ചെവിവേദനയിൽ തുടക്കം, പിന്നെയാണ് കാൻസർ ആണെന്നറിഞ്ഞത്, 16 കിലോ കുറഞ്ഞു: മണിയൻപിള്ള രാജു

മലയാളത്തിന്റെ പ്രിയപ്പെട്ട നടനാണ് മണിയൻപിള്ള രാജു. താൻ ക്യാൻസർ സർവൈവർ ആണെന്ന് അടുത്തിടെ നടൻ വെളിപ്പെടുത്തിയിരുന്നു. ചെവി വേദനയിൽ നിന്നുമായിരുന്നു തുടക്കമെന്നും എംആർഐ എടുത്തപ്പോഴാണ് കാൻസർ ആണെന്ന് തിരിച്ചറിഞ്ഞതെന്നുമാണ് മണിയൻപിള്ള രാജു പറഞ്ഞത്. കൊച്ചിയിൽ ഒരു പൊതുപരിപാടിയിൽ സംസാരിക്കവെയാണ് തന്റെ രോഗവിവരം മണിയൻപിള്ള രാജു വെളിപ്പെടുത്തിയത്.

രോഗബാധ മൂലം 16 കിലോവരെ ഭാരം കുറഞ്ഞെന്നും മണിയൻപിള്ള രാജു കൂട്ടിച്ചേർത്തു. അടുത്തിടെ, സോഷ്യൽ മീഡിയയുടെ ശ്രദ്ധ നേടിയ ചിത്രത്തിലും മെലിഞ്ഞ രൂപത്തിലായിരുന്നു മണിയൻപിള്ളയെ കണ്ടത്.  ആ ചിത്രം പുറത്തുവന്നപ്പോൾ തന്നെ, നടനു എന്തുപറ്റിയെന്ന ആകുലത ആരാധകർ പ്രകടിപ്പിച്ചിരുന്നു. അതിനു പിന്നാലെ അച്ഛന് കാൻസർ ആയിരുന്നു എന്നു വെളിപ്പെടുത്തി മകനും നടനുമായ നിരഞ്ജ് രം​ഗത്തെത്തിയിരുന്നു. ഇപ്പോഴിതാ, രോഗകാലത്തെ കുറിച്ച് മണിയൻപിള്ള തന്നെ തുറന്നു പറയുകയാണ്. 

"കഴിഞ്ഞ വർഷമായിരുന്നു എനിക്ക് കാൻസർ വന്നത്. തുടരും സിനിമയുടെ ഷൂട്ടിം​ഗ് കഴിഞ്ഞ് ഭഭബ്ബയുടെ ഷൂട്ടിംഗിന് പോയി. തിരിച്ചു പോയപ്പോൾ ചെവി വേദന. അങ്ങനെ എംആർഐ എടുത്ത് നോക്കിയപ്പോൾ ചെറിയ അസുഖം, തൊണ്ടയുടെ അറ്റത് നാവിന്റെ അടിയിൽ. 30 റേഡിയേഷനും അഞ്ച് കീമോയും ചെയ്തു. സെപ്റ്റംബറിൽ ട്രീറ്റമെന്റ് എല്ലാം കഴിഞ്ഞു. മരുന്നൊന്നും ഇല്ല. പക്ഷേ 16 കിലോ ഭാരം കുറഞ്ഞു. വേറെ കുഴപ്പമൊന്നും ഇല്ല," മണിയൻപിള്ള രാജുവിന്റെ വാക്കുകളിങ്ങനെ. 

Read More

• Bromance OTT: പറഞ്ഞതിലും ഒരു ദിവസം മുൻപെയെത്തി; ബ്രോമാൻസ് ഇപ്പോൾ ഒടിടിയിൽ കാണാം
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ
• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ
• മറവി‍ക്കെതിരെ ഓര്‍മയുടെ പോരാട്ടം, വൈകാരികമായ യാത്രയായിരുന്നു നരിവേട്ട: ടൊവിനോ തോമസ്
• അടുത്ത ബ്ലോക്ക്ബസ്റ്റർ? വീണ്ടും ഹിറ്റടിക്കാൻ ആസിഫ് അലി; 'സർക്കീട്ട്' ട്രെയിലർ
• തീപ്പൊരി സ്റ്റെപ്പുമായി ചാക്കോച്ചന്റെ ഇസഹാഖ്; മത്തൻ കുത്തിയാൽ കുമ്പളം മുളക്കില്ലെന്ന് ആരാധകർ
• അടുത്ത ജന്മത്തിൽ പ്രഭാസിനെ പോലെ ഒരു മകനെ വേണം: സറീന വഹാബ്
• ആ ചുംബന ഫോട്ടോ വിവാദം ഞങ്ങളെ തെല്ലും ഉലച്ചില്ല: മഹേഷ് ഭട്ടിന്റെ മകൻ പറയുന്നു