടിയും, റെസിപ്പി സിംപിളാണ്
• മട്ടൺ സ്റ്റ്യൂ കൂടുതൽ രുചികരമാക്കാൻ ഈ ചേരുവകൾ ഉപയോഗിക്കൂ
• ഉരുളക്കിഴങ്ങ് കൊണ്ട് കിടിലൻ പെരിപെരി ചിപ്സ്
• ഏത്തപ്പഴം ഉണ്ടോ? ആരും കൊതിക്കും രുചിയിൽ അപ്പം ഉണ്ടാക്കാം
• ശരീരം കൂളാകും, നാരങ്ങ വെള്ളം ഈ രീതിയിൽ തയ്യാറാക്കി കുടിക്കൂ
• പുട്ട് കഴിക്കാൻ കറിയൊന്നും വേണ്ട, ഏത്തപ്പഴം ഇങ്ങനെ ചേർക്കൂ
• കൊഴുക്കട്ട പൊട്ടിപ്പോകില്ല, സോഫ്റ്റാവാൻ ഈ രീതി ട്രൈ ചെയ്യൂ