ഈസ്റ്റർ രുചികരമാക്കാൻ കൊതിയൂറും ഫിഷ്മോളി

ഫിഷ് മോളി അഥവ മീൻ മോളി കേരളത്തിൻ്റെ നാടൻ വിഭവങ്ങളിൽ ഒന്നാണ്. സാധാരണ അപ്പം, ഇഡ്ഡിയപ്പം, ചോറ് എന്നിവയ്ക്കൊപ്പമാണിത് കഴിക്കാറുള്ളത്. ഇത് നെയ്മീൻ ചേർത്ത് തയ്യാറാക്കിയാൽ അടിപൊളിയാണ്. മലയാളികളുടെ സ്ഥിരം മസാലക്കൂട്ടിനൊപ്പം തേങ്ങാപ്പാലും കൂടി ചേർത്ത് തിളപ്പിച്ചെടുക്കുന്നതാണ് ഇതിൻ്റെ പാചക രീതി. സാധാരണ തയ്യാറാക്കാറുള്ള മീൻ കറിയിൽ നിന്നും അൽപം വ്യത്യസ്തമാണ് ഇതിൻ്റെ രുചി. മസാല പുരട്ടി തേങ്ങാപ്പാലിൽ തിളപ്പിച്ചെടുത്ത നെയ്മീൻ മോളി ചൂട് പൊറോട്ടയോടൊപ്പം കഴിക്കാൻ ആരും കൊതിച്ചു പോകും. സലീഷ് തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ഉപ്പ്
• മഞ്ഞൾപ്പൊടി
• കുരുമുളകുപൊടി
• നാരങ്ങനീര്
• മീൻ
• വെളിച്ചെണ്ണ
• കറിവേപ്പില
• സവാള
• ഇഞ്ചി 
• വെളുത്തുള്ളി
• പച്ചമുളക്
• കറുവാപ്പട്ട
• ഗ്രാമ്പൂ
• തക്കാളി
• തേങ്ങാപ്പാൽ
• കുരുമുളക്
• ഉപ്പ്
• അരിപ്പൊടി

View this post on Instagram

A post shared by Saleesh A B (@salee_3502)

തയ്യാറാക്കുന്ന വിധം

• ഉപ്പ്, മഞ്ഞൾപ്പൊടി, മുളകുപൊടി, കുരുമുളകുപൊടി, എന്നിവയിലേയ്ക്ക് നാരങ്ങ നീര് ചേർത്തിളക്കി യോജിപ്പിക്കാം.
• ഇത് മീനിൽ പുരട്ടി അൽപ സമയം മാറ്റി വയ്ക്കാം.
• അടികട്ടിയുള്ള ഒരു പാത്രത്തിൽ അൽപം വെളിച്ചെണ്ണ ഒഴിച്ച് അതിൽ മീൻ വറുത്തെടുക്കാം.
• അതേ പാത്രത്തിൽ അൽപം കൂടി വെളിച്ചെണ്ണ ഒഴിച്ച് ചൂടാക്കാം.
• ഇതിലേയ്ക്ക് സവാള ചെറുതായി അരിഞ്ഞതു ചേർത്തു വഴറ്റാം.
• അതിൻ്റെ നിറം മാറി വരുമ്പോൾ ഒരു തണ്ട് കറിവേപ്പില, ഇഞ്ചി, വെളുത്തുള്ളി എന്നിവ ചേർക്കാം.
• ഇവ വെന്തു വരുമ്പോൾ പച്ചമുളകും കറുവാപ്പട്ടയും, ഗ്രാമ്പൂവും ചേർത്തിളക്കി യോജിപ്പിക്കാം.
• ഇതിലേയ്ക്ക് വറുത്ത മീനും വട്ടത്തിൽ അരിഞ്ഞ തക്കാളിയും ചേർക്കാം.
• കട്ടിയുള്ള തേങ്ങയുടെ ഒന്നാംപാൽ ഒഴിച്ച് തിളപ്പിക്കാം.
• കുറുകി വരുമ്പോൾ അരിപ്പൊടി വെള്ളത്തിൽ കലക്കിയതും ആവശ്യമെങ്കിൽ ഉപ്പും, കുരുമുളകുപൊടിയും ചേർക്കാം.
• നന്നായി തിളപ്പിച്ച് കുറുക്കിയെടുത്ത കറി ചൂടോടെ കഴിച്ചു നോക്കൂ. 

Read More

• പൂപോലെ സോഫ്റ്റ് കള്ളപ്പം വേണോ? എങ്കിൽ ഇങ്ങനെ തയ്യാറാക്കി നോക്കൂ
• പോർക്ക് വരട്ടിയെടുക്കുമ്പോൾ ഇങ്ങനെ ചെയ്തു നോക്കൂ, കിടിലൻ രുചിയാണ്
• പഴം കൈയ്യിലുണ്ടോ? എങ്കിൽ ഈ ഡെസേർട്ട് ട്രൈ ചെയ്യാം
• ചപ്പാത്തി സോഫ്റ്റും ഹെൽത്തിയുമാക്കാൻ ഇതാ ചില നുറുങ്ങു വിദ്യകൾ
• ഈസ്റ്ററിന് ഒരുക്കാം കോഴിയും പിടിയും, റെസിപ്പി സിംപിളാണ്
• മട്ടൺ സ്റ്റ്യൂ കൂടുതൽ രുചികരമാക്കാൻ ഈ ചേരുവകൾ ഉപയോഗിക്കൂ
• ഉരുളക്കിഴങ്ങ് കൊണ്ട് കിടിലൻ പെരിപെരി ചിപ്സ്
• ഏത്തപ്പഴം ഉണ്ടോ? ആരും കൊതിക്കും രുചിയിൽ അപ്പം ഉണ്ടാക്കാം
• ശരീരം കൂളാകും, നാരങ്ങ വെള്ളം ഈ രീതിയിൽ തയ്യാറാക്കി കുടിക്കൂ
• പുട്ട് കഴിക്കാൻ കറിയൊന്നും വേണ്ട, ഏത്തപ്പഴം ഇങ്ങനെ ചേർക്കൂ